"သူ့မားသားကြီးက ဘာအထာလဲကွ"
"အနော်ရထာလေ"
"မင်းဘိုးအေအနော်ရထာလား ငါမေးတာ.. ငါတို့နဲ့ပေါင်းတာမကြိုက်လို့လား"
အောင်ကျော်နှင့်စက်ဘီးချင်းယှဉ်နင်းလာရင်း အလိုမကျစွာသူမေးမိသောစကားသံ..။ အမေဘဲဖြစ်ပါစေဦး.. ဒီလောက်လေပြေ့အပေါ်အထပ်စီးဆန်နေပုံကို သူသဘောမကျ ပြီးတော့ လေပြေ့ကိုကြည့်သော နူးညံ့မနေတဲ့မျက်၀န်းတွေ..။
"ဘယ်ကသာ.. သူ့မားသားကြီးကတယူသန်ကွ၊ ရှေးရိုးဆန်တယ်ဆိုပါတော့"
အအေးဆိုင်ခဏ၀င်ထိုင်ကြဦးမှာမို့ အအေးဆိုင်ရှေ့တွင် စက်ဘီးဒေါက်ကိုယ်စီထောက်ကာ၀င်ထိုင်လိုက်ကြ၏။ တနင်္ဂနွေညနေဟာ ဆည်းဆာရောင်ပက်ဖြန်းတာမို့ ၀င်းဝါလို့နေခဲ့သည်။
"ပြောစမ်းပါဦး"
"အအေးမှာပါရစေဦးဟ! လိမ္မော်ရည်တစ်ခွက်အန်တီ"
"...
"သူတို့မိသားစုမှာကွာ သူ့အဖေကအစိုးရ၀န်ထမ်းကွာ၊ ရာထူးခပ်မြင့်မြင့်ထဲကဆိုပါတော့။ အဲ့.. သူ့အကိုလက်ထပ်ထိ သောက်ရမ်းချမ်းသာတယ်ပေါ့ကွာ။ ကံဆိုးချင်တော့ လေပြေမွေးမှစီးပွားရေးကချွတ်ခြုံကျတာ ဒီအခြေအနေထိဖြစ်သွားတယ်ဆိုပါတော့"
"အဲ့တော့"
"အဲ့တော့ဘွားတော်က လေပြေ့ကို ဂြိုဟ်ကောင်လေးလို့ကင်ပွန်းတပ်ရင်း မုန်းတာပေါ့ကွာ.. ပြီးတော့ လေပြေမွေးပြီးသိပ်မကြာခင်မှာဘဲ သူ့အဖေမှာရောဂါဖြစ်လာလို့ အသက်မပြည့်ဘဲပင်စင်ယူလိုက်ရတယ် ဆိုလား"
"ကျစ်! ဒါကံကြမ္မာဘဲ"
"အေးလေ.. ဒါကိုငါတို့လူငယ်တွေကနားလည်တယ်လေ. လူကြီးတွေကနားမလည်တာ"
"ဒါတွေ မင်းဘယ်လိုသိတာလဲ"
"ဘုန်းခန့်ပြောတာလေ.. သူတို့ကငယ်သူငယ်ချင်းတွေတဲ့"
"အော်..
ခွန်ပြည့်ကခေါင်းညိတ်ရင်း ရေခဲရေတစ်ခွက်ကိုပင် ခပ်ငေးငေးသောက်နေ၏။ မျက်လုံးထဲမှာ လေပြေရဲ့သိမ်ငယ်ပုံလေးတွေကိုတခုချင်းပြန်မြင်ပြီး ရင်ထဲကမချိရသလို။ ဖိနပ်စုတ်.. လွယ်အိတ်ပေါက် သူ့အမေကလွန်လွန်းတယ်လို့တွေးရင်း သူစိတ်ပျက်နေမိသည်။
YOU ARE READING
မောင့်လေပြေ (Completed)
Romantikusကျောင်းစိမ်းဘဝကနေ အရွယ်ရောက်လာတဲ့အထိ ပြဿနာတွေကြားထဲကနေ မြဲမြဲမြံမြံချစ်သွားကြတဲ့ကောင်လေးနှစ်ယောက်ကြားက နွေးထွေးတဲ့ရပ်ဝန်းငယ်လေးအကြောင်း... ပြီးတော့ ထားရာနေ၊ စေရာသွားပြီး သိပ်ချစ်တတ်တဲ့ ဒုတိယလူကောင်လေးရဲ့တဖက်သတ်အချစ်တွေအကြောင်းပေါ့ 🤍 #Unicode ေက်ာင္...
အပိုင်း(၆)
Start from the beginning