شَتَّان ما بينَنَا (مكتملة)

الفصل السادس والثلاثون : ماذا يحدث؟!

أطرقت رأسها مردده ببعض الحرج ، مخترعه كذبه ما.

"كان موجود على الكارت ، شكل وجودى لغبطك ، أنا بعتذر لو جيت من غير ميعاد "

نفى سريعاً ليحثها على الجلوس.

"لا طبعاً ، أنتى تيجى وقت ما تحبى ، أتفضلى أقعدى ، تشربى أيه؟"

هتفت بنبره عفويه ، جعلته يبتسم بخفوت .

"كاكاو باللبن ، هلاقى عندك ولا أطلب حاجه تانيه؟"

نطق هو بمرح ، ضاغطاً أحدى الأزرار فوق مكتبه.

"أطلبى اللى تحبيه ، كل المشروبات متوفره عندنا ، من أول الشاى لحد عصير الليمون"

أخبر الساعى بإحضار طلبها مع كوب من القهوه له ، ثم عاد ليسألها بإهتمام.

"ها ياستى ، قوليلى بقا بتشتكى من أيه!؟"

أبتلعت ما بجوفها بإرتباك ، بماذا ستخبره ، أتقول له حقيقه تواجدها هنا ، أم تكمل وصله الكذب ، لاحظ هو التوتر البادى على تعابير وجهها .

قالت منهيه صمتها بنبره متلعثمه بعض الشئ.

"أصل يعنى ، بصراحه احم .... ، الموضوع وما فيه أنه ...أنه ، بُص من الأخر كدا أنا مبشربش كحوليات بمزاجى ، ده بسبب حادثه حصلتلى من فتره ، هى اللى خلتنى شبه مدمنه على الشرب "

عقد جبينه فى حيره ، هل أتت إليه ، لتخبره بسبب تناولها للكحول بشراهه الأيام الماضيه ، رغم عدم إستعابه لمغزى حديثها هذا ، ألا أنه وجد فضوله يكاد يلتهمه لمعرفه مقصدها .

تسائل بترقب .

"مش فاهم!! ، بس حاسس أن فيه حكايه كبيره ورا كلامك ، فلو مش هضايقك ، ياريت توضحيلى أكتر .."