اسيرة قدرك

البارت 86

-كم يوم واسر التحق لان طلبوا وضل فكره يمنا
بقيت يم اهلي وكلما يخابرني يسمعني ابجي كلبي كمت اشكي منه بشكل صار يأذيني
رغم علاقتي مو قوية بعمر بس يبقى اخوي
ويبقون اهلي صعب اشوفهم بهذا الحال..

-باليل خابرني احجي ويا و ألوب جنت مخنوكه كلش متأذيه من كلبي صبرت روحي بس بعد
مكدرت الالم زاد ضليت اصرخ حتى الجهاز
ذبيته وهو فرفح خطيه.. لج ريا ابويه انتي
بس احجي شكو..

-ما اكدر اجاوبه اريد احجي ما اكدر نسد
الخط دقايق وصعد فارس مهبوط يفرك بكلبي
شبيج ريا شتحسين..

-اخذت علاج وهو خطية ما عافني هديت
شوي بس تعبت كلش اكره روحي من يأذيني
كلبي لان انتهي اختنك يصير الهوا حسرة عليه
اتصل اسر على فارس وهذا جاوبه كلبها
تعبان اسمعه كاله..

-خلي ترجع البيتها راح تموت من القهر هنا وينكم عنها مو مريضة..

-رفضت ارجع وين اروح وحدي وبالي يمهم فارس انطاني الجهاز حجه ويايه اسر.. ريا ارجعي حبيبتي مو راح اسوي مصيبة بالدوام واطلع مجاي ينطوني اجازه ولا اكدر انزل
ليش تخلين بالي يمج..

-طمن حبيبي والله شوي تعب وراح وهنا
اهلي يمي وين اروح هناك حجيت ويا كوه
طمنته خطية يلوب يريد يجي وما يخلونه ضل
يوصي بيه وسده..

-ارتاحيت ونزلت شوي واجت سرى علي جابها بس احسها مكسورة وتعبانه كلش.. شبيج حبيبتي ليش هيج وجهج الحلو رايح حجيتها وهاي
نزلت دمعتها..

-شحجي ريا طيح حضي علي اي يحبني بس
تعبت منه قاسي بشكل تخيلي حتى بالعلاقة
ما يرتاح الا يأذيني واخر شيء قدملي اجازه
بدون راتب ويكلي مو زين ما ابطلج
والتعب وسنين الدراسة كلها ضيعها..

-وهسه كلهم عليه بنته وجدها واخو تعبت
كلش وهاي بنته تسويلي مشاكل وتخبث عليه
لو تكلب علي عليه..

-ليش امها وين شعندها يمج حجيتها هي
حجت بقهر.. مرته مكتشفين عدها سرطان بمراحل متقدمة مسفريها اهلها لامريكا يعالجوها ماخذه ابنها وياها وبتها عافتها يمي ويم جدها..

-الله يشافيها ميخالف تحملي خطية طفلة ومقهورة على امها ما اريد الومج وانتي تعبانه بس
شكد حجيت وياج وما فاد..

-يحبني ريا واحبه بس طبعه قاسي ما يظهر حبه الا من يستوجب الأمر تعبت منهم تدرين
يكلي مفكر نعيش بالجنوب كتله ما اتأقلم هناك اني عشت عمري كله بغداد بس هو مصر
شلون بيه احجي..

-حضنتها.. الله يحلها حبيبتي عوفيها على
ربج ما دام تردينه تحملي الله يهدي عليج
منين نتلكاها من مصايب عمر من قهرج..