"မတော်လို့ တမင်ဖြစ်သွားတာပါ မမရယ်"
"အစကပြန်လုပ် သွားတော့ ငါ့ခေါင်းဆင်နင်းတော့မှာပဲ ညနေ အစည်းအဝေးရှိပါတယ်ဆို"
မန်နေဂျာ မမကြီးမျက်နှာက ရှုံ့မဲ့လို့
သစ်သစ် လက်ချက်နဲ့ ဘဝတစ်ပိုင်းပျက်သွားသော ဖိတ်စာတွေကို နှမြောတသကြည့်လို့..."ဆင်တော့မနင်းပါဘူး နင်းချင်းနင်း သူဌေးပဲနင်းမှာ..."
"နွေကသစ်!!!"
အစသန်တဲ့ သစ်သစ် လည်း ကိုယ်လေးကျုံ့လို့ စက္ကူလေးတွေ ကောက်ရင်း ပုံနှိပ်ဌာနပြန်သွားရသည်။
ရုံးက အကုန်လုံးနီးပါး ကိုယ့်ဘာသာလုပ်ကြတာများသည်။ကုန်ပစ္စည်းကြော်ညာတာကအစ ကိုယ့်ဟာကိုယ်ပုံနှိပ်ကြသည်။
"နွေကသစ်ရေ လက်ဖက်ရည် သွားဝယ်ပေးစမ်းပါ မမချယ်က မနက်ဆို လက်ဖက်ရည်နဲ့ အီကြာကွေးနဲ့မှ"
"ကြိုက်တတ်ရင်ဆောင်ထားလေ..."
"ဘာ!!!"
စိတ်ထဲကပြောနေတာ အပြင်ကိုထွက်သွားပြီးနောက် သစ်သစ်တို့ ဂျာကြီးအဆူခံလိုက်ရသည်။
ဂျာကြီးက အလုပ်တွင်း သာခိုင်းတတ်တာ...
ပဲပိစပ်မတွေက မဆိုင်တာတွေပါ လူကိုပြာတာလုပ်ခိုင်းနေတာ...ဪ ပဲပိစပ်ဆိုတာ ပဲတွေ ပိပြီး ငရုတ်သီးလို နီရဲစပ်ရှားနေအောင် အလှတွေပြင်ထားလို့ ပဲပိစပ်လို့ခေါ်တာ...
သစ်သစ်က မိတ်ကပ်လိမ်းလွန်းတဲ့ မိန်းကလေးဆိုမကြိုက်။ သို့သော်လည်းရုံးကို သနပ်ခါးလူးလာတဲ့သူက ခပ်ရှားရှားရယ်...
ရှားဆို ရှိမှမရှိတာ...
သန့်ရှင်းရေးအဒေါ်ကြီးတောင် ဘောင်းဘီနဲ့ဟော့ရှော့...သစ်သစ်တို့ ရန်ပွဲလေး ပြီးခါစ သစ်သစ် အဆွဲခံရတဲ့ ဆံပင်လေး ကေပြန်သနေတုန်း သူဌေးခေါ်တယ်ဟု လာပြောသော စက္ကထရီကြောင့်အလန့်လွန်သွားသည်။ ဖုန်းနဲ့ မခေါ်ဘဲ လူလွှတ်ခေါ်ခိုင်းတည်းက တစ်ခုခု များလားဆိုပြီး လူက ပြုတ်စော်နံချင်နေပြီ။
သူ့ကိုရန်ဖြစ်ဖက်မချယ်ရီကတော့ ကော့ကော့ ကော့ကော့နဲ့ စကတ်တိုတို ဒေါက်ဖိနပ်သံတဂွပ်ဂွပ်နဲ့ ဓါတ်လှေကားထဲဦးဆုံးဝင်သွားသည်။
BINABASA MO ANG
သစ်သစ်ကယောကျာ်းကြောက်ရတယ်(Completed)
Humorချစ်ခြင်းတစ်ခုကို ခပ်ချိုချို အီစိမ့်စိမ့်ဖတ်ချင်ပါသလား မရိုးမရွ အားမရ ဝတ္ထုထဲဝင် စေ့စပ်ချင်တဲ့အထိ ဖတ်ချင်ပါသလား ဒါဆို သင်နေရာမှန်ပါပြီ ခ်စ္ျခင္းတစ္ခုကို ခပ္ခ်ိဳခ်ိဳ အီစိမ့္စိမ့္ဖတ္ခ်င္ပါသလား မရိုးမ႐ြ အားမရ ဝတၳဳထဲဝင္ ေစ့စပ္ခ်င္တဲ့အထိ ဖတ္ခ်င္ပါသလာ...
အခန်း(၃)/အခန္း(၃)
Magsimula sa umpisa