မောင့်လေပြေ (Completed)

အပိုင်း(၃၆)

"သွေးနည်းလှချည်လား ခွန်ပြည့်..ဘာလဲ ငါ့ကိုတွေ့ရရင် လေပြေငါ့နောက်ပြန်ပါသွားမှာကို မင်းသိပ်ကြောက်နေလား"

"ပြန်ပါမယ်. ဟုတ်လား. ဒီမှာ ပိုင် လေပြေ့ကို ငါအရင်ဆုံးပိုင်ခဲ့တာ. မင်းက ငါ့နောက်မှ ပေါ်လာပြီး ကြာကူလီသွားတာဆိုတဲ့အဖြစ်မှန်ကိုမမေ့လိုက်နဲ့"

"အဟက်. အရင်ဆုံးဆိုတဲ့ဟာကြီးကို အထပ်ထပ်ပြောနေလို့ ငါပြောလိုက်မယ်. ပြီးရင် မင်းဦးနှောက်နဲ့သေချာစဥ်းစားကြည့်ပေါ့. ပထမလူကိုသာအပြည့်အ၀ချစ်ခဲ့ရင် နောက်လူဆိုတာဘယ်တော့မှပေါ်လာမှာမဟုတ်ဘူးကွ"

ဟိုဘက်က တောက်ခေါက်သံထွက်ပေါ်လာတာမို့ ပိုင်ပြုံးလိုက်မိ၏. ခွန်ပြည့်ဟာ ပိုင့်အတွက်တော့ သိပ်လွယ်ကူလွန်းတဲ့ပြိုင်ဘက်တစ်ယောက်ဖြစ်ခဲ့မှာ. လေပြေကသာ ခွန်ပြည့်ကိုတမ်းတမ်းစွဲချစ်မနေခဲ့ဘူးဆိုရင်ပေါ့။

ခု သူရှုံးနေခဲ့ပြီ. ခွန်ပြည့်ကိုအထိနာစေမယ့်စကားတွေကို ရှာပြောနေခဲ့ပေမယ့် သူ့နှလုံးသားနေရာအနှံ့က သွေးစိမ်းရှင်ရှင်ကျနှင့်နေပြီးသား။ ကိုယ့်ကိုနည်းနည်းလေးမှ လှည့်ပြန်မကြည့်ဘဲထားသွားနိုင်ရက်တဲ့လေပြေ့ကြောင့် သူဟာဆောက်တည်ရာမဲ့နေခဲ့တာမို့ ကောက်ရိုးမျှင်တစ်မျှင်ဘဲဖြစ်ဖြစ် ဖမ်းဆုပ်ချင်နေခဲ့ရုံ။ အတူတူမှားခဲ့ကြရက်နဲ့ သူဘဲရင်ကွဲကျန်ခဲ့ရမှာလား. လေပြေကရော သူ့အတွက်ခံစားခဲ့ဖူးရဲ့လား။

"နွားလိုဘဲ စမြုံပြန်မနေစမ်းပါနဲ့ကွာ. အခုအခြေနေကိုသာ မင်းလက်ခံ. လေပြေ့ကို ငါတရား၀င်လက်ထပ်ထားတာ. မင်းသေအောင်ချစ်ပါစေ. အေး မင်းပြောသလို သူမင်းအပေါ်ချစ်ခဲ့ဖူးတာထားလိုက်ဦး။ ခုချိန်မှာ အဲ့အရာအားလုံးက ငါတို့ရဲ့မျိုးဆက်ကိုပြောပြမယ့်ဟာသတစ်ခုထပ်မပိုဘူး ပိုင်.. ပြီးတော့ မင်းကိုငါ့ထက်ပိုချစ်ခဲ့တယ်ဆို မင်းကိုထားခဲ့ပြီး ငါ့နောက်ခိုးရာလိုက်ပါ့မလား. မင်းလဲပညာတတ်တာဘဲ စဥ်းစားစမ်းပါ. အဟက်! သူငါ့ရင်ခွင်ထဲမှာရှိနေစဥ်အတောအတွင်း မင်းလိုကောင်မပြောနဲ့။ သူ့အိမ်ကိုတောင်သတိရကြောင်းမပြောဖူးဘူးကွာ. ငါထင်တာ သူအခုစောက်ရမ်းကိုပျော်နေတာဘဲ"