" ငါ အဲ့လိုကြီးမဟုတ်ပါဘူးဟ "
" ပြောတာပဲ ။ ဒါနဲ့ သူ့ကို ဘာလို့သွားမတွေ့တာလဲ "
" အစ်ကိုပေါ့ ။ ငါ မမလှိုင်ဆီ သွားမယ်လုပ်တိုင်း ဟိုဟာလေး ယူသွားပေးပါ ။ ဒီဟာလေး ယူသွားပေးပါနဲ့ ။ သူက မမလှိုင်ကို ပိုးနေတာ "
ထွေး ငိုသံပါပါနဲ့ပြောလိုက်သည် ။" ဟဲ့ မငိုပါနဲ့ ။ နင်သူ့ကို တကယ်ချစ်နေတာပဲ ။ သူကလေ နင့်အစ်ကိုကို ပြန်သဘောကျမှာမဟုတ်ပါဘူး ။ ငါ နင့်မွေးနေ့မှာကတည်းက ရိပ်မိတယ် "
" ဒါပေမယ့် ဒီအခြေအနေကြီးက ရှုပ်ထွေးတယ်မလား ။ ငါ စိတ်ရှုပ်လို့ ရူးတော့မှာပဲ ။ မမလှိုင်ကို တအားချစ်မိနေပြီ "
" ဟူး... နင့်အခြေအနေကလည်း တကယ်ကိုမလွယ်တာပါလား "
ဆုဝေ ထွေးကို သနားသွားသည် ။" ဘာပဲဖြစ်ဖြစ် မမလှိုင်က နင့်ကို ခင်ပါတယ် ။ နင် ကြိုးစားရင် သူ့အချစ်ကို ရနိုင်တယ် ။ နင် သတ္တိတော့ရှိရမယ်လေ ။ "
" အင်း.. ဒါဆို ငါ မနက်ဖြန် မမလှိုင်ဆီကို သွားမယ် "
ခန့်မှန်းမရတဲ့ အနာဂတ်အချိန်လေးအတွက် ခင်ထွေးမွန် တွေးပြီးပျော်နေသည် ။ ချစ်သောသူရဲ့မျက်နှာမြင်ရမှာကို မပျော်တဲ့သူ ကမ္ဘာမှာ ရှိပါ့မလား ။*********************************
ဧည့်ခန်းထဲက တယ်လီဖုန်းမြည်သံကြောင့် ဝေဝေ သန့်ရှင်းရေးလုပ်နေရာမှ ရပ်ပြီး ဖုန်းသွားကိုင်လိုက်သည် ။
" ဟလို "
" ကံ့ကော်လှိုင်ရှိလား "
" ဟုတ်ကဲ့ ရှိပါတယ်ရှင့် "
" အခု ဖုန်းကိုင်နေတာကရော ဘယ်သူလဲ မသိဘူးခင်ဗျ "
တစ်ဘက်က အမျိုးသားတစ်ယောက်ရဲ့အသံဖြစ်သည် ။" ဟုတ်ကဲ့ ။ ကျွန်မက ဦးထွန်းတို့အိမ်က အိမ်အကူပါ ။ မမလေးက သူ့အခန်းထဲမှာရှိပါတယ်ရှင့် "
" သြော် ... ဦးလေးက သူ့အဖေပါကွယ် ။ မနက်ဖြန်ကျရင် ဦးလေးအလည်လာမလို့ပါ ။ အဲ့တာ သမီးကိုပြောပြပေးပါဦး "
" ဟုတ်ကဲ့ရှင့် ။ ကျွန်မ ပြောပြထားလိုက်ပါ့မယ် "
" အေးအေး သမီး ။ ဒါဆို ဦးလေးဖုန်းချလိုက်တော့မယ် "
![](https://img.wattpad.com/cover/306758908-288-k996085.jpg)
YOU ARE READING
ကံ့ကော်ဝေသော//ကံ့ေကာ္ေဝေသာ
Romanceကံ့ကော်တွေပွင့်တာမြင်တော့ ကံ့ကော်လှိုင်ဆိုတဲ့အမျိုးသမီးတစ်ယောက်ကို ဖန်တီးမိလိုက်တယ် 💛 ကံ့ေကာ္ေတြပြင့္တာျမင္ေတာ့ ကံ့ေကာ္လွိုင္ဆိုတဲ့အမ်ိဳးသမီးတစ္ေယာက္ကိုဖန္တီးလိုက္မိတယ္💛
Part 7
Start from the beginning