နွေဦးမောင်က စွပ်ကျယ်လက်ပြတ်ဖြင့်သာနေရင်း ကြမ်းပြင်ပေါ်ရှိအထုပ်ကိုဖြည်ချလိုက်သည်။
အထက်တန်း စာစီစာကုံး၊ Essay,Letter စာအုပ်များနှင့် ပြင်ပရသစာအုပ်အဖြစ် တက္ကသိုလ်ဘုန်းနိုင်၏ စာအုပ်များကိုတွေ့လိုက်ရလေသည်။
"အထက်တန်းစာအုပ်တွေက မောင် စာသင်ပေးရတဲ့ကလေးတွေကိုပို့ရမှာ။ ဆရာ တက္ကသိုလ်ဘုန်းနိုင်စာအုပ်တွေကတော့ နရီ့အတွက်လေ။ နရီ သူ့စာအုပ်တွေကြိုက်တယ်လို့ပြောဖူးတယ်မလား၊ ဟိုးတုန်းကထွက်တဲ့ စာအုပ်တွေကို စာအုပ်ဆိုင်ကို ပြန်စုခိုင်းထားတာမို့ အခုမှရတာနဲ့ ဝင်ယူလိုက်တာလေ။"
ထို့နောက် ဘေးကအထုပ်ကို အသာရိုက်ပြကာ
"ဒါကတော့ သတင်းစာတွေ"
တစ်ချက်ကြည့်လိုက်ရုံနှင့် စုစုပေါင်း တန်ဖိုးက ထောင်ဂဏန်းကျော်နေပြီမို့ စောနရီမျက်နှာက သုန်မှုန်သွားသည်။
"စာအုပ်တွေအများကြီးဝယ်လာရလား။နောက်မှ ဖြည်းဖြည်းချင်း ကျွန်တော့်ဘာသာဝယ်လည်းရတာပဲကို။ အခုတော့ ဘယ်လောက်တောင်ကုန်ခဲ့လဲ။ ကျွန်တော်တစ်ဝက်ပြန်ပေးမယ်လေ"
နွေဦးမောင်က လက်ဖြန့်လိုက်ကာ
"ကောင်းပြီ ပေး။"
စောနရီသည် အိတ်ကပ်ထဲရှိ ရာတန်အကြွေရှိရှိသမျှအား နွေဦးမောင်လက်ပေါ်သို့ မငြူမစူ တင်ပေးလိုက်သည်။ သူ့မှာလည်းအထူးတလည်သုံးစရာမှမရှိဘဲ။ ကိုကုလားကြီးကလည်း လခအပြင် ကြားပေါက် အဖြစ် ပေးထားသည်များလည်းရှိသည်။
နွေဦးမောင်က ပိုက်ဆံအားလုံးကို ယူလိုက်ကာ ကြိုးတန်းပေါ်တင်ထားသည့် ရှပ်အင်္ကျီထဲက ပိုက်ဆံများကိုပါ နှိုက်ယူလိုက်သည်။ထို့နောက် ပိုက်ဆံများကိုအထပ်ထပ်စုက နရီ့အိတ်ထောင်ထဲသို့ ထည့်လိုက်တော့ နရီက သူ့ကို ကြောင်တောင်တောင်မော့ကြည့်လာလေသည်။
"မောင့်လို အသုံးကြမ်းတဲ့လူရဲ့ ဝင်ငွေကိုစိစစ်ပေးဖို့ ချွေတာတတ်တဲ့ နရီကပဲ ကြပ်မတ်ပေးမှရတော့မယ်။ မောင့် ပိုက်ဆံတွေကို ထိန်းသိမ်းပေးပါဦး"
နွေဦးမောင်သည် ပြောရင်းပင် သူတို့နှစ်ဦး၏အခြေအနေကို ခြုံငုံမိရင်းရယ်မိသွားတော့သည်။
မသိလျှင် အိမ်သူသက်ထားအား လင်ယောကျာ်းက ပိုက်ဆံအပ်သည့်နှယ်။ နရီ့ကို မိန်းကလေးအဖြစ်သဘောမထားဖူးသော်ငြား နရီကတော့ သေချာပေါက် သူ့ဝင်ငွေများကို ထိန်းသိမ်းပေးနိုင်သည့်လူဖြစ်လိမ့်မည်။
" မစနဲ့ဗျာ..."
YOU ARE READING
အဓိပတိလမ်းမထက်က မောင့်ခြေရာ{အဓိပတိလမ္းမထက္ကေမာင့္ေျခရာ}
Romanceကျွန်တော်လေ...သည်အဓိပတိလမ်းမကြီးကို သိပ်သဘောကျတယ်။အထူးသဖြင့် မောင့်ခြေဖမိုးလေးနဲ့တွဲမြင်ရတာကို ပိုသဘောကျတယ်။ စောနရီ... {ကၽြန္ေတာ္ေလ...သည္အဓိပတိလမ္းမႀကီးကို သိပ္သေဘာက်တယ္။အထူးသျဖင့္ ေမာင့္ေျခဖမိုးေလးနဲ႔တဲြျမင္ရတာကို ပိုသေဘာက်တယ္။ ေစာနရီ...} Start-30...
{၄၂}U/Z
Start from the beginning
