أنا وجهامة الشيخ

البارت الرابع

..يمممة ترحين تعلمين هاي لبلوة جبتيها وبليتيني بيها لا أقسم بالله لعظيم نهايتها ع أيدي دكافييي بتليت ع روحي سمعت كلامج وزوجت

...عفت امي الي ضلت صافنه

طلعت من لبيت وأني أفور من لعصبية صعدت بسيارتي ورحت كعدت ع شط لعرب دخنت جكاير شوي ورجعت صعدت بسيارة شفت نفسي دايخ شتريت بطلين ماي بارد بللت روحي بيهن شوية صحيت..

نبأ:اوووف موتني بي شكد نذل  ..

خليت ايدي على الارض ورفعت نفسي كمت بس أني دايخة ومسطورة سطر من ورى الوگعة وخشمي تأذة كمت أمشي وأني ألزم ب لحايط

دخلت خالتي من شافتني هيج ضلت تدعي عليه رحت للحمام رفعت وجهي وشفت وجهي ب لمريا ضليت أبجي ع حالي..

أذكر مرة ماما ضلت تحجي علية وسمعها بابا لعب بيها لعب وأني هسا أتعنف وأنهان ومحد أله دخل ..

بكف ايدي رفعت المي  غسلت وجهي وضليت أبجي واعض شفتي السفليه بقهر ضليت ضاغطه عليها .

ام حسين...اصبري يمه ايام وتتعودون على بعض وراح اروح اجيب ثلج خلي على خشمج على لا يورم

نبأ:راحت وأني رحت كعدت على جرباية أجت جابت ثلج وضلت تخلي ع خشمي حسيتة حرگة حجيت بوجع. خالة كافي ولله جاي يحرگ وما تحمل...

أم حسين:أي يمة غير حتى يخف لورم من شگول عليك يا حسين عمنك هيج سويت بت ناس لله لا يوفقك يا حقير

نبأ:من شفت خالتي شلون تدعي عليه حسيتها من صدك مقهورة عليه وكأنما وحدة من بناتها ولا جني جنتها وصارلي بس يوم واحد وياها
تمددت ع جرباية وتغطيت حسيت ببرودة بعضامي كعدت خالتي يمي ضلت تقرة علية أيات لحد ما نمت وأني مادري بروحي

حسين:رجعت تقريباً لساعة ب 1 بليل دخلت للغرفة شفتها هدوء وظلمة وبس ضوة تيبلام مشغلة.

. شفت نبأ نايمة ع جرباية حطيت أيدي على راسها لزمت وجها بيدي حسيت كل البرائة ملتمة بوجها تنفست بعمق و عضيت شفتي سفلية بقهر كلت. كلة من وراها هي ليش تكسر كلمتي وتحجي وياهن أني حذرتها وهي ما سمعت كلمتي تستاهل وتستحق كلشي صار وياها من سببها احاول ابرر لنفسي انتبهت للعلاليك الي بيدي جنت جايب وياي عشة كعدتها فتحت عيونها ذبلانه باوعتلي محجت شي كعدت ونتجت ع تاج جرباية رفعت خصل شعرها وخلتهن ورى اذنها ..

حسين:حبيت أكسر لهدوء لعام ع لغرفة وكتلها

..جوعانة ؟..

هزت راسها بنفي ..

حسين:تنهد بضيق واردف بهدوء ..سمعي نبأ أني كلش أضوج من الي يخالفون كلامي أني من ليوم لي صرت بي ضابط ولحد هذا ليوم وأني رائد كلش أضوج من ألي يخالفون كلامي أنتي مرتي وجان لمفروض سمعين كلمتي ومتخالفيني أني مو كتلج لو يدوسن بطنج لا تحاجيهن ليش تحجين وياهن ؟؟..