روحي بها هائمه

البارت الخامس والعشرون

كانت روناء في شقه حمزه
فقد اتت من ربع ساعه وها هي جالسه تنتظر اخيها ان يأتي من عمله
كانت تري اتصال كريم بها ولم تعير الموضوع اهتمام ولكن عندما ارسل لها هذه الرساله غضبت منه ومن اسلوبه معاها
وعندما اتصل للمره الرابعه فتحت هي الاتصال وقالت بغضب : هو ايه اللي هتاخدني غصب عني وعن اخويا ..ايه الاسلوب اللي بتكلمني بيه ده ..؟!!

نهض كريم من مقعده وتحدث بصوت غاضب بشده : انتي اللي ايه الاسلوب اللي بتتعاملي بيه ده يارووناء ..يعني ايه تمشي وتسيب البيت ومتقوليلش من قبلها ..خدتي رأي مين انتي قبل ما تمشي ولا هي وكاله من غير بواب
روناء بسخريه وحاولت التغلب علي خوفها من صوته الغاضب هذا : والله كتر خيري اني قولتلك اصلا .. انا كان ممكن امشي من غير ما اتكلم ..وانا مش رايحه لحد غريب انا رايحه لاخويا اغير جو شويه ..عشان اتخنقت اتخنقت من البيت ومن الحياه كلها ..
قالت اخر كلامتها بحرقه شديده لاحظها هو

فقال بتهديد : بص ياروناء انا استحملت كتير اوي الفتره اللي فاتت .. وقولت معلش استحمل انت بتحبها واللي عملته فيها مكنش ينفع انه يحصل وليل نهار قاعد بأنب في نفسي ومبفكرش غير فيكي واني ازاي ارضيكي وعملت كل حاجه ممكن تتعمل عشان اصالحك وانتي حتي مبلتيش ريقي بكلمه واحده تحسسني انك حتي بدأتي تسامحني ..كل ده عديته بس انك تخرجي من ورايا لا وكمان تقرري تباتي بره البيت كذا يوم ده اللي مش هسمح بيه ..وياريت كده بهدوء تاخدي بعضك وترجعي شقتك من تاني ولما نيجي نتكلم بهدوء والااا ..

قاطعته روناء بعند قائله : والا ايه يااكريم باشا .. هتيجي تاخدنب غصب وتضربني تاني قدام اخويا ولا هتعمل ايه
كريم بحده شديده : انتي دماغك ناشفه لييه ..ليييه مش قادره تفهمي انها كانت لحظه شيطان واتنيلت ندمت عليها ..ايه معملتش اي حاجه حلوه معاكي قبل كده قادره تشفعلي اللي عملته معاكي ..!!!

صمتت روناء لثواني وعندما كانت علي وشك الرد قاطعه كريم وقال عندما لاحظ رئيسه بالعمل يدخل المكتب : استني دقيقه ..
لم يستمع لرده وانزل هاتفه ثم آدي التحيه العسكريه ووقف بملامح جامده امامه
تحدث اللواء والذي يدعي عزيز وهو معروف بقسوته وحدته ف العمل : ايه اللي انا سمعته من زميلك ده ياكريم باشا
كريم بهدوء ظاهري : سيادتك اناا اعصابي بس مشدوده الايام ده والواد ده عصبني شويه ومحستش بنفسي غير وانا

اللواء بحده شديده : غير وانت بتتهجم عليه وعايز تقتله مش كده ..من امتي دي طريقه شغلنا ومن امتي بنخلي مشاكل الحياه تآثر علينا ف شغلنا ..هو ده اللي اتعلمته ف كليتك ياحضره الظابط ..
فقد كريم اعصابه للحظه وقال : وحضرتك بردو متعملناش ف الكليه اننا نبقي زي العصافير ونقالين كلام ..ومش كل ما يحصل مشكله عندي هنا ف مكتبي الاقي وليد بيه رايح قايل لحضرتك الواحد بقا حاسس انه شغال مع اطفال باللي بحصل ده ..

اللواء بحده اشد : الزم حدودك ياسياده الرائد واعرف مين واقف قدامك انت مش بتكلم واحد صاحبك
قبض كريم علي يده بقوه شديده وقال بثبات مصطنع: بعتذر من حضرتك يافندم مش قصدي ..
اللواء : انا الوضع ده مينفعش معايا والمره دي لحقوا الراجل من تحت ايدك بصعوبه الله اعلم المره الجايه هتعمل ايه وعشان كده انت موقوف عن العمل ياسياده الرائد ومش هترجع غير لما تعرف تظبط اعصابك كويس وتعرف ان في فرق بين حياتك الشخصيه وشغلك ..كل القواضي اللي كنت ماسكها تديها لزميلك يوسف