နှင်းတောင်ထွဋ်မှာပညာလာသင်ကြားဖို့ရောက်သည်ဆိုကတည်းကအပြင်လောကနဲ့ဆက်သွယ်ခွင့်မရှိတော့ပေမဲ့
ရှစ်ယင်သည်
သူ၏
ဖိတ်ကြားလွှာပေါ်တွင်ရေးသား၍အစီအရင်တစ်ခုတည်ကာမူလနေရာပြန်ကျရောက်စေသည်မို့စည်းကမ်းအားဖောက်ဖျက်သည်ဟုမဆိုနိုင်
ရှစ်စွမ်းဖြစ်သူနှင့်သူ၏ဆက်ဆံရေးမှာကောင်းလှချည်ရဲ့လို့မဟုတ်ပေမဲ့
အထိုက်အလျောက်တော့ပြေပြစ်တယ်လို့ယူဆနိုင်လေ၏
ဒီပုံစံအတိုင်းလေးနဲ့နှစ်သုံးရာကိုငြိမ်းငြိမ်းချမ်းချမ်းဖြတ်သန်းနိုင်ရင်ပဲမဆိုးဘူးလို့ပြောရမည်
မိုးကားလင်းစပြုလာပေပြီ
ပိုင်လီကမနက်ခင်းနေရောင်ခြည်ကို
အားမာန်ပြည့်စွာခံယူလိုက်ရင်း
ခိုင်မာစွာဆုံးဖြတ်လိုက်၏
ဒီနေ့
ဝိညာဥ်စွမ်းအားစမ်းသပ်မှုရလဒ်
ကောင်းကောင်းမွန်မွန်ထွက်လာပြီးလျှင်တော့
တခြားများများစားစားမတွေးတော့ဘဲလေ့ကျင့်ရေးတွင်သာအလုံးစုံမြှုပ်နှံပစ်လိုက်တော့မည်ဟူ၍......
*********************************************
နှင်းတောင်ထွဋ်ရှိလုံဝမ်ကျောက်တိုင်သည်
ကျောက်စိမ်းရောင်ဖြဖြတောက်လျက်
နှစ်ပေါင်းသောင်းချီတည်တံ့ခဲ့သောပြယုဂ်အဖြစ်
တည်တံ့မြဲမြံမှုများလွှမ်းခြုံထားလေ၏
ဤကျောက်တိုင်အတွင်းရှိဝိညာဥ်စွမ်းအားကျောက်တုံးရှေ့တွင်နှင်းတောင်ထွဋ်မှတပည့်ပေါင်းများစွာကသူတို့ဝိညာဥ်စွမ်းအားကိုစမ်းသပ်ခဲ့ကြပေသည်။
ထိုမှတဆင့်သူတို့၏ဝိညာဥ်စွမ်းအားအဆင့်အလိုက်ကျွမ်းကျင်အောင်လေ့လာသင်ကြားခဲ့ကြပြီးလောကအကျိုးကိုသယ်ပိုးနိုင်မည့်ပုဂ္ဂိုလ်များအဖြစ်ထွန်းပေါက်ခဲ့ကြပေ၏
ပိုင်လီသည်နည်းနည်းလေးမှစိတ်မလှုပ်ရှားပါဘူးလို့ပြောရင်လိမ်ညာရာကျလိမ့်မည်။
ဤသည်က
သူ့ဘဝ၏အရေးကြီးဆုံးသောအချိုးအကွေ့တစ်ခုဖြစ်လာမည့်အချိန်အပိုင်းအခြားဖြစ်၏
ဝိညာဥ်စွမ်းအားအမျိုးအစားထဲတွင်အမြင့်ဆုံးဖြစ်သောမီးစွမ်းအင်ရင်းမြစ်ဖြစ်လာရင်အကောင်းဆုံးဆိုပေမဲ့သူ့ကိုယ်ထဲကရင်းမြစ်အားသူကိုယ်တိုင်လည်းမယုံကြည်ဝံ့ပေ။
YOU ARE READING
The Story Of Snowy Sect
Romanceချစ်ရသူ၏အမုန်းကားဤကမ္ဘာပေါ်ဝယ်အနာကျင်ရဆုံးဖြစ်ရသည့်တိုင်သူသည်အနှီခံစားချက်လေးကိုပင်မစွန့်ပစ်နိုင်ခဲ့ နှစ်သက်မြတ်နိုးပါသည့်အကြင်သူသာ သူ့နှလုံးသွေးကိုလိုအပ်ပါသတဲ့ဆို.... သူသည်သေဆုံးသွားချင်ပါ၏ ချစ်ရသူကားအမုန်းများပေးသည့်တိုင် ချစ်ရသူအားချစ်သွားရင်းလျှ...
Chapter-4
Start from the beginning
