الاثنان يحبونها

الاثنان يحبونها الثالثه

الاثنان يحبونها
الحلقه3
انقضت الثلاث سنوات علي هذا المنوال واحمد يجتهد في دراسته لينهي تعليمه ويتزوج وهكذا سلسبيل ايهاب دخل طب مع ابن عمته الكبير
اما وليد فهو ف تالته ثانوي وبن عم ايناس وبنت عمتها مروه هكذا
اما ايناس وبنت عمها سماح فهي ف اولي ثانوي ولكن بنت عمتها قصيره ومليانه اما ايناس رفيعه وطويله مثل اخواتها وهي برنزيه البشره وشعرها كستناءي طويل اسفل ظهرها وناعم لون بشرتها تمام
اما بنت عمتها بيضاء اموره شعرها اسود ناعم نصف ظهرها ولكنهم جميعا محجبات

بدا احمد في ترتيبات الفرح وياخذ زوجته الي الشقه لانهاء النشطيبات فقد كتب الكتاب والزواج بعد شهر
احمد:ايه رايك ف الشقه
سلسبيل :ياه يااحمد اخيرا خلصت
فين من 3 سنين لما كانت تراب
احمد:بس ايه رايك لما خلصت
سلسبيل:لا انبهرت
حقيقي بهرتني
احمد:عشان تعرفي بس قدرات جوزك كان المفروض ابقي مهندس ديكور والله بس ربنا كرمني وبقيت دكتور
سلسبيل :واحلي واجمل دكتور ف الدنيا
احمد:لا كده كتير عليا والله مش هستحمل انا كده
سلسبيل :مش حبيبي يبقي لازم تبقي اجمل واحسن واحد ف الدنيا
احمد:يلا يابت انا مش حملك خلينا صامدين الشهر ده
المهم في اي حاجه ناقصه ف الشقه قبل ماننقل العفش
لان لارجعه بعد نقله مش هدخل عمال بعد العفش
سلسبيل :لا تمام خلاص مش محتاجه
احمد:اوك يلا بينا
وفعلا بداو بتجهيزات الفرح
وتم الزواج وكانت العروسه والعريس من اجمل مايكون وايضا ايناس اخته كانت متالقه ومن اجمل البنات شياكه وجمال
وايهاب ارتدي بدله وايضا اخواتها واحد مع ايهاب ف تانيه طب والتاني ف رابعه صيدله وهم ايضا طوال جدا هم عيلتين فارعين الصراحه ماجمع الا اما وفق

