အဲ့ဒီနေ့က ရှောင်းကျန့်ရဲ့ 3rd year second semesterဖြေပြီးတဲ့နေ့။
စာမေးပွဲပြီးသွားတဲ့ ကျောင်းသားတွေရဲ့ထုံးစံအတိုင်း
ရှောင်းကျန့်တို့က အဖွဲ့လိုက်သာမက တစ်ခန်းလုံးရှိ
သူငယ်ချင်းတွေစုပြီး သောက်စားပျော်ပါးဖို့ဆုံးဖြတ်
လိုက်ကြတဲ့နေ့။လူအုပ်စုလိုက်ပျော်ပါးရတာက ရှောင်းကျန့်ရဲ့
အကျင့်မဟုတ်ပေမယ့်လည်း ပျော်ပါးတတ်တဲ့
သူငယ်ချင်းတွေကိုမှ ပိုင်ဆိုင်ထားသည်ဆိုတော့
လည်း ဒီသူငယ်ချင်းတွေ ပျော်ပါးတဲ့နေရာမှန်သမျှ
ရှောင်းကျန့်ကလိုက်ရမည်ပင်။ပျော်ပါးရာနေရာတွေများစွာရှိတဲ့အထဲကမှ
ယောက်ျားလေးတွေအများစုပါနေသည်မို့ သူတို့
ရွေးချယ်လိုက်သည့်နေရာက အေးဆေးဆိတ်ငြိမ်
သည့် အရက်ဘားတစ်ခုကိုပင်။ဘားကအပြင်ပန်းသွင်ပြင် ထည်ဝါနေပြီး
အထဲမှာတော့ တသီးတသန့်ဆန်သည်။
တကယ်ဆိုရင် ပျော်ပါးချင်တဲ့သူတွေအတွက်
အံကိုက်မဟုတ်သည့်နေရာ။အရက်လေးတစ်ခွက်မှာ အေးဆေးလေးထိုင်ပြီး
ဖွင့်ပေးထားတဲ့သီချင်းကို ရင်ဘတ်နဲ့အပြည့်
ခပ်ငြိမ်ငြိမ်လေးခံစားတတ်မှ အထဲကိုဝင်သင့်သည့်
ဘားပင်။ဒါပေမယ့် အခန်းထဲကအပေါင်းအပါတွေက
ဘာစိတ်ကူးပေါက်သည်လည်းမသိ၊ ဒီဘားမှာ
ထိုင်ကြရအောင်ဆိုပြီး တညီတညွတ်တည်း
ပြောဆိုကြသည်။အဲ့ဒီအထဲ ရှောင်းကျန့်တို့အဖွဲ့ထဲက ကျိုးဝေလည်း
အပါအဝင်ဖြစ်နေသည်။လူအယောက်နှစ်ဆယ်လောက်ရှိတဲ့အဖွဲ့လိုက်ကြီးက
ဆိတ်ငြိမ်တဲ့ဘားအတွင်းဝင်ရောက်လာတာ နည်း"
တော့ ကြောင်တောင်တောင်နိုင်လွန်းလှသည်။
VOUS LISEZ
You Are My Brown Star [COMPLETED]
Fanfictionလူတစ်ယောက်ကို တစ်ဖက်သတ် အချိန်ဘယ်လောက်ကြာကြာချစ်မြတ်နိုးနိုင်မလဲ။ ရှောင်းကျန့်က ဒီမေးခွန်းနဲ့ သူ့နှလုံးသားသူ စမ်းသပ်ခဲ့တယ်။ ∆ Full credit to original owner for pics that I used in fiction.