oneshot Taekook Yoonmin Namjoon Hobi

" I swear"

" Kha hei in rawh,. I duh ka ring".. banana milk chu ka hma ah a rawn lek va² a. Ka ban nghal vat, ka chah theihnghilh daih. Mahse engtin nge ka duh tih hriat le,.

" Mak ti duh suh, I duh zawng te chu ka hre hneh lutuk tlat".. mak ti zet chuan ka en haw a. Ka hmui ah a rawn fawp zauh, kei erawh ka meng nghal kawk². Rei lo ah a in khalh chhuak leh nghal a. A lam pawh ka hawi leh ngam tawh lo. Darkar khat leh chanve vel kan tlan hnu chuan daegu chu kan thleng ve ta a. Motor atanga kan chhuk chuan min lo en thap hlawm a. A tu amah chu ka hre ve lem lo. Hyung erawh chu a tlang nel in midang chu abe bawrh² a. Ka nu te an lo la thleng ve si lo car bulah ah chuan ka ding zum zuih ringawt a, ka phone phawrh ka tum lai chuan hyung in ka banah rek ah rawn vuan thut.

" A vawt em mai in chhungah lut vat ang".. tiin ka kut tang te ah chuan min kai in in chhung lamah chuan min luh pui ta daih a. Ka pa chhungte chu an fel khawp mai, an vai mai chuan min be bawrh² a. Mahse kan tun dinhmun ah chuan fiam thu te thawh bawrh² a rem loh vang in an thawm a dim hle thung. Ka mut a chhuah bawk nen ka lo thle leh lawp² zel. Mahse lo mutthilh bik chu thil tih chi ni bik si lo. Mahse hyung chu a tho hluai a.

" Kan lo kalna kan chau si a,. Jungkook hi chu lo han mu mai rawh se"... Ka zak lutuk. Ka sawi tawp si lo.

" Ni e,. A chau ngawt tak ang. Mikhual room I hriat kha, han kal pui rawh,. Jungkook in thlahrung reng² suh aw".. taehyung nutei chuan alo ti vat a. Hyung chu bu nghat in in chung lamah chuan min kai chho nghal nak² bawk. Ka hming pawh ka lo sawi lo hrim², in hmel hriat tirna pawh ka nei lo, ka hminga min ko ta chu ka van polite lo chiang tak te ka ti leh hnu hnawh

" Ka zak e".. ka ti sap. Ala nui suk duh chauh leh nghal.

" A pawi lo,. Kei ka awm tho a. Ka nu leh pate an rawn thlen ve leh keipawh ka rawn mu ang"...

" Maw!!,. Ka bulah i rawn mu ve dawn maw,"..

" A pawina awm ami,. Nge,".. tiin min rawn hnaih deuh a. Chhungte thih lai² in a awmdan hi van hun lo thei tak.

" Ka bula i mut chuan in sum theih loh i hlau zawk".. engmah sawi lo in khum ah ka lawn rawk² a. Ka in lu khuh nghal hmiah. A nui ri hawk chu ka hre thei. Ka bulah chuan rawn kal in puan min rawn sin belh tir a. Kei erawh ka che eih lo. Ani pawh chu ngawi reng in a chhuak ve mai bawk. Ka mut a chhuak tawh bawk nen ka chhing chiah chu ka muhil ani nghal mai.

Ni in ka mit a rawn chhun ser² tak ah chuan ka han meng siar² a. Khua alo var der tawh. Min khan tu an awm tih ka hria a, ka hen en chuan hyung alo ni reng. Ka lo mu ang a tih kha a ti tak² ani maw. Hepa hi chu, thawh tum chuan ka han in beng kang a, mahse min lo pawt let in a awm ah chuan min kuah bet thlawp a. Nghet tak in min kuah nghal.

" I mutui em"..

" Mmmm,. nang"..

" Kum tam hnu ah tui taka ka mut leh hmasa ber ani".. a tih chuan mak ti zet chuan ka en nghal haw a.

" Ka hria lawm,. Ka ni hnen atang in ka duh zia che leh ka hmangaihna che a rei tawh zia ilo hre tawh tih ka hria,. Mahse chu² tuna pawimawh ber ani rih lo. Kan boruak hi zo se, ka ta ah ka siam ang che"... Chhan ngaihna ka hre lo,. Ka ngawih reng takah chuan ka khabe ah rawn dawm in min rawn fawp vang² a. Ka in dang zo tawh bik lo, zawimuang chuan fawp let in duhtawk chuan kan han in fawp vawng² a. Mahse rei kan in fawh hma in kawngka an rawn kik avang in kan in thlah vat. Ka ni alo ni,.

" In siam fel ula,. Vuina hun kan tan thawh dawn"... A sawi tur a sawi zawh chuan a chhuak thla leh nghal mai bawk. Keini pawh chu tawi khawmuang tawh lo chuan kan in siam nghal vat² a. Chawhma lamah vuina hun chu kan nei a. An tap tliah² hlawm a, ka tap ve thei bawk si lo. Ka lo ding ngawi reng ringawt. Inpui ber ah chuan kan chhungte ho chu an awm khawm thliah² hlawm a. Hyung chu ka han zawng kual a, in chhung tukverh atang chuan pawna hmeichhe pakhat kan cousin ve tho nen hian in ngaih tak in alo ti² dun hi ka va hmu a, hmeichhia chuan a dar ah alu ala nghat zui.ka sa nghal phat zing ah te khan ka lo fawp let vel a, ka van ngei chiang tak. Ka en reng lai chuan hyung chu a rawn hawi thut. Mahse ka kal sawn nghal daih, room lam ka pan lai chuan mi pakhat hi ka la su chawrh zui,.