Filming Love

Cam 037: Alarm

Sa di kalayuan ay nakikita kong naglalaro si Dani with her cousins and friends. Kitang-kita ko ang saya ni Dani while enjoying the party at kitang-kita ko rin kung gaano kasaya ang mga families na dumalo.

Habang minamasdan ko sila ay napatingin ako kay Rita na nasa may tabi kong upuan na tila ay masayang pinagmamasdan din ang lahat. Nang tinitigan ko pang mabuti ay may namumuong mga mumunting butil ng luha sa mga mata niya.

"Oh, Choi, Mahal. Bakit ka umiiyak?"

Agad naman siyang tumingin sa akin at nagpahid ng kanyang luha.

"Wala naman Chow. Ang saya lang tingnan na ang saya ng pamilya natin lalo na si Dani. Ngayon ko lang nakita ang ganyang malalapad na ngiti at halakhak ng anak natin. Nagsisisi tuloy ako na parang naipagkait ko ito kay Dani ng ilang taon"

Agad akong yumakap sa kanya.

"Choi wag mo nang sisihin ang sarili mo. Tingnan mo okay na yung pamilya natin. Nakaraan na yun, wag mo nang isipin"

Tumingin naman siya sa akin ng medyo matagal saka tumango.

Mga halos apat na oras din ang itinagal ng party ng anak namin. Kitang-kita mo talaga na nag-enjoy ang mga bata. Sa sobrang pagod nga ni Dani ay ayun nakatulog na sa taas. 

"Mommy, mag-oovernight lang po kami dito sa venue. Kasama kasi sa package. Tapos bukas uuwi kami sa bahay ha" paghalik ko kay Mommy habang nakasakay na sila sa sasakyan at ready na pauwi.

"O sige anak. Hintayin namin kayo ni Rita at Dani ha. Tulog na rin si Bryan pati mga pinsan mo napagod din. Una na kami. Mag-iingat kayo rito. Pagpaalam mo na lang din kami kay Rita ha"

"Sige po Mommy. Ingat po kayo pauwi"

Agad ko namang hinanap si Rita and there she is, mukhang nagpapaalam din kay Tita Osang.

Rita's POV

"Ingat po kayo Mama sa pag-uwi ha. Kuya Roy, ingat sa pagdrive, gabi na"

"Oo na bunso. Kilala mo ako"

"Sus kilala nga kitang kaskasero"

"Naku kung hindi lang birthday ng pamangkin ko, papatulan kita eh. Siya sige na. Pasensya na bunso di na namin kayo masamahan dito, tulog na rin kasi si Lorraine. Tinopak na din"

"Okay lang po Kuya ano ka ba. Basta ingat sa pagdadrive ha. Ingatan mo si Mama"

"Yes po Boss. Una na kami. Ingat rin kayo dito ha. Yung alarm mo ha"

Tumango naman ako at hinatid ko sa tingin ang sasakyan nilang palabas ng gate.

Naulinigan ko namang may naglalakad sa likod ko. Agad kong lumingon at di ako nagkamali.

"Chow, gugulatin mo ako no?"

"Hindi ah"

"Oh eh bakit ready nang nakataas yang kamay mo sa may balikat ko"

"Hindi ko alam"