(حــــب بــــالـــحـ…ــلال♡)
بقلمى"آيات سيد
____''____"____
صحيت الصبح... واتفاجئت انى لقيت نفسي مربوطه ف كرسي ومحطوط ع بوقي لزاق خوفت وفضلت اصرخ لحد ما لقيت شخص داخل عليا بس الدنيا كانت ضلمه مشفتش ملامحو اوى وفجأه النور اتفتح بصتلو كويس وافتكرتو ايواااا الشخص دا عمرى ما انساه هوا.. هوا معاذ... بصلى بصه شر وقال بصوت مرعب وكان ماسك ف ايدو سكينه او مطوه مش واخده بالى اوى من كتر الرعب
=انا.. انا ترفوضينى وانا الى حبيتك دانا هقتلك
_ اه يابن المجانين... هتقتلنى عشان رفضتك... .. قرب منى قمت صرخت:- اهدى يابن المجنونه السلاح يطول يا معاذ
وفضلت اصرخ لحد ما لقيت نفسي فجأه قمت من على السرير لان ماما كانت بتصحينى اصلى الفجر كالعاده... اديت روتينى اليومى وانا عماله اقول الحمد لله انو طلع حلم.. بجد قلبى كان هيقف م الرعب.. كان هيقتلنى ف الحلم المجنون خلصت ونزلت على مدرستى وانا مش قادره انسي منظرو...
وصلت المدرسه وقابلت زينب وخديجه
رقيه _ ...هوا فعلا ممكن يكون بيحبنى... فعلا ممكن اكون كسرت قلبو
زينب=بقولك فكك بلا كسرتى قلبو بلا بتاع... فى مسابقه معموله للقران فى جامع قريب من هنا ومتزاع عنها ف المدرسه... وفيها جوايز اى رايك نقدم.. انتى ب 18جزء واحنا كل واحده فينا بـ 15جزء
خديجه =والله الفكره مش وحشه
رقيه _بس انا دماغى مش فايقه خالص دلوقتى للمسابقات
زينب =يعنى مش موافقه
رقيه _لا
زينب غمضت عين وفتحت عين بطريقه كوميدي =بس بسسس.. بصراحه بقي انا قدمتلكم انتو الاتنين ف المسابقه هه
(رقيه) اتعصبت اوى ان حد بياخد قرارات بالنيابه عنى غمت عينى بعصبيه وبعدين فتحتها تانى وزعقت _طب غورى من وشي يا خديجه
زينب =الله هوا انا عملت حاجه غلط دى مسابقه قرآن مش حاجه وحشه يعنى
_ودى امتا ان شاء الله
=امم بعد اسبوع يا حب
_اه... نفسي ادعى عليكى بس متهونيش عليا... انا داخله المدرسه يلا
خديجه=خدينى معاكى قبل ما اتشل
=يوه هوا انا عملت حاجه غلط... خدونى معاكو طاب
_____"_____"_____
نروح لعمر وجهاد ع الفون
عمر:- انا اتصرفت خلاص
_عملت ايه
=خليها مفاجأة هتشوفى المهم انتى عامله ايه
-الحمد لله المهم قلى عملت ايه
=قلتلك خليها مفجأه وخليكى واثقه فيا
-واثقه بس الفضول هيموتنى
=فضوليه بس مش هقولك حابب اخليها مفجأه
-يوووه لو محكتليش هقفل ف وشك وزى ما اديتك رقمى اول مره شوفتك فيها.. همسحهولك
=ايدا ايدا خلاص ا هدى يابو صلاح هقولك ياستى........
_____"_____"_____
فى الورشه
(معاذ) -مش عارف يا بلال هعمل ايه
=مش انت بتقول انها عايزه قصه حب بالحلال خلاص اعمل كده... الاسبوع الجاى انا والزمله عاملين مسابقه للقرآن وفى بنت اسمها رقيه محمد مقدمه على ما اظن انها هيا الى فى المسابقه تعالي معانا يعنيي بما انك. شيخ كده كده و حافظ القرآن كلو...
_والله فكره مش بطاله بس زملائك هيرضو يا شيخ بلال...
=لى لا...
-تمام وجميلك دا عمرى ما هنسهولك
=عيب يا شيخ معاذ متقلش كده
_____"_____"______
(رقيه)
روحت البيت لاقيت ماما عامله اضراب فى الشقه وعندها حاله تنضيف
... شكلى هيطلع عينى النهارده
قلتلها_ماما حبيبتى يا ست الكل
=تعالى يا حبيبتى.. ادخلى صلى العصر وتعالى ساعدينى.. ورانا ترويق كتير رمضان على دخول
_اااه قولى كده رمضااان
=اه اومااال
_حاضر يا حبيبتى يا سلام لو انتى ممرمطنيش مين هيمرمطنى ول..... مكملتش كلامى ولقيت الباب بيتفتح وداخله جهاد لسه مقلتش سلام عليكم لقينا ماما قالت
=حلو جايه ف معادك عشان تغسلو انتو الاتنين السجاجيد ضهرى وجعنى
بصيت على جهاد لقتها شبه مشلوله ضحكت عليها ولسه هتكلم لقينا الباب بيتفتح.. وكان بابا.. والحمد لله يدوبك لحق قال السلام عليكم.. لقيت ماما ردت
=ابو البنات الى علطول حاسس بيا منور تعالى احضرلك غدا عشان تنشرلى الشجاجيد تقيله عليا انا والبنات
ميلت جمب ودن جهاد وقلت بابتسامه _امك النهارده هتفحتنا دا حتى الغلبان بابا معرفش يفلت
_____"_____"_____
وبعد يوم مرهق جدا بجد تعبت اوووى ف الترويق... الامهات نعمه هههههه
__
_
_
_
_
_
_
_
_
مرت الايام ومر الاسبوع والنهارده يوم المسابقه الواحد خايف اوووى.. ماما دخلت عليا قوضتى وقالتلى
=يلا يا رقيه و......
انتهى البارت انتظرو البارت الخامس ومتنسوش رايكم يهمنى💙✨
YOU ARE READING
حــكـــايــتـى مــعـــ♡ــاك
Vampireالكل نفسو يحب ويتحب... والكل بيعيش بعد سعات قصص حب لاكن مش الكل الى بيراعى ربنا وقبل ما يحب ويتحب يفكر هل داااا صح ام غلط... هل دا هيغضب ربنا ام لا...... بطله الروايه نفسها تحب وتتحب بس بالحلال.... بالى يرضي ربنا ودا الى هيحصل...... تشجيع لانى كاتب...
