"ဟို... ဒါ ဘယ်သွားမလို့လဲ သမီး "
ကံ့ကော်လှိုင်တစ်ယောက် အသံလာရာသို့
စောင်းငဲ့ကြည့်လိုက်သည် ။ နီရဲနေတဲ့လှိုင့်နှုတ်ခမ်းတွေက အနည်းငယ် မဲ့သွားသည် ။ စူးစူးရဲရဲအကြည့်တွေနဲ့ ဒေါ်မြမော်ကို တစ်ချက်ကြည့်လိုက်ပြီး လုပ်စရာရှိတာကို ဆက်လုပ်နေသည် ။ကံ့ကော်လှိုင်သည် မိထွေးဖြစ်သူ ဒေါ်မြမော်ကို နည်းနည်းမှကြည့်မရ ။ ယခုလည်း ကားထဲမဝင်ခင် ဒေါ်မြမော်ကိုကြည့်ပြီး မဲ့ပြုံးတစ်ချက်ပြုံးပြလိုက်သည် ။ ထို့နောက် ကားကို ဖြည်းဖြည်းချင်းမောင်းပြီး ခြံထဲကနေ ထွက်သွားလိုက်သည် ။
" ဟင်း.... "
တဖြည်းဖြည်းမြင်ကွင်းကနေ ပျောက်ကွယ်လုနီးပါးဖြစ်သွားတဲ့ကားလေးကိုကြည့်ပြီး ဒေါ်
မြမော် သက်ပြင်းချလိုက်သည် ။ကံ့ကော်လှိုင်ကတော့ ကားမောင်းရင်း အောင်နိုင်သူတစ်ယောက်လိုပြုံးလိုက်သည် ။
ပြင်ဦးလွင်ကနေ အချိန်အတော်ကြာမောင်းလာပြီးတဲ့နောက် လှိုင့်ကားလေးဟာ ခြံတစ်ခြံရှေ့ကို ရပ်လိုက်သည် ။
သို့သော် ခြံတံခါးကိုသော့ခတ်မထားတာကြောင့် လှိုင်ကိုယ်တိုင်ပဲ ဖွင့်ပြီးဝင်ခဲ့လိုက်သည် ။ ခြံထဲမှာ ကားကိုရပ်ပြီး ကံ့ကော်လှိုင်ကားပေါ်ကဆင်းလာတာကို ဦးထွန်းထွန်းတစ်ယောက် သဘောကျစွာ
ကြည့်နေလိုက်သည် ။တစ်စုံတစ်ယောက်ကိုလည်း သတိရမိသွားပြန်သည် ။" မေလေးရယ် နင့်သမီးကိုမြင်တော့ နင့်ကိုသတိရမိပြန်ပြီဟာ "
ဦးထွန်းထွန်း စိတ်ထဲကနေပြောလိုက်တာကြောင့် ထိုစကားကို လှိုင်မကြားလိုက် ။ ကြားလို့လည်းမဖြစ်ပေ ။
" လှိုင် ဒီနှစ်တစ်နွေလုံး ဒီမှာနေမယ် ဦးထွန်း "
လှိုင့်ပုံစံက ဦးထွန်းဆီက ခွင့်တောင်းနေပုံမပေါ်ဘဲ အသိပေးရုံသပ်သပ်ပဲပြောနေပုံပေါ်သာဖြစ်သည် ။
" တူမလေးသဘောပါကွယ် ဦးထွန်းက တူမလေးကို သတိရနေတာ "
လှိုင် ဦးထွန်းကို ခေါင်းတစ်ချက်ညိမ့်ပြလိုက်ပြီးအိမ်ထဲကို ဝင်သွားသည် ။ထို့နောက် အိမ်ဖော်မလေးတစ်ယောက်က လှိုင့်ရဲ့ခရီးဆောင်အိတ်တွေကို သယ်ပေးပြီး လှိုင့်အတွက် အခန်းစီစဥ်ပေးလိုက်သည် ။
YOU ARE READING
ကံ့ကော်ဝေသော//ကံ့ေကာ္ေဝေသာ
Romanceကံ့ကော်တွေပွင့်တာမြင်တော့ ကံ့ကော်လှိုင်ဆိုတဲ့အမျိုးသမီးတစ်ယောက်ကို ဖန်တီးမိလိုက်တယ် 💛 ကံ့ေကာ္ေတြပြင့္တာျမင္ေတာ့ ကံ့ေကာ္လွိုင္ဆိုတဲ့အမ်ိဳးသမီးတစ္ေယာက္ကိုဖန္တီးလိုက္မိတယ္💛
Part 1
Start from the beginning