اسيرة قدرك

البارت 85

-صايره السان تراددين بس خلي بالج اذا بقيتي مترجعين بعد حجاها وانطاني ضهره يريد
يروح..

-قويت حالي عكس الخوف الي بداخلي منه
وحجيت.. الله وياك هو التفت عليه بسرعة حسيت بي يريد يخلص عليه من تعابيره
بس لازم نفسه لان هو وعدني ميمد ايده
قبل فترة بنفسه كال.. صاير اذا اشوف اصبع يوجعج اتخبل لا تعاندين لان ما اريد امد
ايدي عليج واتاذه اكثر منج..

-راد يحجي بعدها عافني وراح اني هم دخلت
جوه مليت مو هيج هاي مو حالة والله مقدره
حبه وغيرته بس هم الي حق اطلع اشوف
العالم حتى صرت انعزاليه وما اعرف احجي
ويا بشر..

-الجو هنا متوتر والكل مقهورين على خالي
ومحد جان متوقع من ابن اخته هيج يسوي
بي ويطعنه هيج طعنه بقيت يمهم ونتصل
نتطمن عليه..

-يومين بقيت لان اسر ما اجه عليه باليوم
الثاني دك جاوبته بخوف .. هلا حبيبي..

-هو ضحك.. حبيبج مو ادبسز عايفتني وحدي
وهسه جايه حبيبي فد لوتيه المهم جاي بالطريق حضري نفسج..

-خالج طلعوا؟!..

-قبل شويه طلع حجيتها وهذا عاط بيه..ريا حجابج اذا شفت شعره اموتج..

-اكيد شبيك هذا الحجاب على راسي
حجيتها هو كال..اعرفج تربيتي وسده..

-هزيت ايدي خوش والله يكسر ويجبر وره
ساعة اجه اتحمد الخالو بالسلامة وسلم على ماما
ما خلوا يطلع الا نتعشه تعشينا ورجعنا سرى رجعت ويانا الطريق طويل ومتعب كلش
وصلت ردت بس انام هو ما قبل لازم
اكابله واعوضه هاليومين الي غبت بيهن عنا..

-فتح ايده وارتميت بحضنه يبوس ويحضن
بكل لهفه لحظات ضعت ويه حنيته لما ابتعد
يلا نمت من التعب..

-مشت الايام خالو طلب رد اعتبار لكرامته
وسووا كعدة ابن خالتي كسروا من العشيرة وحرموا عليه طبت البيت صار منبوذ من الكل حتى خالتي كالتله.. لا اعرفك ولا تعرفني
ابني الي يكسر خاله بهيج عمله عساني لا جبته..

-رغم جان الموقف صعب على خالتي وانو
هذا ابنه بس جانت منهارة لان هيج نزل راسها بحيث طردته وضلت تتعذر من خالي..

-خالو جمع اخوته والكبار من العشيرة
و راحو الشيخ عشيرة مرته فضحها كسر سمعتها والسبب منها لان الخبر طش و الكل دره من كرابتنا صار الكلام على خالي رشق يتشمتون بي متحمل تالي فضحها كال اريد اشوفها شلون
بعد تفكر تزوج باجر عكبه هي بعدها شابة حلوة هسه بعد محد يتقربلها المثلها لازم تتعاقب
وتصير عبرة لغيرها المرة الما صانت رجالها ما تستاهل اسكت عنها واطمطم الها..