اسيرة قدرك

البارت الاخير

-مو يكولون من تشوف مصاب غيرك تهون
مصيبتك اني هيج صار حالي نسيت قهري
نسيت كل شيء وانكسر ظهري بوكعة امي الي حالتها يوم عن يوم تزيد..

-اجه خالو علينه كال حضروها اكو سادة بالكوت بلكت نوكع على مرضها اخذوها باتو ليلة كاملة هناك ثاني يوم رجعوا بس كلهم اعصاب وما
يتحاجون وعبالك صاير شيء اخويه ركض على مرته كسرها تكسر اول مرة يضربها طول عمره خاتم بيدها سألناهم شكو؟!..

-بابا حجه بقهر.. مسويلها عمل على عقلها يردن يخبلنها ال**** لا بارك الله بيجن ملاويات
ابليس بالشر..

-اخوي راح على مرته الظاهر شاك بيها
هددها اذا ما تعترف بكل شيء يطلكها هي
كامت تبجي وتحجي.. مو اني سويته هاي تمارة السوت العمل واني بس انطتني بطل المي اشربها منه واغسل وجها كالت لازم تخرعيها علمود يشتغل العمل يدخل جسمها ويصير العمل..

-لطمت على وجهي كلنا مصدومين وين وصلت تمارة الدرجة تخبل امها هنا اهلي كالوا لايمكن تكون تمارة طبيعية اكيد عدها مرض نفسي يجرفها لهل حقد والتصرفات العدوانية صح هي كل شيء يطلع منها بس ما
توقعنا انو هيج تاذي ماما واحنا ايام نبجي
على حالها وشلون ذبلت..

-بابا وخوالي كالوا هسه عوفوها وبعدين نحاسبها وحذرونا نتواصل وياها تبقى حالها حال الجلب فترة واحنه نأدبها بس ترد عافية امكم..

-فارس يركع روحه ويشيلها من الأعصاب صاح
.. شتحجون انتم هو ما طيح حضها غير عوفوها
هاي ما لاكيه من الي يادبها شلون نعوفها اكتلها واخلص الناس من مصايبها الا هيج يلا يبرد كلبي..

-وعمر ضل يحجي ويصيح على بابا يريد يروحلها يخلص عليها بس عرفت خوالي هيج سووا لان يخافون على اخواني لا يروح واحد يلطخ ايده بدمها النكس اما مرت اخويه طردوها وطلبوا من اخويه يبني مطبخ فوك ويعزل لان مرتك مانريد نشوف وجها جوه دربها خطر هي وذيج..

-يوم عن يوم حالة ماما بدت تتحسن
وحمدنا الله الي رجع صحتها الله لا ينطي تمارة ومرت اخوي الي اذنها..

-وره اسبوعين تقريبا دخلت مرت اخويه عليه ترجف وجها اصفر.. شكو ليش اجيتي مو كلنا ما نريد نشوف وجهح..

-حجت بتوسل.. ريا تورطت شلون بيه
ولج ورطة لو يدري اخوج يطلكني ويذبحني..

-شمسويه من مصيبة جديدة حجيت هيج وهي كامت تبجي.. اتعرفت على وحدة ام مركز تجميل قبل كم شهر و بقينا نسولف انطيتها رقمي حتى عنوان بيتكم تعرفه ثقيت بيها كتلها اريد اسوي تجميل لخشمي كالت دزيلي صورتج دزيتلها صورتي بدون حجاب وفاتحة شعري ودزيتلها صورة رجليه ردت اسوي تنحيف وهاي ظلت تقنعني افتح كام خلتني أمن بيها..

-بس ريا هاي ورطتني تدرين تكلي اخويه من شافج اتخبل عليج دخلتي كلبه ليش متكونين ويا علاقة واذا عجبج اطلكي وهو ياخذج ما اعرف بيها هيج ادبسز حضرتها من كل البرامج بقت ارقام اشكال دك عليه قبل يومين رفعت خط كال اني اخو ولاء وحبيت اتعرف عليج اذا تكدرين اطلعين يم الدكان اشوفج لان اني بمنطقتكم
ولج يحجي وعباله وحده من **** اخته
جسمي كله رجف بخوف غلطت عليه وسديته بس رجع اتصل بيه ويهدد واني مخبل اسويها واجي البيتكم افضحج اذا متحجين عدل مجاوبته بس خايفه ريا فدوه ساعديني ثقيت بيها علمود التحميل ما ادري بيها هيج تحجي وتبجي..