حــكـــايــتـى مــعـــ♡ــاك

حـــكــايـــتــى مـ♡ــعــاك "5"

(حــــب بــــالـــحـ…ــلال♡)

بقلمى"آيات سيد

بارت"5"
____''____"____

عائشه: يلا يا رقيه
.. زينب وخديجه مستنينك برا

رقيه: حاضر يا ماما...  خرجت برا لقيتهم وبعد سلامات قومنا عشان نروح

فى الطريق

رقية: امم تفتكرو هما كام شيخ بيمتحنو

زينب: على حد ما اعتقد انهم تلاته

رقيه: وكام سؤال بقي على كده 

خديجه: 20

رقيه بزهول وغضب: نعمممم منك ليها..الله يسامحكم يا بعدا

خديجه: تشكرات تشكرات

رقيه بغضب: حسابك بعدين يا بعيده

.  خلصنا مناقشتنا.... وصلنا قعدنا مع البنات الى فى المسابقه وبعدين جه دورى قبل خديجه و زينب...اتنده على اسمي فادخلت بـ ثقه كده اصلى حافظه كويس صراحه...المهم دخلت بس اتفاجئت ان الى قاعدين مش تلت شيوخ..الى قاعدين اربعه...مفرقش معايا انا دخلت وقعدت قدامهم. وانا عينى ف الارض ومبصتش لوش حد فيهم..

.(غض البصر عظيم♥)

...: انسه رقيه محمد عبد الله

(رقيه) ايدا...الصوت مش غريب هرشت ف ودنى...اصل الصوت مش غريب انا عارفه الصوت دا كوييس اووى..معاذ....ايوا الصوت دا صوت معاذ

رفعت عينى عشان اتأكد من احساسي...واتصدمت لما لقيتو فعلا هوا بصتلو لقيتو باصصلى ومبتسم رجعت بصيت ف الارض بسرعه تانى...بعدين لقيتو اتكلم

معاذ: تمام.. عندك 20سؤال كل واحده فينا هيسألك 5اسأله تمام

مقدرتش ارد عليه مش عارفه ليه بعدين لقيتو رد وقال

معاذ: يبقي تمام..اتفضل يا شيخ بلال ابدأ

اتسألت من التلت شيوخ وسمَّعت بطريقه كويسه جدا وجه الدور ان هوا الى يسألنى..قعدت متوتره وبعدين لقيتو هيبدأ يسأل فاغمضت عيونى واتنهدت ولقيتو قال

ابتسم: جاهزه

.....مقدرتش ارد عليه من التوتر

معاذ بابتسامه : خلاص يبقي جاهزه....ابدأى من اول ايه...بسم الله الرحمن الرحيم *{وٌمًنِ آيَآتٌهّ آنِ خِلَقُ لَکْمً مًنِ آنِفُسِکْمً آزٍوٌآجّآ لَتٌسِکْنِوٌ آلَيَهّآ وٌجّعٌلَ بًيَنِکْمً مًوٌدٍهّ وٌرحًمًهّ.آنِ فُى ذِآلَکْ لَآيَآتٌ لَقُوٌمً يَتٌفُکْروٌنِ}* سوره الروم ايه[20]
.
استغربت انو سأل سؤال زى دا وقعدت سرحانه..انا من كتر التوتر مكنتش قادره اتكلم ..فقلتلو

رقيه بخفوت: معرفش

شيخ بلال: ازاى مع انك ف السوره دى ممتازه وسمعتيلى صفحتين منها ومن ضمنهم الايه دى

مقدرتش ارد.. انا عارفه وحافظه كويس بس مقدرتش انطق اصلا ولا اتكلم حتى.. لقيتو قال

معاذ: مش مهم.. السؤال الثانى... قولى من ايه *{وٌجّعٌلَنِآکْمً شُعٌوٌبًآ وٌقُبًآئلَ لَتٌعٌآرفُوٌ}* 
سوره الحجرات

قعدت ساكته برضو مش عارفه انا فيا ايه وساكته ليه انا عارفه الاجابات وبسمع ف سرى لي صوتى مش طالع عينى دمعت ومقدرتش اتكلم لقيت شيخ بلال ضحك وقال

بضحك: حرام عليك يا شيخ معاذ البنت ممتازه ولسه جايبه السوره كويس.. ومغلتطش ولا غلطه مع حد فينا مش عارف معاك لى مش بتتكلم....

معاذ: انسه رقيه عارفه ولا انقل ع السؤال الثالث

فضلت زى مانا ومردتش لقيتو دخل ع السؤال الثالث وسؤالو كان

معاذ: ابدائى من ايه{عٌسِيَ آلَلَهّ آنِ يَجّعٌلَ بًيَنِکْمً مًوٌدٍَّهّ وٌرحًمًهّ}  الطلاق

فضلت سرحانه شويه وبعدين بدأت اسمع والحمد لله قدرت اتكلم... كمل اخر سؤالين بس للاسف مقدرتش اكمل... انا حافظه بس مش قادره اتكلم اصلا ويلا الحمد لله.... خرجت ودخلت زينب.. قلتلهم انا ماشيه انا لانى تعبانه شويه بس اتفاجئت لما لقيت معاذ خرج وماشي... ولسه فيه بنات تانى... ايدا يعنى هوا كان جايلى انا مخصوص.... مشيت شويه وبعدين لقيتو جاى ورايا وبيقولى

معاذ: انسه رقيه استنى عاوز اتكلم معاكى

وقفت: اسفه مقدرش احنا ف الشارع..
-
-
-
-

سبتو ومشيت... رجعت البيت.. ودخلت وانا دموعى ف عينى مدايقه اوى انى مقدرتش اجاوب.. كنت مرتبكه وحاسه بشعور غريب... معقول.. معقول اكون حبيتو....لا..لا بجد انا لسه صغيره...دخلت قوضتى وقعدت اذاكر..لقيت ماما داخله عليا

عائشه: عملتى اى ف المسابقه

رقيه: ولا حاجه

عائشه: هوا ايه الى ولا حاجه متنطقي يابنتى

رقيه: معاذ كان هناك

عائشه: العريس الى كان متقدملك وانتى رفضتيه

رقيه بهدوء : اه

عائشه: طب وعملتى ايه

رقيه: ولا حاجه حليت كل الاسئله وجيت عندو ومعرفتش اجاوب غير سؤال من خمسه
-
-
-
....المهم حاكتلها كل حاجه وبعدين قعدت اذاكر شويه....كنت مخنوقه.مخنوقه اوى بجد..صحيت ع صوت فونى بيرن...

رقيه بنعاس: الو

...........

انتهى البارت انتظرو البارت السادس ومتنسوش رايكم يهمنى..💙✨