احببت من لايبالي 👏🏻

يا حلم عاش ويا روحي و يا ظلي الـ مايهدني.

جيهان/ سمعت صوت اصريخ خاله نزلت
ها خاله شكو شصاير
ام محمد ولج خاله يردوج فصليه ماكو
ابو محمد يامره صوتج اطيت كلمه الناس
ام محمد كتلك بتي ماطيها
ابو محمد بسج تعاي بويه احاجيج
جيهان رحت وره عمو واني مصدومه
ابو محمد بويه ابن عمج ماله ذنب يكتلونه وحنه مانسكت نكتل هم واحد وهمه ميسكتون ومحمد يصير بخطر
جيهان ليش هوه شنو ذنبه اني شنو ذنبي
ابو محمد بويه انتي مالج ذنب بس املنه بيج وهيه سنه ويرجعوج ومحمد لين جبيرنه يكتلونه
جيهان لا عمو هاهيه حروح ولا محمد يصير بي شي
ابو محمد هاهيه بويه باجر بس يطلع الصبح ناخذج
جيهان/ كمت منه واني دموعي اتصب رحت الماما ام محمد نمت بحضنها وكوه لازمه دموعي وخايفه للتوكع واقهرها هيه تفلي شعري وتبجي كتلها ماما اني قويه لاتبجين هيه سنه

ام محمد/ ماما اعرف محمد يحبج وتحبي
جيهان/ بدموع ماما والله ماسوينه شي غلط وهوه كال حيخطبني والله
ام محمد/ خاله ادري بيكم انشالله بس اترجعين اخلي يتزوجج ويسويلج عرس لاصار ولادار
جيهان/ ماما اني احبج
ام محمد/ اني هم احبج حبيبتي

ايمن / هلو اني ايمن سكني اربيل اني ضابط عمري ٢٥ سنه قبل فتره مات اخوي ورجعت من اربيل البغداد صديقي المقرب اسمه محمد صديق الطفواله اكره شي اسمه شيوخ وعشاير ومن طلعت السبعه مال اخوي صدموني يردوني اتزوج فصليه اني عارضت وبعد الود جبير عليه من الشيوخ وافقت بس اني ابد ماعجبني الوضع الي انحطيت بي وافكر وتعبت ونمت

محمد/ جان حاسني كلبي صاير شي وكل مادك يكلولي ماكو شي ونحلت ومن تجي انسولف كل مادك على جيهان مجاوب ادك على امي اسألها ادكلي امصخنه ونايمه ومالها خلك اخر شي كالت تلفونها انكسر وماعده مره حاجيتها كالت ماكو شي وصوتها مخنوك حسيت او جنت متأكد وصاير شي وميحجون وبيوم.....

محمد/ وبيوم الامر كال انزلو لهلكم يومين رحت حضرت نفسي ولبست قميص بيجي وبنطرون اسود وزينت وجنت ناوي هاي الجمعه اخطبها جيهان وشتريت الها اكلاده فضه على شكل طير كلش نازكه اعرف اتحب هاي السوالف وجبتها الها والفجر نطلع لهلنه

جيهان/ حسيت الدنيه انسدت ابوجهي كعدت على السجاده وبجيت على منمت واني مادري فزيت على دكه الباب صحت منو بصوت مخنوك

ام محمد/ يالله يمه تعاي اتريكي
جيهان/ يي ماما هسه
كمت بدلت لبست فستان شيفون اسود وشيله سوده ومكياج خفيف ونزلت صباح الخير

عمو وخاله/ صباح النور
خاله/ تعاي بنيتي يمنه اهنا اكعدي
جيهان/ كعدت بنصهوم حارو شيخلون كدامي كوه اكلت لكمه وكمت الحمد الله
ابو محمد/ بويه شكلتي
جيهان/ شبعت
ابو محمد/ يالله اجهزي حتى نطلع
جيهان/ منكال هيج اختنكت ردت اصيح اعيط ماكدرت كوه لازمه نفسي
ام محمد/ يمه بعد منا وهيج تاخذين كلمتهم

اي حجايه تطلع احنه الماربيناج يحجون عليج وهاج هاي ٥٠٠ خليها جواج ولجيبلها طاري وهاي كلدتين ذهب و٦ سوارات هاي صمينهن هنه والفلوس كلشي يصير تحتاجين اصرفي بيعي وصيري سباعيه ولاتحجين ويه احد بيهم على كد السوال ولو غلطو لتفكين حلكج خليهم وحدهم يحجون ويسكتون اكسبي عمج وعمتج كلشي يصير همه وياج دايمن احجي وياهم وكله صار وتامر وخليتلج ويه غراضج عبايه راس واعبي اثنين جبب واحد بشت وين مطلعين البسي البشت وشيكلج رجلج اتسوين ومحمد يمه انسي اعتبري نفسج بديتي حياة جديده وداعتج محد يموت الاحد ولا احد يدوم الاحد شوفي حياتج يمه ومحمد انسي واني متأكده محمد راح ينساج
ابد لاتراسلي تره اتصيرلج مشكله وانتي الخسرانه الوحيده يمه اني ابني واعرفه شهر شهرين وينساج  الرجال مو مثل المره وانشالله اترفعين روسنه بمعدلج وتنهين العدات والتقاليد يمه اني تره مراضيه على روحتج هاي بس كله بيد عمج مو بيدي والله

جيهان/ لآ ماما هاهيه بوستها وطلعت وحسيت نفسي قويه من كلامها صعدت السياره وطلعنه للبصره طول الطريق صافنه على ماقطع صفنتي عمو كال يالله انزلي باوعت لساتين والجاو يخبل يرد الروح وبيت لا قصر من الكبر واكفين كدامه مسلحين اهواي

نزلني عمو باسني من راسي وراح يسلم كلهم اتلكو اني بقيت صافنه عاط بيه واحد كال طبي جوه دمه بعيني وكوه احجي كتله ماندل كال جرني من ايدي احسه انخلعت دخلني مطبخ جبير شمرني بي وراح ضليت صافنه اجتني بنيه كالت انتي الفصليه
حيهان/ يي اني ودنجت
همسه / اني اسمي همسه  اخت المات
جيهان/ اتشرفت بيج عمري
همسه  / الي الشرف تعاي ادخلي جوه لتخافين انتي صرتي صديقتي تعاي اعرفج على امي.

ام ايمن/ هلا بيج يمه تعاي حدري
جيهان/ بجيت خاله والله اني مالي ذنب
ام ايمن/ اشش لتخافين حبيبتي همسه اخذيها خل ترتاح
جيهان دخلتني غرفه حلوه مرتبه كالت هاي غرفتي ارتاحي بيها

شكد اعشق اسلوبي اللي يخليهم يقرون الكلام اكثر من مرة ليتأكدو انهم المقصودين

شنوو توقعاتكم راح يصير ب ايمن وجيهان ومحمد اكتبولي بالكومنت
احبكم نفر نفر
١١59 كلمه