أنا وجهامة الشيخ

البارت الرابع

انثى 💜 ملائكيه

أنا وجهامة الشيخ

.
.
.

نبأ:اني من نزلت شفت لماعين مال عشيرة كاملة كلت هذني شيغسلهن وخطية لخدامة وحدها تشتغل مبين تعبت گلت خليني أساعدها وخالتي من شافتني اجتي ..

ام حسين.. يمه كعدي شيكولون عليج من صباحية عرسج گايمة تغسلين ماعين ..

نبأ..ابتسمت ورديت...  لا خالة عادي خطية لخدامة تغسلهن وحدها تتعب... واگفة تجادل وياي علمود ألمواعين ودخل حسين باوعتلة وخزرتة حزت بالي لقطة من تقربت يمة وفتحت دكم لدشداشة ..

وصار لي صار كملت وي لخدامة غسل لمواعين وهاي أيلاف و أختها شهد موتني كلساع وبثن سمهن عليه وعلى مسامع الكل

.. وكالن ياا عود هي نادرة وتنظف عود شوفوني شلون اشتغل وبعدني عروس ..

..بس قبل لا أخلص مواعين شهد اجتي بصفي عوجت حلگها وكالت

شهد:أنتي هي أم لجامعة أم لولد بلا كوليلي جم ولد جنتي مصاحبة بجامعة ..

نبأ:حجت هواية كلام وتجاهلتها بس من حجت ع تربيتي هنا ماكدر أجاهلها باوعتلها بطرف عيني و كتلها بحدا ...

كلمن يرى لناس بعين طبعة ولربتني مو نفسها لربتج ..

شهد:بصوت عالي وحدا ....شقصدج أمي ماعرفت تربيني..

نبأ:ولله كلامج هنا ينطبق ع تربيتج وأخلاقج ب البيت ..

شهد:هاا ولله عود صدك تحجين بسيطة يل س*** بس يجي حسين ألة أكلة عليج واخلي يطيح حظج..

نبأ:سكتت عنها أحس عقليتها عقلية جهال مو مال أجادلها واكبر راسها ..

خلصنة شغل البيت أني والخدامة.

. وخالتي خلصتها تحجي علية لأن أشتغل وأول يوم زواجي كتلها..

.. خالة متفرق عادي ..

الناس كولها راحت بس ام أيلاف مقبلت تروح كالت يجي حسين ويوصلنة كتلها بگلبي مو حسين لشوفير مالتج ..

شوية وأجه بس أجه طفرتلة أيلاف كالتلة

ايلاف.. بإلحاح... نريدك توصلنة ..

هوا ما كال شي أخذهم وطلع.

.................  

حسين:جنت كاعد بديوان وي أبوي واحجي وأسولف وي أولاد عمي صار لمغرب وكلمن راح ألبيتا خلصو شغل رحت دخلت جوى تلكتني أيلاف كالت أريدك توصلنة كتلها.. تدللون ..صعدت شهد وأجت أيلاف صعدت كدام وامها ومنال وشهد وجود صعدن ورى وأني دأمشي بطريق كالت شهد

شهد:عيني شدعوة عليها مرتك هيجي طلعتنا لا خلقة ولا أخلاق هي هاي اخلاق مرتك ..

حسين:رفعت تك حاجب وكتلها ... شبيها مرتي شنو سوت ...