نظرت رجاء لها بحزن فقاطعها رفعت قائلاً بود.
"أصل سلمى النهارده خرجت للجامعه بدرى ، أخر يوم أمتحانات بقا وكدا ، وحماصه نايم لسه"
أومأت بتفهم وعادت لتنظر إلى رجاء بقلق من تعابيرها العابسه فور ذكرها لأسم أبنتها ، تنهد هادى وقال بتعب.
"طيب يا جماعه هنطلع أحنا نرتاح فوق شويه ، يلا يا نور"
قاطعته والدته بسؤالها.
"مش هتفطروا يبنى؟ ، ده أنتوا تلاقيكوا واقعين من الجوع"
أمسك بكف زوجته لتقف بجانبه وأجابها بإمتنان.
"لا يا حبيبتى تسلمى فطرنا على الطريق ، عن أذنكوا بقا"
أخذها ليرحلا للأعلى فقال رفعت لزوجته بعتاب.
"كويس أنى لحقتك قبل ما تقوليلها إن بنتك متخانقه مع خطيبها ، أنتى عايزانى أندم أنى قولتلك يعنى"
نظرت للأسفل بعبوس وأجابت بنبره منخفضه.
"مكنش قصدى يا رفعت ، بس قلبى واجعنى على سلمى ، دى يا حبه عينى ملحقتش تفرح بالخطوبه"
تنهد رفعت وهو يستغفر ربه وتحدث بنبره حنونه.
"سلمى معدتش صغيره يا رجاء ، وتقدر تحل مشاكلها لوحدها ، سيبيها تعتمد على نفسها وهما هيتصالحوا أكيد ، بس أنتى أمسكى لسانك شويه ، عشان بنتك لو عرفت أنى قولتلك أو قولت لحد هتزعل منى"
أومأت له بطاعه ومازال قلبها يرق على إبنتها المسكينه.
YOU ARE READING
شَتَّان ما بينَنَا (مكتملة)
Romanceمختلفان هو أقل ما يقال عنهما .. تكافح هى لتواجه مصاعب الحياه ، بينما هو يعيش برخاء وراحه بال. شتان بين الإثنان ، كالفرق بين السماء والأرض ، فهى قريبه كالأرض وهو بعيد بعد السماء عنها ، ألقتها الصدفه بطريقه ، لتكون طوق النجاه له من جده وعائلته. هى حنف...
الفصل الواحد والعشرون : علاقات متوتره
Start from the beginning
