- لا والله اخذني لبيتي ما اتحمل هنا ، هوسة
- والجهال ياهو الالهم
- خل اشوفن نانة خلصت امتحانات بلكت تروح ويانا تداريني هناك .
- عليمن تكلفينها ، ظلي اخذج للدكتور اليوم بلكت منا الباجر تكومين على حيلج واردج
- لا ما ارتاح ، رجعني لبيتي .
- براحتج احجي ويا نانة وشوفيها .
...
نانة : خذيت التليفون وطفيته من الدكمة الفوك .. طفى انطيته اله : حجي تليفونك مخلص شحن ؟
- اها شماله هاذ .. طفى
- اي بس شلته طفى
- دحطي ع الشحن بنيتي على ما اخلص صلاتي ، هاج .
خذيته وخليته ع الشحن .. ورحت اتصلت بمأمون .. طلعلي ( الرقم الذي طلبته مشغول حاليا ) ، كعدت يم التليفون ، صاحت عليه نوسة اساعدها والكط الها الخضرة ، هستوني كعدت .
اجت زهراء اختي تكول : الاء تريدج تكول اريد اروحن لبيتي ، واريدج وياي ما اكدر اروحن وحدي .
- شعدها رايحة ، خوب تظل
هدوة : خافنه اجا رجلها
زهراء : اي علاء عدنا
نانة : اني استحي من علاء ما عدي ميانة وياه شلون اروح وياها .
هدوة : خطية تلاكينها طكت روحها من البيت وحدتنا لا ما بيتها ما ترتاح ، امشي وياها.
- خابري على مؤيد كليلة نانة راح اوديها ويا الاء تظل يمها ، خاف اروحن ويكولون بكيفج اطلعين .
- هاج اخذي التليفون وخابري بيه
- لا انت خابري
خابرت عليه كال الها : خل تروح .
.. مشيت لغرفة علي طلعت ملابس اليه ولحدوري ، وخابرت على مأمون ، ما رد .
...
مأمون : وين تريدين توصلين مروة
- والله فلا توقعتها منك ، والنبي ، ابن شيوخ وامنت بيك وكلت يصوني ما يعوفني ، تاليتها تاخذني وتشمرني ليش شايفني يومية ويا واحد ، يعني هاي لإن احبك وسلمتك روحي هيجي تسوي بيه .
-عوفي البجي واحجي اتصالج على ابوي شنو معناته
- اني كل الردته ترد عليه ، لإن اخابرك وتتجاهل ادز رسالة واطيزها ما ترد .
- شوفي اذا على عذريتج نروح لقابلة تحل الموضوع
- تحل الموضوع شنو رايدلي ترقيع مأمون دا تصدمني بيك والنبي ، يعني ترضى تتزوج بنية مسويه ترقيع
- اني ما رايد اتزوج والصار غلطه وانت سببها
- لا كولي بس كولي ، ترضى تتزوج وحدة مسويه ترقيع وماخذها واحد غيرك
الحلقة ١٩
ابدأ من البداية
