Nan HuaiLin အရောင်တစ်ခုတည်းရှိတဲ့ အိပ်ယာခင်းကိုယူလိုက်ပြီး လေးထောင့်ပုံစံလေးခေါက်လိုက်တယ်။ အဲ့ဒီဟာလေးကို ကုတင်ပေါ်ဖြန့်လိုက်တယ်။ နောက်ပြီး အဲ့ဒါရဲ့အပေါ်မှာ Shi Yanရဲ့ ပစ္စည်းတွေကိုတင်လိုက်တယ်။ အဓိကပစ္စည်းတွေက အဝတ်အစားတွေ၊ အောက်ခံဘောင်းဘီတွေ၊ ဦးထုပ်တွေနှင့် တခြားဟာလေးတွေ။ အဲ့ဒီကုတင်ပေါ်က ပစ္စည်းတွေတစ်ခုချင်းစီကို ဓာတ်ပုံရိုက်လိုက်တယ်။ ပြီးသွားတော့ Idle Fishကိုဖွင့်ပြီး 'ငယ်ရွယ်နုပျိုတဲ့ ပေါ်ပြူလာစတား Shi Yan ရဲ့ အတွင်းခံဘောင်းဘီ' လိုမျိုး Shi Yanရဲ့နာမည်နဲ့ ခေါင်းစဥ်တပ်ပြီး အဲ့ဒီပစ္စည်းတွေအကုန်လုံးကို ရောင်းဖို့ သင့်တော်တဲ့စျေးနှုန်းနဲ့ ပို့စ် တင်ပစ်လိုက်တယ်။
အကုန်လုပ်ပြီးသွားတော့ ရေချိုးပြီး အိပ်ရာဝင်လိုက်တယ်။
သူ အိပ်ပျော်နိုင်မှာ မဟုတ်ဘူးလို့ ထင်ပေမယ့် မြန်မြန်ဆန်ဆန်ပဲ အိပ်ပျော်သွားတယ်။
ဒီနေ့က သူ့အတွက် အရမ်းပင်ပန်းတဲ့နေ့တစ်နေ့ပဲ။
နောက်နေ့မနက်စောစော Nan HuaiLin 'အိမ်အလုပ်လုပ်ခြင်းနှင့် ကြိုတင်ကာကွယ်အပ်သောအရာများ'ဆိုတဲ့ မိတ္တူကူးထားတဲ့ စာရွက်အထပ်လိုက်ကြီးကိုယူပြီး Beijingရဲ့ တစ်ဝက်စာအကွာအဝေးလောက်ကို ဖြတ်သန်းကာ Fei Zhengရဲ့ အိမ်ကို သွားလိုက်တယ်။
Hannibalကို အစာနှင့်သောက်စရာလေးတွေကျွေးပြီး Nan HuaiLin အလုပ်လုပ်နေရင်းသီချင်းနားထောင်ဖို့ နားကြပ်လိုက်တယ်။ နောက်ပြီး မိတ္တူစာရွက်ထဲမှာ ပါတဲ့အခန်းတွေဆီ လျှောက်လာခဲ့တယ်။
အိမ်ကနည်းနည်းတော့ အရမ်းကြီးတယ်။ မနက်ခင်းတစ်ခင်းလုံးကို သန့်ရှင်းရေးလုပ်နေတာတောင်မှ အိမ်ရဲ့တစ်ဝက်ပဲပြီးလိုက်တယ်။
နေ့လည်စာကို အဆင်ပြေသလိုပဲ အပြင်မှာ ထွက်စားလိုက်ပြီး အလုပ်ဆက်လုပ်ဖို့ ပြန်လာခဲ့တယ်။
အလုပ်တွေလုပ်ပြီးတဲ့နောက် Ruan Xinက ရောက်လာတယ်။ Nan HuaiLinလုပ်ထားတဲ့ အတွင်းထဲကအလုပ်တွေရော အပြင်ဘက်ကအလုပ်တွေပါ လာစစ်တယ်။ ပြီးတော့ သူကပြောတယ်။ "အရမ်းကောင်းတာပဲ။ ငါမျှော်လင့်ထားတာထက်တောင်ကျော်နေတယ်။ ငါကတော့ ကျေနပ်တယ်။ ပြီးတော့ Mr.Feiကလည်း အမှားရှာနိုင်မယ်လို့ မထင်ပါဘူး။ ငါ နောက်တစ်ယောက်ထပ်မရှာရလောက်တော့ပါဘူးနော်"
YOU ARE READING
ကျတော့်ရဲ့ နဂါးကောင်လေး(MM trans)
Romanceကျတော့ရဲ့ gongက အမြီးအကြီးကြီးနဲ့ နဂါးကြီး
chapter 7
Start from the beginning