သူဆက်ကြည့်မနေတော့ဘဲ ကားဆီသို့သွားမည်အပြုမှာ ထိုကောင်လေးက သူ့ကိုကြည့်နေတာကို ခံစားမိ၍လားမသိ၊ သူ့ဘက်သို့လှည့်ကြည့်လာ၏။
နည်းနည်းတော့ အခက်တွေ့ရသည်ပင်။ နှုတ်ဆက်ရလောက်အောင်ထိ ရင်းနှီးဖူးတာလည်းမဟုတ်၊ မသိချင်ယောင်ဆောင်သွားဖို့ကလည်း ကိုယ်က အရင်ကြည့်မိသူဖြစ်နေရာ နေရခက်လှသည်။
ဒါယောင်းနှင့်လည်းပြတ်စဲသွားသည်ဖြစ်ရာ ပတ်သက်ဖူးသော ရည်းစားဟောင်း၏မောင်အား နှုတ်ဆက်နေစရာ မလိုအပ်ဟုတွေးရင်း မိမိဦးတည်ရာဆီသို့သာဆက်သွားရင်း လျစ်လျူရှုလိုက်မိသည်။ထိုကောင်လေးကလည်း သူ့ကို နည်းနည်းမှ ရင်းနှီးဟန်မပြပါ။စိတ်တိုနေသောမျက်နှာနှင့်အတူ ခြေလှမ်းကြဲကြီးတွေဖြင့် သူ့နားမှဖြတ်လျှောက်သွားလေသည်။
" နေပါအုံးကွ ... မင်းကလည်း ဒေါသကကြီးလိုက်တာ "
ထိုကောင်လေးနောက်မှ အပြေးလိုက်ကာအော်ခေါ်နေသောသူက ခုနက တူတူရပ်ကာစကားပြောနေသူပဲဖြစ်သည်။
" ကျွန်တော်ပြောတာကို ခင်ဗျားနားမလည်သေးဘူးလား "
ထယ်ယောင်းရဲ့ အသံခပ်ဩဩမှာ စိတ်မရှည်မှုတွေက အတိုင်းသားပါဝင်နေသည်။
ဘယ်လိုကံဆိုးလိုက်တဲ့နေ့လဲ။
အိမ်အတွက်လိုအပ်တာလေးတွေရယ် စားစရာအချို့ရယ် လာဝယ်တုန်း အမဖြစ်သူရဲ့ ရည်းစားဟောင်းတွေနဲ့ တွေ့ရမယ်လို့ ဘယ်သူကထင်မှာလဲ။
ဂျူဟွန်းဆိုသော သကောင့်သားမှာ နှစ်ပေါင်းများစွာတည်းက ရင်းနှီးနေသလိုအချိုးနှင့် သူ့အား ဖက်လှဲတကင်း ပြုမူနေသည်ကို ထယ်ယောင်းလုံးဝမနှစ်မြို့ပါ။
သူနှင့် အရက်အတူသောက်ရန် ဇွတ်ခေါ်နေတာကြောင့် အလုပ်ရှိသေးကြောင်းပြောပြီး ငြင်းသော်လည်းမရ၍ မိမိ အမဖြစ်သူအား ဒုက္ခရောက်အောင်လုပ်သွားသော သူတယောက်နှင့် အရက်အတူတူမသောက်နိုင်ဟု ပြောနေတုန်းမှာပင်
တစုံတယောက်က မိမိအားကြည့်နေသလိုခံစားလိုက်ရသည်။ မသိစိတ်ရဲ့စေ့ဆော်မှုနဲ့အတူ လှည့်ကြည့်မိလိုက်တော့ ဂျုံးဂုဆိုသောသူ။
![](https://img.wattpad.com/cover/296711816-288-k200266.jpg)
आप पढ़ रहे हैं
Betrayal
बेतरतीब" သစ္စာမရှိတဲ့သူကို ကျွန်တော်ဘယ်တော့မှချစ်မှာမဟုတ်ဘူး " Taehyung " ကိုယ့်ဘဝမှာ မင်းနဲ့ အရင်ဆုံးဆုံခဲ့မိရင် သစ္စာဖောက်တယ်ဆိုတာ ရှိလာမှာ မဟုတ်ဘူး " Jung Kook
အခန်း-(၈)
शुरू से प्रारंभ करें: