فتحت بنتين جراب الفستان وكان ابيض وشكله فخم جدا زي فساتين الملكات
المصممه : ده من باريس . جاي لحضرتك مخصوص من دار عرض معروفة واحنا المكتب اللي ليها في مصر
يحي : واوووو . الفستان يجنن
لميس عجبها الفستان جدا : برضو مش عايزه اتجوز
يحي : لميس مش هينفع تتكلمي كده قدام الناس .
لميس سكتت . وبعد دقايق كان في ضيوف تاني
اشهر محلات مجوهرات والماس معاهم اطقم غاليه
ودي كانت هديه عمر التانيه
لميس : فاكر نفسه هيشتريني بفلوسه
تليفونها رن وكان رقم غريب : الو
عمر : honey وحشتيني
لميس : وحش اما ياكلك يا عمر
عمر : مش هرد عليكي حاليا.. قوليلي ايه رايك في الفستان ..متوقع أنه عليكي هييجنن .. اختارتي طقم الالماس وله لسه .. بصي اختاري اللي انتي عايزه . اخربي بيتي براحتك
لميس : أنا أقدر اشتريك انت وشركاتك كلها ..مش انا اللي يضحك عليا بشويه حجات ..
عمر : مش بقولك محتاجه لدكتور نفسي. . Honey انتي لازم تتحكمي في نوبات جنونك وغضبك
لميس. : انت تاني
ضحكت عمر : انا مشغول حاليا . عندي ميتنج . اتصلت اشوف الحاجات عجبتك وله لا .
لميس : لا
عمر : طيب مبروك .. اشوفك بعد يومين يا honey.....
لميس هتتجن من عمر وتصرفاته البارده بس رغم كده هو كان كريم جدا في أول هداياه.
يحي بيحاول يخفف عليها ...هشام مش قابل الرفض منها
طول اليومين كان عمر بيبعت هدايا كتير للميس غير خبيرات الميك أب اللي بيعتنو بيها قبل الفرح علشان تكون جميله
يوم الخميس.. مكنش فيه اي سبيل للهروب لازم ترضي بالأمر الواقع ..
لميس: مفيش حل غير أني هتجوز الغبي ده وبعد كده هطلع عينه
يحي دخل : عروستنا القمر أخبارها ايه؟
لميس : زي الزفت يا كلب البحر
يحي: بتضيعي هيبتي قدام الناس قولتلك بلاش كده
لميس: كنت فين من الصبحيحي.: اكيد يعني كنت بلبس وبجهز نفسي مش اخو العروسه ولازم اكون شياكه
لميس هتعيط: يحي انا مش عايزه اتجووووز
يحي : اممم . تاني يا لميس . بعدين ده كتب كتاب يعني مش هتروحي معه .لميس : هطلع عينه .. هجبله السكر والضغط واشله وبعدين اطلقه
يحي : ده كده مش هيبق فيه بني ادمين
أنت تقرأ
مجموعه قصصية( هي وهو)
Humorمجموعه قصص منوعه بطلتها هي . والبطل هو هي والعصابه هي والمافيا هي والجواز بالخناق هي والشيطان هي وصقر
هي و الشيطان ٢
ابدأ من البداية