ﺭﺣﺖ ﻟﺨﺎﻟﻲ
ﺍﺑﻴﺖ ﺟﺪﻱ ﻭﻃﻠﻌﻨﺎ ﺑﺴﻴﺎﺭﺗﻪ ﻟﻠﺪﻻﻝ
ﺍﻟﺒﻴﺖ ﺍﺷﺘﺮﻳﺘﻪ ﺑﺴﻌﺮ ﻣﻨﺎﺳﺐ ،،،،،ﻭﻛﻠﺖ ﻗﺒﻞ ﻻﻧﺘﺤﻮﻝ ﺑﻲ
ﺍﺻﺒﻐﻪ ﻭﺍﺭﺗﺒﻪ ﻫﻮ ﻭﺍﻟﺤﺪﻳﻘﻪ ﻻﻥ ﺟﺎﻧﺖ ﻣﺘﺮﻭﻛﻪ
ﻭﺍﻟﺪﻏﻞ ﺗﺎﺭﺳﻬﺎ،،،،
ﻧﻔﺲ ﺍﻟﺪﻻﻝ ﺍﻧﻄﺎﻧﻲ ﺍﺳﻢ ﻣﻘﺎﻭﻝ ،،،ﻭﺳﻠﻤﺘﻪ ﺑﺄﻳﺪﻩ
ﻳﺮﺗﺒﻪ ﺍﻟﻨﺎ ﻭﻫﻮ ﻛﺎﻝ ﺧﻼﻝ ﻋﺸﺮﻩ ﺍﻳﺎﻡ ﺍسلمه ﺍﻟﻚ
ﻣﻦ ﺭﺟﻌﻨﺎ ﺧﺎﻟﻲ ﻛﺎﻝ
ﺍﻳﻮﺏ ﺟﻴﺐ ﺍﻣﻚ ﻭﻫﺎﺟﺮ ﻭﻋﻠﻮﺵ ﻭﺗﻌﺎﻟﻮ
ﺗﻌﺸﻮﺍ ﻳﻤﻨﺎ ﺑﺎﺟﺮ
ﺍﻱ ﺭﺍﺡ ﻧﺠﻲ ﻻﻥ ﻋﻨﺪﻱ ﺣﺠﻲ ﻭﻳﺎﻙ
ﺟﺎﻭﺑﺘﻪ ﻭﻫﻮ ﺧﻠﻪ ﺍﻳﺪﻩ ﻋﻠﻰ ﺭﺟﻠﻲ ﻭﺍﺑﺘﺴﻢ
ﺧﻴﺮ ﺍﻳﻮﺏ ﺍﻟﺼﺎﺑﺮ،،،ﺷﻌﻨﺪﻙ ﺣﺠﻲ ﻭﻳﺎﻱ
ﺧﺎﻝ ﺍﺭﻳﺪﻥ ﺍﺷﻐﻞ ﻓﻠﻮﺳﻲ ﺑﺸﻐﻠﻪ ﺯينه ﻭﺗﺠﻴﺐ
ﻭﺍﺭﺩ ﻭﻛﻠﺖ ﺍﻓﺘﺢ ﻣﺤﻼﺕ ﺑﺎﻟﺸﻮﺭﺟﻪ
ﻣﺎﻝ ﻣﻮﺍﺩ ﻏﺬﺍﺋﻴﻪ
ﻳﻌﻨﻲ ﺗﺮﻳﺪ ﺗﺸﺘﻐﻞ ﻧﻔﺲ ﺷﻐﻠﻪ ﺍﺑﻮﻙ ﺍﻟﻠﻪ ﻳﺮﺣﻤﻪ
ﺍﻱ ﺍﺭﻳﺪﻥ ﺍﺭﺟﻊ ﺍﺳﻤﻪ ﻭﺍﺷﺘﻐﻞ ﻧﻔﺲ ﺷﻐﻠﺘﻪ
ﺧﺎﻟﻲ ﺳﻜﺖ،، ﻭﺑﺎﻭﻉ ﻟﻠﻄﺮﻳﻖ ﻭﺣﺠﻪ
ﻭﺭﻩ ﺩﻗﺎﺋﻖ
ﺍﻟﻔﻠﻮﺱ ﺍﻟﻌﻨﺪﻙ ﺗﻜﻔﻲ
ﺍﻱ ﺧﺎﻝ ﺗﻜﻔﻲ ﺍﺷﺘﺮﻱ ﺍﺳﻮﺍﻕ ﺟﺒﻴﺮﻩ
ﻭﻣﺨﺰﻥ ﻭﻳﺎﻫﺎ
