بداخل كلٍ منا شخص سئ يريد الوصول للأسوأ .. دون أن يقصد ذلك ..
تحاول بطلتنا جاهدة أن تحافظ علي ما تربت عليه .. لكن الظروف المحيطة بها والضغوط النفسية جعلتها تنحرف عن الطريق المستقيم .. بعنف ..
بداعي الحرية ..
فأين ستكون الوجهة المقبلة ..
طلعت ورق ورمته عند رجله .. شال الورق وبص فيه واتصدم
= جالك ازاي الورق ده ؟
_ مش مهم .. المهم انك معاك نسخة منه وأنا الاصل .
مروان بغضب : هاتي الاصل .
لمياء بتحدي : لأ .
راح عليها عشان يغصبها راحت طلعت مسدس .. اتصدم ورفع ايديه : لمياء بطلي هبل ونزلي اللي في ايديكي .
_ اقعد .
= أفندم ؟
_ اقععععد .
قعد علي الكسري وهو خايف من تهورها وخايف لتضرب ليه ؟
لمياء بغل وتشفي : أنت بعتني بس أنا مش مروة عشان أعيط .. أنا أقوي منها وأفضل منها مهما حصل .. الورق اللي قدامك ده عبارة عن تلاعب في النتايج بتاعت طلبة الكلية كلها من مدة 3 سنين .. يعني بتنجح ناس وتسقط ناس علي مزاجك حتي لو مش بتوع مادتك .. الورق ده يفصلك من الجامعة وسجن سنة .. الورق التاني ده بقي يودي ابوك ورا الشمس ولو أبويا عرف انه السبب في خسارة الصفقة اللي كانت ليه هيقتلك أنت وهو ..ثانيا بقي والأهم لازم تباركلي .
مروان بذهول وخوف بلع ريقه : علي ايه ؟
حطت ايدها علي بطنها : أصل أنا حامل .
مروان اتنفض : لا انتي بتستهبلي وجبتي اخرها .
_ اهدي بدال ما أخرملك راسك .. الاشعة أهيه معايا .. انا حامل في الشهر التالت ..
= انتي لازم تنزليه .
_هههههههههه مش هنزله يا حبيبي هنربيه مع بعض .
مروان حس انه اتزنق ومش عارف يعمل ايه : عايزة مني ايه دلوقتي ؟
_ تعمل اللي كنا متفقين عليه .. تصدمها فيك وتسيبهالي لحد هنا انا هتصرف .
كانت بتتكلم وهي بتصوب السلاح ناحيته .. خلاص مفيش حل غير انه يوافق .
= موافق .
باك >>>>>>>>>>>
مروان بيكلم لمياء في الفون : أنتو فين ؟
لمياء : في الفيلا عندي .. يعيني كان مموتة نفسها من العياط .
_ حرام عليكي .
= تستاهل .. عشان تحرم تاخد حاجة مني .
_ أنتي شيطانة .
= مينفعش معاك ولا معاها غير الشياطين .. متسألش عليها تاني دي خلاص بقت بتاعتي .
مروة فضلت مصدومة أسبوع من اللي حصل ورفضت تتكلم .. لمياء فرحانة وشمتانة فيها وعاملة نفسها الصدر الحنين .. مروة بقي عندها هاجس الحمل وبدات تظهر عليها اعراض الحمل وده اللي راعبها .. واحدة واحدة لمياء عرفت تخرجها من المود وتاخدها معاها الديسكو .. زودت مروة جرعة المخدرات والخمرة لأن الجرعة القديمة معادتش تحوق .. ولمياء خطتها ماشية في السليم ..
مصطفي وخالد وكل اللي يعرفوا مروة ماعدا ندي معرفتش باللي حصل .. كلهم كانوا بيدوروا عليها في كل حتة ..
ندي اتخطبت من العريس وقررت تتجوز جواز تقليدي والحب ييجي بالعشرة وخلاص .. رغم ان حسام لسة في القلب ..
حسام من ساعة ما أغمي عليه مفاقش ونقلوه المستشفي والدكتور أكد لعمر ان حالته دي مينفعش معاها تدخل طبي .. كل اللي محتاجه الدعاء .. الدعاء وبس ..
مروان اختفي تماما واتصل بحد معرفة يخلصله الباسبور واوراق السفر .. خلاص قرر يسافر ويسيب الهم اللي اتعك فيه ومش راضي يخلص ..
بعد أسبوعين من الاحداث دي ....
مصطفي قاعد في مكتبه سرحان في أخته المختفية وفجأة جتله رسالة من رقم مجهول :
( أختك اللي بتدور عليها ومش لاقيها بتسهر كل يوم في ديسكو " ..... " ولو مش مصدق تعالي شوفها النهاردة بعينيك )
========================
#يتبع
استنوني بقي الحلقة الجاية واسف علي الغتاتة والتاخير
اسف لان الحلقة صغيرة ان شاء الله هتكون اكبر ..
اكتبوا توقعاتكم للحلقة الجاية .
#حياتي
بحبكم ❤😍
By:Abdelrahman Salah
Oops! This image does not follow our content guidelines. To continue publishing, please remove it or upload a different image.
