المزاج (قيد التعديل)

الفصل الثالث

شاهين: كنت فين يا ادم

ادم قرب علي يوسف وباسه من راسه وقعد جنب امه

: كنت بايت في شقتي التانيه يا حج

شاهين: بقا في حد يسيب فرح اخوه في نصه ويمشي

ادم: معلش يا حج انت عارف اني مبحبش الدوشه

ساميه وهي بتحط الاكل قدم ادم

: سيبه براحته يا شاهين

شاهين بص علي يوسف لقي اسراء بتحط ليه الاكل وتوكله

ممكن ربنا يكون اخد منه امه بس عطاه اللي احن.

جاسر نزل من فوق وهو بيجري

: صباح الخير

وقرب من امه باس راسها وخد سندوتش علي السريع

:صباح الخير يا ماما

ساميه: صباح الخير يا حبيبي اقعد افطر

جاسر: معلش عندي محاضره هتاخر

**

ميسره: ورحت مشوحه بايدي كدا وقلتله مين دي اللي تعمل الشت 
قالي أنا اسف يا روحي انتي لو عايزه تلغي المنهج كله براحتك

: اطلعي برا....... دا كان صوت جاسر وهو داخل.

ميسره: احم اهدا بس يا دكتور مش كدا.

جاسر: اطلعي واستنيني في مكتبي يا ميسره

ميسره: يا دك

جاسر بحده: ميسره........ ميسره طلعت.

****
اسراء و يوسف كانوا قعدين علي الأرض وكل واحد ماسك طبق وبياكل بقايا خليط الكيك

اسراء: يوسف متاكلش كتير بطنك توجعك.

يوسف وهو مشغول في الأكل

: ما انتي بتاكلي اهو

اسراء اخدت منه الطبق وحطتهم في المغسله الي كانا فوقيها وقربت منه تمسح باقي اثار الخليط

: اممم دقنك كبرت ومحتاجه تتحلق.

يوسف: واسراء هي اللي هتحلقه ليا زي كل دور

إسراء ابتسمت بحماس: أكيد طبعاً نطلع الكيك من الفرن واحلقلك

دخل عليهم ادم وهو حاسس ان راسه هتنفجر من الصداع بسب كميه الشرب بتاعت امبارح

ادم: بتعملو اي

يوسف: بنعمل كيك بشوكولاته

ادم وهو بيطلع ازازه ميه من التلاجه

ادم: الله يسهلك يا عم

يوسف: ادم يقعد وياكل معانا.

ادم: لا معلش مرا تاني يا يوسف علشان عندي شغل انا بس جيت علشان اقول لي ماما تعملي فنجان قهوه.
بس الظاهر انها مش هنا