شيخ في محراب قلبي ( مكتملة )

العشرون

لم يشعر رشدي بنفسه وهو يجذب زكريا لاحضانه مربتا عليه بحنان يحاول تمالك دموعه :

_ عملك ايه يا زكريا ؟؟؟ والله اروح اضربهولك دلوقتي ومخليش في جسمه حتة سليمة ...قولي عملك ايه وانا اخدلك حقك منه بس متعيطش..

ضم زكريا نفسه وهو يدفن وجهه في جسد رشدي رافضا التحدث بكلمة واحدة فما فعله لم يكن بحقه هو بل كان بحق زوجته لكنه اكتفى فقط بقول :

_ مش هقدر احكي حاجة يا رشدي ...كل اللي اقدر اقوله إن هو كسر اغلى حاجة بملكها .

_________________

_ يابنتي انطقي بقى تعبتيني معاكِ .

تنهدت فاطمة بتعب شديد وهي تشير برأسها بلا شيء :

_ يا شيماء بقالك ساعة بتزني فوق دماغي وقولتلك مفيش حاجة وانا معرفش ليه زكريا اتصل باجوازتكم .

لوت ماسة شفتيها بحنق :

_ ايوة فالحين بس انتم تقطعوا علينا أنتِ وجوزك ..ده الواد كان خلاص هينهي الزعل بحضن وب......

توقفت ماسة عن الحديث بسبب ضربة شيماء لها بكتفها ونظرتها التحذيرية :

_ خلاص اسكتي هتفضحينا ....بعدين مش كفاية خلتيني اجرجر البت من بيتها بمنظرها اللي يعر ده ؟؟

نظرت فاطمة لنفسها بتعجب وهي ترى الاسدال الخاص بها لتنكمش ملامحها بحنق شديد وهي تعترض على حديث شيماء :

_ هو ايه اللي يعر ده الاسدال لسه جديد على فكرة .

_ هو زكريا شافك بالاسدال ده ؟؟؟

كان سؤال ماسة لهدف ما لم تلاحظه فاطمة وهي تمسك طرف الاسدال تحاول تذكر ما إذا كان زكريا رآها بهذا الاسدال ام لا وبعد تفكير طويل ابتسمت وهي تجيب :

_ لا مشفنيش بيه ...

ابتسمت ماسة وهي تتنهد براحة لكن كل ذلك انقلب وهي تسمع باقي جملة فاطمة التي هشمت كل راحتها تلك :

_ بس شافني قبل كده بالاسدال القديم كان معفن وعرة شوية على رأي شيماء

صمتت قليلا ثم أكملت وهي لا تستطيع امساك ضحكتها تتذكر ما حدث معها غير منتبه لماسة التي كاد قلبها يتوقف مما تسمعه من تلك البلهاء :

_ استني استني افتكرت ...في مرة شافني في الشارع وكنت لابسة جيبة قديمة اوي ليا وكانت واسعة جدا .

تحدثت شيماء بصدمة كبيرة :

_ تلاقي منظرك فيها وهي مهلهلة عليكِ كان زي الشحاتين

ودون أن تشعر فاطمة انطلقت ضحكة عالية منها وهي تهز رأسها نافية :

_ لا وقعت مني خالص في الشارع قدامه .

انهت كلمتها وهي تسقط على الفراش من الضحك تتذكر صراخ زكريا وكلمته المميزة التي يقولها عند كل مصيبة وكل مرة كان يقابلها ..لتخرج منها الكلمة بصوت عالي تقلد زكريا :