واخذ العريس عروسه التي طالما انتظر هذا اليوم
وقد انهكوه اصدقاءه ف الرقص
مش عارفه ايه الحكمه يطلعو عين العريس ف الرقص لما يهدو حيله يروح لعروسته يقولها اشوفك.بكره ههههه
المهم اخد عروسته لشقتهم التي اصبحت تحفه جماليه وبداو حياتهم
وكانت هذه الشقه مجاوره لشقه امه فهي تبعد بضعه شوارع واحيانا ايناس تذهب عندهم تتسلي مع زوجته لان احمد يرجع متاخرا من عمله
اما زوجته فهي حامل فلا تجهد نفسها ف العمل كثيرا مثله ولا تقوي ع السهر فاحيانا ايناس كانت تنتظر اخيها توضب له العشا ف الايام التي يتاخر فيها جدا لان زوجته الحمل تاعبها فتطلب ذلك من ايناس التي تسهر  امام التلفاز او ع النت
وفي يوم قدم محمد طالب صيدله اخو سلسبيل
وكانت ايناس هناك لان اخوها ياتي متاخرا هذا اليوم
وعزمت سلسبيل علي اخيها ان يبات ليذهب باكرا للكليه اقرب  فهي مجاوره لشقتها اما اخيها بيتهم ف الجيزه وليس القاهره فبعيد عن الكليه
وفعلا وافق
ايناس كانت تستعد لتتفرج علي فيلم
فجاءت سلسبيل ومحمد
فقامت ايناس انا  هعمل فشار مين هياكل معايا عشان اتفرج ع الفيلم بمزاج
فايناس فتاه مرحه وتبدو في حركاتها عفويه تميل للهبل والعبط احيانا
وفعلا عملت الفشار ودخلت لقت سلسبيل نامت علي نفسها كعادتها الحمل هادد حيلها ياكبد.امها
ايناس :انتي نمتي امال مين هياكل الفشار ده كله كده هنفجر
محمد:ماتخافيش هاكله معاكي انتي مش عامله حسابي
وفعلا نامت سلسبيل ف حجرتها ووصت ايناس تعمل العشا لاحمد لما يرجع
وجلست ايناس ومحمد ياكلون الفشار ويتفرجون علي الفيلم
وتاتي لقطات يعنف فيها البطل البطله رغم انها تحبه فتبكي
وتبكي ايناس علي بكاءها فهي عاطفيه كمعظم بنات حوا 
زيي كده اللقطه اشوفها 10 مرات وكل مره اعيط بردو غاويين نكد يقولو للنكد قوم وانا اقعد مطرحك
المهم لاحط محمد بكاؤها
محمد:ايناس دا تمثيل ياماما مش حقيقي
ايناس:عارفه بس ليه يعمل فيها كده ويعيطها مع انها بتحبه
محمد نظر اليها
ماهو مش حقيقي والله دا ناس بتمثل علينا
ايناس :عارفه انه تمثيل بس مش قادره اتحمل فكره انه يبقي واقع
فلم يحتمل محمد بكاؤها يظهر انه عاتشفي هو راخر
واقترب منها يمسح دموعها
فقامت منتوره
انت بتعمل ايه ازاي تعمل كده
محمد:انا اسف والله ماقصدتش حاجه معرفش ايه حصلي بس ماستحملتش اشوف دموعك
والله اول مره يحصل معايا  كده انتي عرفاني وعارفه اخلاقي لينتشلهم من الشجار صوت فتح الباب
فقد قدم احمد
ايه ده محمد عندنا يا مرحبا يامرحبا واحتضنه
والله انا مقصرمعاكو وازي بابا وماما
بس انت شايف طالع عين اللي جابوني ف الشغل
وبرجع اخر الليل
محمد:كان الله ف العون اكيد عازرينك وعارفين طبعا ربنا يعينك ويقويك

احمد: مراتي نامت بردو
محمد:اه دخلت من شويه
احمد:حضري العشا يا انوس علي مااخد شاورواغير
واخد هدومه الحمام ودخل ياخد شاور وايناس دخلت المطبخ تحضر الطعام
فدخل محمد وجدها لا تستطيع الوصول لاشياء من فوق ف دولاب المطبخ رغم طولها ولكنه اطول منها فجاء من وراءها واحضره لها
رغم انك طويله لكن بردو محتاجه مساعدتي
ايناس تبعده عنها انت لو اخر واحد ف الدنيا مش محتاجه مساعدتك انا ممكن اطوله بكرسي علي فكره

محمد:ايناس ارجوكي سامحيني والله ماكان قصدي انا معرفش عملت كده ازاي بس اول اما شوفت دموعك كنت عاوز اخدك ف حضني واهديكي
ايناس:وانا مش محتاجه حضنك  ده ولو اخر راجل ف الدنيا من المستحيل  اني احتاجه
محمد :بابتسامه
مش يمكن ماتلاقيش الا الحضن ده
ايناس بنرفزه عشم ابليس ف الجنه قلتلك لو اخر راجل
فاحسو ان احمد خرج
احمد بتعملو ايه
محمد:ماسك كوب ف يده
بساعدها هحطلك مايه وعصير
ايناس:قلتله مش محتاجه مساعده بس مافيش فايده
احمد:طب هاتي العشا علي مااسرح شعري
محمد بعد ان خرج احمد
مسيرك تحتاجي مساعدتي
ايناس :دا لو اخر يوم ف عمري
لو فيها حياتي مش هطلب مساعدتك انت بالذات