နိုင်းအရေးမစိုက်တာက ဦးမြတ်ပိုင်ရဲ့စကားတင်မဟုတ်ပါ၊နိုင်းအဖိုးဦးသော်ကစကားကအစ နိုင်းဂရုမစိုက်ခြင်းဘဲဖြစ်သည်။ပြောမနိုင်ဆိုမနိုင်နိုင်းကို ဦးသော်ကပြောစကားအတိုင်းပြန်ပြောခဲ့ပေမဲ့ မြူမှုန်တစ်မှုန်မျှပင်အရေးလုပ်မခံရတော့ ဦးမြတ်ပိုင်လည်း...........
"ဒီမြေးအဖိုးတွေနဲ့ငါလည်းကြာရင်ရူးမှာဘဲ"ဟုသာစိတ်ပျက်စွာငြီးတွားပြီးနိုင်းနောက်မှထပ်ကြပ်မခွာလိုက်လာခဲ့သည်။
"ဒါဘယ်ကပြန်လာတာလဲနိုင်းနတ်ဆေး"
ဦးသော်ကအမေးကိုနိုင်းမဖြေဘဲ အိမ်ကြီးရဲ့အပေါ်ထပ်သို့သာဆက်နေဆဲ..........
"ကြာလေကြာလေ မင်းအမေရဲ့အချိုးတွေနဲ့တူလာလေဘဲ"
ထိုစကားတစ်ခွန်းကြောင့် နိုင်းခြေလှမ်းများရပ်တန့်သွားခဲ့သည်။နောက်ပြန်လှည့်ကြည့်တဲ့နိုင်း ဦးသော်ကရှိရာသို့ပြန်ဆင်းမလာဘဲလှေကားပေါ်မှာဘဲရပ်ကာ သူပြုံးနေကျခနဲ့တဲ့တဲ့အပြုံးတစ်ချို့နဲ့အတူ............
"အမေနဲ့တူတော့.......ကျွန်တော်ကံကောင်းတာပေါ့၊ကျန်တဲ့လူတွေရဲ့အကျင့်နဲ့တူနေရင် အဖိုးလိုဘဲယုတ်မာတက်နေဦးမှာ"
ချွမ်း......
"မင်း"
ဒေါသဖြင့်ကြွေပြားပေါ်မှာစောင့်ချလိုက်တဲ့ဦးသော်ကတုတ်ကောက်ကတော့ နိုင်းနဲ့ဦးသော်ကကြားဓားစာခံဖြစ်၍အထိနာရပြန်သည်။တော်ဝင်မင်းလုပ်ငန်းစုရဲ့ဥက္ကဌဖြစ်တဲ့သူ့ကို လေးစားတဲ့သူသာရှိ၍နှုတ်ဖြင့်ပင်မစော်ကားရဲ၊မျက်စောင်းပင်တစ်ချက်မထိုးရဲလောက်အောင်အရှိန်အဝါကြီးသူပီပီ မြေးအရင်းဖြစ်သူနဲ့မှသာ ရင့်သီးတဲ့စကားတွေနဲ့စော်ကားခံနေရတဲ့ဦးသော်ကဖြေသိမ့်လို့မရတဲ့ဒေါသမီးများကို ရင်ဝယ်ပိုက်ထားသည့်ပမာပူလောင်ကာအခံရခက်စေသည်။
နိုင်းကတော့ကျေနပ်သည်၊ဦးသော်ကဒေါသထွက်နေလဲသူကတော့မမူ့ ဒေါသထွက်အောင်တမင်ရည်ရွယ်ပြောဆိုခြင်းလဲဖြစ်တာမို့ လှောင်ပြုံးပြုံးနေတဲ့သူ့အပြုံးတွေကအသက်ဝင်သည်။
"အရှိုက်ကိုထိသွားတာလား ဘယ်လိုခံစားရလဲ"
"နိုင်းနတ်ဆေး"
ESTÁS LEYENDO
My Lifeblood(complete)
Romance"အချစ်ဆိုတဲ့အရာက မင်းနဲ့တွေ့မှငါ့နှလုံးသားတစ်ခုလုံးစုံလုံးကမ်းစေတာ ပေလွှာ" နိုင်းနတ်ဆေး+ခမ်းပေလွှာ
My Lifeblood (Part 1)
Comenzar desde el principio