لين.. طلقنى
زين طلع على السرير.. بكرا عشان مش قادر دلوقتي
لين بصبيه.. زيين أنا بتكلم بجد
زين.. يعني انا اللي بهزر
لين.. بقولك طلقنييي حالا
زين اتعصب من اسلوبها راح عندها.. انتى عايزة ايه
لين.. اللى سمعته
زين.. واشمعنا دلوقتي عايزة تتطلقي
لين.. معدتش طايقه اقعد معاك زههقتت
زين.. وانا يعني اللى طايقك اوى
لين.. صح م انا قاعده هنا عبء عليك وشفقه مش كده
زين.. مش ناقص هبلك على اخر الليل
لين.. آه عندك حق مانت لقيت غيرى ياترى بقا الخدامه ولا البت اللي كانت معاك في العربيه
زين.. انتى بتقولي ايه؟
لين.. بقول انك خاين
زين.. أنا عصبيتى وحشه وبحاول اهدى نفسي من ساعتها عشان معملش حاجه تزعلك منى جامد اتقي شرى يالين
لين قامت من ع الكنبه .. تمام أنا ماشيه ابقي ابعتلي الورقه قامت وهى مش قادره بس غصب عنها رجليها اتلوت
لين.. ااااه
زين اتخص وراح لها بسرعه.. انتى كويسه
لين.. زقته ابعد عني ملكش دعوه
زين شالها غصب عنها وهى عماله تتلوى
لين.. ابعدد بقولك
زين.. اهو بعدت
لين.. ملكش دعوه بيا بقا سيبنى ف حالى وغصب عنها عيطت حست انها ضعيفه
زين.. في ايه
لين.. في انك واحد ز*با*له وخ*اين ياترى كنت مقضيها مع مين انهارده
زين.. انتى جبتى الكلام ده منين
لين.. بطل تعمل حوارات بقي
زين صوته على.. حورات انا برضو اللى بعمل كده
لين.. اماال مين تقدر تقولي مين البنت اللي كنت شايلها دى وكنت بتعمل ايه مع الخدامه في البلكونة وكل مره بكدب عينى بس لا كفايه كده وهمشي من هنا مش محتاج تعطف عليا وتنفذ وصية ماما او تقول حرام دي غلبانه ملهاش حد انت مقعدنى هنا عشان مزاجك بس وتقرب منى وقت ما تحب بس لأ خلاص انا فهمت كل حاجه انا مش عبيطه وهمشي من هنا واتمنى مرجعش اشوفك تاني
زين.. خلاص خلصتي
لين مردتش عليه
زين.. أنا مكنتش اعرف انك شايفانى وحش اوى كده بس عشان تعرفي اني احسن منك هقولك على حاجه أنا اتبعتلى رساله من فتره مكتوب فيها انك ووائل كنتوا على علاقه وورالها الرساله كامله ... بس انا مصدقتش فيكي حاجه زى كده وقولت انتى بتخافي تقربى منى وانا جوزك يبقي هتقربى من حد غريب!