ﺍﻳﻮﺏ ﺗﺬﻛﺮ ﺍﺑﻮ ﻋﺒﺪ ﺍﻟﻠﻪ ﺍﻟﻲ ﺍﺷﺘﻐﻠﺖ ﻋﻨﺪﻩ ﻗﺒﻞ
ﻛﻢ ﺳﻨﻪ ﺍﻟﻲ ﻋﻨﺪﻩ ﺍﺳﻮﺍﻕ ﻭﻭﻣﺨﺎﺯﻥ ﺑﺪﺍﻳﻪ ﺍﻟﺴﻮﻙ
ﺍﻱ ﺍﻋﺮﻓﻨﻪ ﻭﻣﻮ ﻧﺎﺳﻲ ﺷﺒﻲ
ﻣﺎﺕ ﻗﺒﻞ ﺷﻬﺮﻳﻦ
ﺗﻔﺎﺟﺎﺕ ﻭﺍﻧﻘﻬﺮﺕ ﻋﻠﻲ،،،،ﻻﻥ ﺟﺎﻥ ﺯﻟﻤﻪ
ﻃﻴﺐ ﻭﻣﻌﺎﻣﻠﺘﻪ ﻭيه ﺍﻟﻨﺎﺱ ﻛﻠﺶ ﻃﻴﺒﻪ ﻭﺯﻳﻨﻪ
ﺣﺠﻴﺖ
ﺍﻟﻠﻪ ﻳﺮﺣﻤﻪ ﺟﺎﻥ ﺧﻮﺵ ﺯﻟﻤﻪ
ﺍﻱ ﻭﺍﻟﻠﻪ ﺍﻧﻲ ﺟﻨﺖ ﻣﻠﺘﻬﻲ ﺑﻴﻚ ﻣﻦ ﺍﺣﺘﺮﻛﺖ
ﻭﻣﺎﺭﺣﺖ ﻟﻠﻔﺎﺗﺤﻪ ﻣﺎﻟﺘﻪ،،،،
ﻧﺮﻭﺡ ﻻﺑﻨﻪ ﻭﻧﺎﺧﺬ ﻣﻦ ﺧﺎﻃﺮﻩ
ﺍﻱ ﻧﺮﻭﺡ ﻻﻥ ﻋﺪﻧﺎ ﺷﻐﻠﻪ ﻭﻳﺎ،،
ﻋﻜﺪﺕ ﺣﻮﺍﺟﺒﻲ ﻭﺳﺎﻟﺘﻪ
ﺷﻨﻬﻲ ﺍﻟﺸﻐﻠﻪ
ﻣﻦ ﻣﺎﺕ ﺍﻟﺤﺠﻲ ﻋﺒﺪ ﻟﻠﻪ ﻋﺮﺽ ﺍﻻﺳﻮﺍﻕ ﻭﺍﻟﻤﺨﺰﻥ
ﻟﻠﺒﻴﻊ ﻻﻥ ﻣﺎﻋﻨﺪﻩ ﻭﻗﺖ ﺍﻟﻬﻦ ﺗﻌﺮﻑ ﻣﻬﻨﺪﺱ
ﻭﻭﻇﻴﻔﺘﻪ ﻣﺎﺧﺬﻩ ﻛﻞ ﻭﻗﺘﻪ
ﺍﻱ ﺍﻋﺮﻑ ﻭﺍﻟﺤﺠﻲ ﺟﺎﻥ ﻳﺸﻜﻲ ﻣﻨﻪ ﻻﻥ ﻣﺎﻳﺠﻲ
ﻭﻳﻮﻛﻒ ﻭﻳﺎ
ﺍﻱ ﺍﻧﻲ ﻫﻢ ﺣﺠﺎﻟﻲ،،،،،ﺍﻟﻤﻬﻢ ﻻﺯﻡ ﻧﺮﻭﺡ ﻋﻠﻲ
ﺍﻟﻴﻮﻡ ﻗﺒﻞ ﺑﺎﺟﺮ ﺣﺘﻰ ﻻﻳﺮﻭﺣﻦ ﻣﻦ ﺍﻳﺪﻙ
ﻟﻐﻴﺮ ﻭﺍﺣﺪ ﻻﻥ ﻣﻮﻗﻌﻬﻦ ﺯﻳﻴﻦ
ﻭﺷﻐﻠﻬﻦ ﺧﻴﺮ ﻣﻦ ﺍﻟﻠﻪ
البـارت الثاني و العشرون
Start from the beginning
