مرحبا من جديد...
بعد غياب طويل قررت اشارككم روايه جديده
اتمنى تنال اعجابكم
MSSA
الفصل الاول
اهلا انا اسمي احمد
وعندي اخ اسمه ايمن
وعندي بابا وماما ربنا يديهم طوله العمر
انا في الصف الثاني الثانوي وعندي 16 سنه
انا حكايتي غريبه وممكن الاغلبيه مش يصدقها وممكن الاغلبيه يصدق القرار في الاول وفي الاخر يرجع للقارئ
نبدأ في احداث القصه علشان مش اطول في النبذه التعريفية عني.
انا طالب طبيعي جدا ذي اي طالب مصري بيصحى من نومه يروح المدرسه يخلص المدرسه يروح الدروس يرجع ياكل وبعدها يذاكر وبعدها ينام ويبداء يوم تاني جديد وتتعاد تاني نفس الاحداث شئ روتيني جدا وكأن حياتي عامله ذي الساعه عقربها بيلف في 12 ساعه علشان يرجع لنقطه الصفر تاني بس اكيد الحال ده مش يعجب اي حد فا حبيت اجرب شئ جديد
حبيت اغير حياتي الروتينية طبعا فا قولت اعمل حاجه جديده اكيد جه في دماغ حضراتكم اني اخرج او اتفسح او اغير جو بس لا انا كنت معجب اه معجب بواحده اكيد الكل هيقول دلوقتي انت طفل ركز في مستقبلك وبعد كده بص قدام قدام على موضوع الارتباط وكده بس انا ذي ما قولت لحضراتكم ان انا كنت عايز اكسر الروتين وكمان ده سن مراهقه وتعتبر حاجه ذي دي عاديه بالنسبه للجيل بتاعانا مش موضوعنا
انا من طبيعتي اني خجول وشغوف و شخص فضولي جدا و كتوم وطبيعي واحد بالصفات دي مستحيل يدخل يكلم بنت ويقولها انا معجب فا انا صراحتا كنت معجب بيها ومش قولت ليها لمده سنه فضلت ابص عليها من بعيد في كل الدروس ومكنش عندي صحاب علشان احكيلهم علشان يساعدوني فا كتمت جوايا
وفي يوم من الايام في الاجازه بعد الامتحانات كنت بتصفح على النت وبعديها جالي بوست على التخاطر يمكن بعضكم يعرفه بس انا مكنتش اعرفه فا هحكي من هنا اي الي حصلي انا لما شوفت البوست حسيت ان انا خلاص لقيت الحل لمشكلتي واخير هقدر اقولها على كل حاجه هتقولي ازاي هقولك انا ازاي التخاطر ده بيتعنل علشان تقدر توصل رساله للشخص معين انت مش قادر توصله
البوست مكنش في معلومات كتير عن الموضوع فا بحثت في الموضوع في اكتر من موقع والاغلبيه حذرو منه واجتمعوا على طريقه وهي اي....
ان الطريقه دي تتعمل بعد نص الليل ويكون المكان مظلم ويكون في شويه حاجات ذي ( مقلاه من النحاس- قلم احمر- ماء للمقلاه- ورقه- صخره صغيره-شمعه)
ملحوظه**** الطريقه المذكوره في الروايه حقيقيه بنسبه99% ولم يتم ذِكر الطلاسم منعا من تجربه الطريقه
فقررت ان ابدأ بتنفيذ الطريقه اه انا هعمل الطريقه رغم التحذير بس للاسف انا فتحت باب جهنم بيداي المهم انا بدأت بعمل الطريقه وكانت الساعه1:24 بالليل قولت مفيش وقت احسن من كده قمت وقفلت انوار الغرفه وحطيت الشمعه و ولعتها و............
انتهى الفصل الاول انتظروا الفصل الثاني انشاء الله ........
(27/12/2021)
MSSA
YOU ARE READING
God of death
Horrorلا يوجد مقدمات الكتابه بالعاميه واتمنى القصه تنال اعجابكم ملحوظه اكثر من نصف القصه حقيقيه والطرق والاسامي المذكوره حقيقيه بنسبه100%
