𝐓𝐡𝐞 𝐀𝐫𝐭𝐢𝐬𝐭 [ᴄᴏᴍᴘʟᴇᴛᴇᴅ]

အပိုင်း ၈

"မင်းမသင်ပေးချင်လည်းရတယ် ချီရင် ... တခြားက မင်းထက်တော်တဲ့သူတွေ ငါတို့ငှါးလိုက်မယ် ... အခုက မင်းကိုပါ အရာရောက်စေချင်လို့ ပြောကြည့်တာပါ ... "

"ဝမ် ဘယ်မှာလဲ "

      သူ ခုံပေါ်ကထပြီး အင်္ကျီရဲ့ အစွန်းနှစ်ဖက်ကို ဆွဲဖြန့်နေတုန်း ချီရင့်ဆီမှ ထွက်လာသည့် အသံကြောင့် သူ့လှုပ်ရှားမှုတွေရပ်တန့်သွားသည်။ ရိပေါ်ထွက်သွားပြီး နှစ်လလောက်အထိ ချီရင်ဟာ ရိပေါ်ကို မေးနေခဲ့သော်လည်း ကျန်တဲ့ရက်တွေမှာ မမေးတော့၍ မေ့သွားပြီဟု သူထင်ခဲ့၏။ အခုရိပေါ်ပြန်လာသည့် အချိန်မှ ရုတ်တရက် ပြန်မေးလာတာကြောင့် သူအနည်းငယ် ထိန့်လန့်မိတာကတော့ အမှန်ပင်။

"ဝမ့်ကိုတွေ့ခဲ့တယ်"

"ဘယ်မှာလဲ ... "

"ဘယ်မှာဖြစ်ဖြစ်လေ ... ဝမ့်ကို ခင်ဗျားဖွက်ထားတယ်ထင်နေတာ တကယ်တော့မဟုတ်ဘူးပဲ ... ဘာလဲ ခင်ဗျားက ဝမ့်ကို စားပြီး စွန့်ပစ်ခဲ့တာလား ... "

         ချီရင်ပြောနေသည့် စကားတွေကို သူနားမလည်၍ မျက်ခုံးပင့်ကာ ပြန်ကြည့်လိုက်သည် ။ အခုတလော ညဉ့်နက်မှပြန်လာတတ်သည့် ရိပေါ်လေးကိုလည်း သူမတားနိုင်သဖြင့် ပိုလို့ပင် စိုးရိမ်ရပါသည်။

"ဘယ်မှာတွေ့ခဲ့တာလဲ"

"ဘယ်မှာဖြစ်ဖြစ်ပေါ့ ... အခုတော့မပြောသေးဘူး နောက်မှ ကျွန်တော့်ချစ်သူအဖြစ် ခေါ်လာပြီးပြမယ်လေ"

     သူနဲ့ ရိပေါ် ပတ်သက်မှုကို မသိဘဲ ထင်ရာတွေ စွတ်ပြောကာ အခန်းထဲက ထွက်သွားသည့် ချီရင့်ကို ကြည့်ရင်း ရှောင်းကျန့် သက်ပြင်းချမိ၏။ ချီရင်က ရိပေါ်သူ့အနားမှာ ပြန်ရောက်နေတာလည်း သိပုံမပေါ်... ။ ဘာပဲဖြစ်ဖြစ် ရိပေါ်ကို ဒီထက်ပိုပြီး ထိန်းချုပ်ရတော့မည် ...။

"ဒေါက် ဒေါက် "

"ဝင်ခဲ့ပါ"

     ချီရင်ထွက်သွားသွားချင်း သူဌေးလျိုဟာ အခန်းတံခါးခေါက်သံနဲ့ အတူ သူ့ရုံးခန်းထဲ ဝင်လာ၏။ သူဌေးလျိုက အရေးတကြီးပြောစရာမရှိရင် သူ့ရုံးခန်းအထိမလာတတ်....။ အခုရောက်လာသည်မှာလည်း အရေးကြီးကိစ္စတစ်ခုခုကြောင့်သာ ဖြစ်ပါလိမ့်မည်။