" ဟုတ် "
ထွေး ကားငှားပြီး ဆေးခန်းက ဆုဝေတို့အိမ်ကို သွားလိုက်သည် ။
*************************************
ထွေးကို မြင်တော့ ဆုဝေ ခြံတံခါးသွားဖွင့်ပေးလိုက်သည် ။
" လာလာ ။ နင်ဖုန်းဆက်ကတည်းက ငါစောင့်နေတာ "
ဆုဝေ ထွေးလက်ကို အလောတကြီးဆွဲကာ ဧည့်ခန်းထဲကိုသွားလိုက်သည် ။
" ထိုင် "
ဆုဝေ ထွေးကို အရင်ထိုင်စေလိုက်သည် ။
" ငါ ဘယ်လိုလုပ်ရမလဲ မသိတော့ဘူး "
ထွေး ထိုင်ခုံပေါ် ထိုင်ရင်းပြောလိုက်သည် ။ ထွေး အသံက ခပ်ပျော့ပျော့ ။
" ဘာဖြစ်တာလဲ အရင်ပြောလေ ထွေးရဲ့ ။ ငါကူညီနိုင်တာရှိရင် ကူညီမှာပေါ့ "
ဆုဝေ ထွေးဘေးကခုံမှာဝင်ထိုက်ပြီးပြောလိုက်သည် ။
" ငါ့အစ်ကိုက .. "
ထွေး စကားကို ရပ်ထားလိုက်သည် ။
" ပြောလေဟယ် "
" အစ်ကိုက မမလှိုင်နဲ့ သူနဲ့ကို အောင်သွယ်ပေးဖို့ ထပ်ပြောနေပြန်ပြီ "
ထွေး သက်ပြင်း တိုးတိုးလေးချသည် ။
" အေး ရှုပ်ကုန်တော့မှာပဲ "
ဆုဝေ ခေါင်းကိုကုတ်လိုက်သည် ။
" ငါ ဘယ်လိုလုပ်ရမလဲ ။ ပြောပါဦး ဆုဝေရဲ့ "
" နင်က ဘယ်လိုလုပ်ချင်လို့လဲ "
" ငါကတော့ လုပ်ချင်တာရှိတယ်လေဟာ "
" ဒါဆို လုပ်ချပစ်လိုက်ပေါ့ ခင်ထွေးမွန်မရဲ့ "
" အားနာစရာတွေဖြစ်ကုန်မှာပေါ့ "
" နင်က ဘာလုပ်ချင်တာ မလို့လဲဟ "
" ငါ အစ်ကိုနဲ့ လုံးဝအောင်သွယ်မပေးနိုင်ဘူး ။ ငါပဲရအောင်ယူမှာ မမလှိုင်ကို "
" အမလေးဟယ် ။ ဒါနဲ့များ ဘာတွေညစ်နေတာလဲ ။ ရအောင်ယူပစ် ။ ငါ အားပေးတယ် "
ဆုဝေ ထွေး ပုခုံးကို ရိုက်ချလိုက်သည် ။
" အသာလုပ်ပါဟဲ့ "
ထွေး ဆုဝေကို မျက်စောင်းလေးထိုးလိုက်သည် ။
" ပြိုင်ဖက်ရှိတော့ နင် တော်တော်တော့ကြိုးစားရမယ်နော် ထွေးမ "
YOU ARE READING
ကံ့ကော်ဝေသော//ကံ့ေကာ္ေဝေသာ
Romanceကံ့ကော်တွေပွင့်တာမြင်တော့ ကံ့ကော်လှိုင်ဆိုတဲ့အမျိုးသမီးတစ်ယောက်ကို ဖန်တီးမိလိုက်တယ် 💛 ကံ့ေကာ္ေတြပြင့္တာျမင္ေတာ့ ကံ့ေကာ္လွိုင္ဆိုတဲ့အမ်ိဳးသမီးတစ္ေယာက္ကိုဖန္တီးလိုက္မိတယ္💛
Part 9
Start from the beginning
