الحبيب الذي لا ينسى

البارت 30

أكتب لك الأن و أنت غارق

بين أيادي غيري أنا يكاد

قلبي إن يتمزق وجعاً بسببك

وأنت غارق في بحر الحب

أعلم جيداً لا أحد في هذا العالم

يحبك بحجم حبي لك

ولا أحد في هذا العالم كسرني

سواك

الكاتبة /آيات الموسوي

_________________________________
2019/12/28 الساعه 6:30 صباحاً يوم السبت

كعدت الصبح حتى ابدل وجهز نفسي

بس هنا نصددمت صدمه بحياتي ما أنساها

صدمه خلت كل إلي بداخلي ينعصر

جود ناشر ستوري وشنو من ستوري! !

مقطع فيديو بي صورة جود وهاي الحقيرة مزابيل ! !

ومكتوب كلام هز كلشي بداخلي

جود /الحمدالله الدي بنعمتهُ تتم الصالحات أحب اكول الكم يوم الأثنين خطوبتي من أعز انسانه عليه حبيبتي ويارب يوفق كل أثنين يحبون بعض بالحلال

توت /لا لا لا هاي عود صدك صدك خطبها لا أكيد مقلب شنو شنو بعد يومين وتكون حلاله حاولت دمعتي تنزل شو ما نزلت ليش رجعت قريت الخبر أكثر من مره ما كو اي دمعه من عيني

ماأحس ع نفسي اله وانه أضحك أي اضحك هههههه حبيبي راح يخطب حبيبته ههههه راح يزززوجهه حبهه گلبه الي جان يحبني حب غيري ههههه

راح يخلي بيدهه الحلقه الوعدني يلبسنياها بمثل هذا اليوم لبسهه الغيري

أخذ كل حلم وردي وتعب السنين ونطاها الغيري

جنت ادعي كل يوم الله يرزقه ويوفقه حتى يجي يخطبني وجنه نكعد سوة نحسب شكد يحتاج يلم حتى نزوج وهسه كل هذا راح يروح لغيري برمشه عين

و أول ما الله رزقه وفقه كسر گلب إلي جان يدعيله

انه الصبرت وانه النتظرت وانه إلي تمنيت واغيري اخذ تعبي ع الجاهز

حتى مصارله فتره طويله من يعرفهه شنو هل سرعة بين يوم ولليله حبهه ونوب يخطبها رسمي وليش كله بسبب كيدهه

بس والله ما راح تتهنى يجي يوم وتنكشف كل الحقيقه

هذا كله وما بجيت ولا دمعه ما نهاريت أبد ما أعرف شنو إلي صار بوقتهه بس حسيت كأنو شي أنطفه بداخلي

بس كتمت هذا القهر وجاهلت الأنهيار إلي ديصير
وكفت ع المراية بكل قوة وخليت مكياج ورتبت شكلي و معرف ليش أختاريت الملابس إلي لبستهم بأخر لقاء إلي ويه جود وانه أسمع أغاني وأضحك ما ريد أبجي ماريد دموعي تنزل ع شخص باعني وختار غيري شخص ميستاهل نقطه من حبي اله