🦇❣محبوبة المفترس❣🦇|مكتملة✨️

5

❣🦇محبوبة المفترس🦇❣
للكاتبة✒:  Victoria Kaelin
💜📖الجزء 41📖💜

▪︎الليل - حديقة القصر الملكية▪︎

كان كلشي واجد فبلاصتو ولاد زيلدا تيلعبو مع بعضياتهم و يجريو هنا و لهيه كأي ولاد فعمرهم..ختهم الأميرة الصغيرة كاثوولف بكسيوتها و شعرها المصفف تابعاهم و مامسوقينش ليها باغيين غير يجريو و صافي لعب الدراري و خلاص..فمكان خاص كان واقف الرجل لي غيزوجهم بلباسو الخاص كان كبير فالعمر و كان درايك تيدوي معاه...

بينما فالداخل فجناح دانا كانت هاد الأخيرة تيوجدوها الخادمات..عقلها كان مهزوز مامعاهمش ولا مع تجهيزاتهم ليها ولا تسوقات لكلام زيلدا لي واقفة عليها بفرحة تتنقز و تسولها كيجاها فستانها...

زيلدا هبطات حجبانها بقلق: مالك ا دانا مقلقة هاكا؟ واش على الزواج؟ ولا ماعجباتكش كسوتي!؟

دانا حركات ليها راسها بنفي: لا لا كسوتك زويينة بحالك غير خايفة من الزواج

زيلدا بابتسامة: ماتخافيش كلشي غيدوز بيخير انا نمشي نشوف الطباخين فين وصلو فالبوفي

حركات ليها راسها بابتسامة غير مشات و تسد الباب موراها رجعو تعابير وجهها الحزينة و هي تتقول فخاطرها اشمن بوفي ا زيلدا و العرس غير بيناتنا! حسات دانا بالمجهود الجبار لي دارتو زيلدا فتحضير العرس محاولة انها تخلق الجو فيه كأنه عرس غتحضر ليه المملكة كاملها! غير باش ماتحسش دانا فشكل! زيلدا فهاد اللحظة كانت هي العائلة لي ماعندش دانا و هادشي غيترسخ فذاكرتها و عمرها غتنساه!! سوا بقات مع هاركان ولا لا زيلدا صاحبتها لي لاطال ما تمناتها و مالقاتهاش فهادوك لي كانت معاشراهم...

فالوقت لي دانا قربات تسالي هاركان كان واجد و ساهي اليوم لي كان تيتسناه هاهوا وصل! الليلة لي كان تيتسناها هاهيا وصلات! و ماعارفش ابدا كيفاش يوصف هادشي!..كان ماشي هو هاركان لي تنعرفو الهدوء ديالو ماشي عادي ابدا! حتى دخل عندو درايك لي قطع حبل افكارو...

درايك: خاصك تهبط دابا تسنا العروس تهبط لعندك

هاركان تلفت لعندو: واخا

درايك قرب منو حتى ربت على كتفو بخفة: ضحك اصاحبي ضحك نهارك هدا!

هاركان بتاسم ليه و سبقو...

كانت واقفة بكسوة عرسها..شعر مصفف و حلة فخمة تتشوف راسها فالمرايا الطويلة بنضرة حزينة و الخوف مخلي قلبها يضرب بالجهد هاهوا النهار لي أجلات فيه حتى عيات و ها هي غتجمع مع الشخص لي فرضو عليها القدر بخاطرها! كانت جمييلة وسط هاد الفستان الأسود لي تيدل سوادو على انها غتربط نفسها مع داك الكائن الظلامي فالوقت لي كانو جميع العرائس تيلبسو فساتين بيضاء دليلا على الفال الزوين لي تيتسناوه و تيتمناوه فحياتهم الزوجية هي كحال ليها حيت غتودع حياتها الهادئة و غترحب بيها حياتو المظلمة!...