"خد أهو ده كل اللى معايا ، بس مش عايز أشوف وشك فى القهوه تانى ، أنت مرفود"
أخذ حماصه المال ليقبله ثم وضعه فى بنطاله وهو يتحدث بسخريه.
"اللى يسمعك يقول بترفدنى من البنك المركزى يا خى ، ده هى حته قهوه منتنه شبر فى شبر ونص ، متخلنيش أقول أنك كنت بتغسل الكوبايات بميه وسخه يا معفن"
ثم أستدار للحشد الذى اجتمع ليشاهدوا ما يحدث وقال بينما يصفق بيديه.
"يلا يا جدعان كل واحد يروح لحالوا العاركه أنفضت خلاص نردهلكم فى الخناقات إن شاء لله"
أمسكته حنفى من ياقته وهى تجره خلفها بغضب ، ثم ألقته على أرضيه المنزل وصرخت به.
"أنت أيه يلا ملكش كبير خلاص ، ماشي تلطش فى خلق الله وعملى فيها عبده موته"
وقف ليقوم بنفض ثيابه وهو يجيبها.
"أمال أسيب اللى رايح واللى جاى يشفط حقى ، هو اللى بدأ وشتمنى يبقى يستحمل بقا قله القيمه"
لكمته فى كتفه وهى تهمس بعتاب لكى لا تسمعهما والدتهم.
"يا حمار أنت حرام عليك أمك اللى كل يومين تشحتفها وراك كدا ، دى مبقتش حمل مصايبك دى ، أنا بحذرك يا حماصه ودينى لو شوفتك بتضرب حد تانى لهقل منك قدامو ، أنا أختك الكبيره ولازم تسمع كلامى"
نظر للأسفل بندم ثم قال معتذراً.
"خلاص يا حنفى أوعدك يسطا أن دى هتكون أخر خناقه ، بس أنت متزعلش منى "
![](https://img.wattpad.com/cover/284502324-288-k350742.jpg)
YOU ARE READING
شَتَّان ما بينَنَا (مكتملة)
Romanceمختلفان هو أقل ما يقال عنهما .. تكافح هى لتواجه مصاعب الحياه ، بينما هو يعيش برخاء وراحه بال. شتان بين الإثنان ، كالفرق بين السماء والأرض ، فهى قريبه كالأرض وهو بعيد بعد السماء عنها ، ألقتها الصدفه بطريقه ، لتكون طوق النجاه له من جده وعائلته. هى حنف...
الفصل الثانى : خبر صادم
Start from the beginning