أساور مكسوره

البارت الاول

أحنا ألمـا لكينــا أنسان كلش مستعــز بينـه 💔.

العراق _ كركوك سنة ٢٠٢٠ الساعه ٤ العصر

اسرار : عمه ريهام هسه شنسوي
ريهام : والله ما ادري خليهه على الله

اسرار : عجل انتي خما تضلين بهالحاله
ريهام : هذا الي الله كاتبه عليه والي مكتوب ع الجبين لازم تشوفه العين

دعاء : عمه اني لو بدالج اعوفهم هو ومرتو واخذ بناتي وأشرد

ريهام : اي تا بعدين يعيرون قيس اختك شردت من بيت زوجهه

دعاء : هفف عجل شنسوي والله حيره
ريهام : خليهه على ربج هو يحلهه

قطع حديثنه البنات من اجن عهد و زهره ونور ورزان من بره جانن بالمحل يشترن
رزان : ماما تعاي شوفي نور ما خلتني اشتري موطه

ريهام : لا مو زينه على بلاعيمج الموطه بارده
كامت تبجي رزان وتصيح : والله معليه اريد موطه

ريهام : يا امي مو زينه الموطه اسكتي هسه يجي خالج قيس تعرفين شيسوي بيج
اسكت بيهه اريدهه تسكت ماكو قفلت اله موطه

دخلت سعاد(مرت قيس اخويه): شبيهه رزان ليش هيج مبجينهه

ريهام : تريد تشتري موطه وهي قبل كم يوم التهبت بلاعيمهه وعقيل ما قبل ينطيني فلوس اجيبلهه علاج تريدين ينعاد بيه نفس الموقف

سعاد : لا طبعآ وبعدين تعالي كوليلي هذا شجاه هيج على بناتو تخبل خما تخبل

ريهام : شسويلو ما اكدر احجي وياه

سعاد : كومي نروح نصلي لان اذن ونكعد يم قيس بالهول وربج يسهلهه

ريهام : ماشي جايه بس ابدل دشداشتي واصلي

راحت واني كمت بدلت دشداشتي ورحت توضيت وصليت همزين رزان سكتت وراحت تلعب ويه البنات بره

طلعت عليهم لكيتهم كلهم ملتمين كاعدين يشربون جاي كعدت يمهم انطتني اسرار كوب جاي شربتو وكعدنه نحجي وقيس عينو ع التلفزيون يدحگ اخبار

شويه وكمنه فتنه للغرفه تا ما نزعج قيس لان هو يضوج من الحجي الچثير كعدن يمي اسرار ودعاء وبديت احجيلهن عن هذني ايامي الراحت لان اني متعوده كلما اجي احجيلهن كلشي يصير وياي بنص الحجي وكالت دعاء
دعاء : عمه تحبين عقيل

ريهام : گبل جنت احبو اموت عليه وهسه أي مشاعر ماكو لا كره ولا حب

اسرار : الله يساعدج ويصبرج ياربي
ريهام : امين

وضلينه نحجي ما حسينه اله صار المغرب كامت اسرار تسوي عشه ودعاء اخذت الموبايل وراحت تقرأ قصص بالواتباد كلما تقرأ قصه تجي عليه تحجيلي ههههه

رحت يم اسرار بالمطبخ لكيتهه حايره شتسوي عشه كتلهه

ريهام : تعاي اني وياج نسوي بيذنجان محشي بلحم وتمن وزلاطه