لين.. الوو يا زين رد انت فين .. زييين
نزلت جرى على تحت.. ماما ماما زين بيقول عمل حادثة ومسمعتش حاجه بعد كده
منى.. ابنيي يارب احميه يارب يارب احمييه البسي بسرعه عشان نروح
لين.. مقلش هو فين
منى.. انا هتصرف روحي انتى
لين طلعت جرى لبست ونزلوا كانت اتصلت على باباه وعرفوا مكان المستشفى
......
منى.. طمنى يا دكتور
الدكتور.. كويس انهم لحقوه عشان نزل دم كتير الخبطه جت في دماغه وعنده كسر في رجله اليمين
منى.. يعني هو كويس وفاق
الدكتور .. اه فاق بس لسه تحت تأثير البنج شويه وادخلوا شوفوه
ابو زين.. متشكر يا دكتور
الدكتور.. ده واجبى
منى.. خلاص يا لين الدكتور قال كويس بطلى عياط بقا
لين.. افتكرت ماما
منى.. يا حبيبتي ربنا يرحمها
... بعد شويه منى وجوزها دخلو شافوه وخرجوا
ابو زين.. ادخلي يا لين بقا
لين.. لأ مش هقدر اشوفه
منى.. مفيش حاجه مش متعور ولا حاجه هى خياطه في راسه بس
لين اتطمنت ودخلت كان مغمض عينه ومش قادر من وجع راسه
لين.. حمد لله على السلامة
زين وهو بيفتح عينه.. الله يسلمك
لين واقفه ساكته وخلاص
زين.. معيطه ليه
لين.. مفيش مش معيطه ولا حاجه
زين.. طبعا كنتي هترتاحى منى
لين بدموع.. انا افتكرت ماما وخفت يحصل حاجه انا مصدقت ارجع زى الاول تاني أنا بدأت احس انى وشي نحس عليكم
زين كان بيحاول يتعدل.. اااه آه
لين راحت عنده وعدلت له المخده.. على مهلك
زين.. شكلك انتى دعيتى عليا قولى الحقيقه
لين.. بطل رخامه بقا
زين.. دي منظر معاملة تعاملى بيها مريض
لين.. انت عملت الحادثه ازاى
زين.. مش عارف انا كنت ماشي عادي فجأه عربيه وقفت بالعرض قدامي مش عارف هو كان بيعدى الطريق ولا لأ ومعرفتش امسك الفرامل واللى حصل بقا حاولت اطلع التلفون بالعافيه عشان اكلمك ومكنتش شايف قدامى خالص
