سِدرة مُنتهى

البارت "التاسع"

طول ماهي تحجي احنه نهووس وغدير تصور وادهم طاب بالنص ويركص.
كال علي :- هاييي مال ضابط مرت جعفررر تسويهاا،،، زين اكلك جعيفر فهمني شلون تهددها بالنجمه ءخخخخ

ضحك جعفر وهو يكول لادهم :- ايييي بعد خالك شعر شعررر هز يالكمرر

باوعت لعائلتي شكد حلوه واحنه نضحك وفرحانين ونركص
هذاا كله بعد ماحددنا عرس علي يوم الخميس ...

واليوم جمعه...
دخلت كُليه قانون بعد مشدات كبيره بين الـاي ولا..
كان ابويه يكُلي :- بابا ماانصحج تدرسين قانون مايفيدج وداعة عيونج الحلوه،، اول شي تعيين ماكو والقانون يريد وحده عدها علاقات وتطلع وتطب وتروح وترجع بين المحاكم والمراكز والسجون
غيررر تدافعين وتوكفين ويه المجرم،،، ولازم تطلعي هو على حق لان هذاا شغلج لازم تسوين الباطل حق والحق باطل بيها هواي اكل حرام
والي مايمشي وياهم وعلى ارادتهم يكيدوله لحد مايوكعوا

سدرة :- بس بابا موو الكل اني اريد اشتغل واصير وي الحق مو وي الباطل واريد اشتغل بمراضاة وارادة الله...
ولا تنسى (وان اجتمعوا على ان يضروك بشيء لن يضروك إلا بشيء قد كتبه الله عليك))
صح لو خطأ!؟؟؟

باوعلي وكال :- هاهيه براحتج بعد، اني شنو اريد غيرر اشوفج فرحانه ومرتاحه..

كان هذا قبول ابويه بعد كلام طويل عريض من جعفر الي مقنعه حتى لوو ماتعينة بالمحكمه معارفي هواي اعينها بشركه اهليه..

داومت بالجامعه اول يوم كلللش فرحانه بيومها اخذني جعفرر وصلني وطول الطريق يعلمني شلون اتعامل وي الناس داخل الجامعه وشنو هي الجامعه..
اخذنيي لصديقه استاذ جامعي ووصاه عليه،،  احس تفشلت شنو طفله اني
لماا طلعنه تعاركت ويااا :- انت شنووو توصي عليه شنو طفله اني جعفر..

ضحك وكال :- مو شغلك حبيبي،،،
غيرر حتى يكون يعرفج انتي اخت منو.،،ويعرف شلون يتعامل وياج، الولد صاحبي وواكفين ويا خير من الله،،، هسه يلا يلا روحي لقسمج..

وصلني لقسمي وراح....

مرت الايام وصرت ادرس قانون رغم صعوبه لكن كلشش عاجبني وحابته..
غير الاساتذه تعاملهم حلوو وياي وويه الكل..
تعرفت على بنيه وياي صارت صديقتي حبابه كلششش برغم من قلة عدد البنات اكثر

واني بطبعي اجتماعية
والمقابل بسرعه يستلطفني باسلوب كلامي  
صح ماعندي علاقه قويه وي الطلاب لكن اذا صارر سلام او نقاش لا عادي انطي وجه نظري بكل احترام

واشوف احترام زملائي الي هالشيء جداً يسعدني حتى الاحظ ان المقابل يفكرر بكلامه قبل لا يكوله الي...

اماا رُما فهي قدمت اول شي على انكليزي بعدين حولت على عربي كان معدلها 75

كلت الها :- انتي علمي لو مقدمه على كيمياء او فيزياء يقبلوج..
كالت :- اسكتي خيه اسكتي لعبت نفسي من الدراسه ادك والطم بالسادس تالي اطلع هلمعدل  ردت اعيد بس ناجحه ومامأجله ماكدر اعيد