فصلية الشيخ

البارت الأربعين

سارة: جانت رسل وهل بنية يخزرني ويباوعن بحقد علية بس مهتميت والله لحرك كلبج يارسل
حبيبي على كيفك رجلي

اسد: شكد جنت فرحان لان البارحه احلى ليلة بحياتي نمت يم سارة وفرحان ماكو مشاكل لحد هسة. بس من شفت رسل وعبير اختنكت هذني الاثنين حياية لازم كل بيت يدخللة لازم لازم ضروري يسون مشاكل بي
ظليت صافن وافكر يربي قوي علاقتي بسارة ولتخليهة تصير ضعيفة
انصدمت من كالت سارة حبيبي باوعت عليهة لكيتهة تباوع على رسل وتحجي
ههههه والله طلعت تحرك كليبي واني هم مقصرت

اي حبيبتي على كيفي والله اشيلج

سارة: هاذا مصدك ياللة
لا حبيبي لا لتشيلني 😁

اسد: يمة حصعدهة فوك لتعوفيهة وحدهة وديربالج عليهة

ام اسد: لايمة عوفهة يمنة تكعد فوك ضوجة وخنكة وبعدين غرفتكم مكاملة بعدهة اني خليت الشباب يطلعون كل الغراض المحروك حتى ارتبهة الكم مرة ثانية

اسد: لايمة عود خليهة بالطابق الثالث تكعد

ام اسد: يمة اشبيك شنو هلكد تخاف عليهة منة ترة مناكل بشر احنة عوفهة يمنة خطية البنية تصعدهة لطابق الثالث صعبة

رسل: اي عمةةة يخااف يخاف

عبير : اشلونك شيخ بالجذب مسلمت علية عود اني بنت خالتك

رسل: خطيية ملتهي بحبيبة كلبة

اسد: الحمدللة عبير اي والله يارسل ملتهي بيهة شعندي غيرها

سارة: انصدمت من كلام اسد وبنفس الوقت فرحتتت كوولش طرت من الفرحة من كلامة والله 😂

عبير بنت خالتة الثانية هي ورسل بنات خالة عووذة لو تشوفهة اشلون سلمت تعوج بحلكهة ردت اهجم عليهة اموتهة والله

رسل: عوفهة يمنة احنة انظل يمهة منعوووفهة مو عبيرتي

عبير: اي كلبي واني اسويلهة اطيببب شوربة

رسل: بعدشتريد سارة خانم

سارة: بهمس اسد خلي ادخل تعبت والله من الوكفة

اسد: اي عمري هسة ندخل
يلة احنة نسأذن يمة حخليهة بغرفتج لبين مااكمل غرفتنة ورسل خيتيي ريحي نفسج اني يمهة وامي وشهد هم

شهد: اي والله ريحي نفسج اني يمهة

اسد: اخذتهة دخلتهة بغرفت امي اني وشهد رتبت المكان شهد وراحت تجيب مي لسارة
ها اشلون دتحسين

سارة: زينة بمللل

اسد: اشبيج شو ضايجة

سارة: مابية شي

اسد: احنة بعدنة اصدقاء مو

سارة: هزيت راسي بمعنى اي

اسد: ماطول بعدنة أصدقاء لازم كولشي تحجيلي واحجيلج ومضمين علية اي شي نهااائيا اتفقتة

سارة: بس انت جذاب متكلي كولشي. وين تروح وين تجي ويامن تمشي كوولشي متكلي

اسد: عيب تكولين جذاب لا بعد اكلج كولشي اوك

سارة: اوك

اسد: هاهية يلة هسة احجيلي ليش ضايجة

سارة: هو يحجي واني صافنة على شفتة 💋 من يحجي

اسد: وين صافنة احجيلي اشبيج

سارة: ها لالا مصافنة

اسد: احجيلي غردييي

سارة: اسد عفية اني اخاف من رسل والله هي نفسهة رادت تكتلني وجانت ايدي كولشي مابيهة ومكدرت ادافعن عن نفسي مو عاد هسة

اسد: كلت بكلبي لعد عبير شتكولين عليهة
لا حبيبتي ماكو داعي تخافين اني يمج

سارة: اشو انتة اخذك الواهس حبيبتي وعمري ترة جنت اغور برسل

اسد: ههههه اي واني هم

سارة: بس هسة ماكو رسل

اسد: نسيت يلة بعد ماكو 😔😢

سارة: انتة حتروح هسة مضل يمي

اسد: اي اروح اجيب غراض لغرفتنة حتى اكملهة بساع واتصعدين فوك مضلين اهنا بس شهد حتضل يمج

سارة: تمام بسلامة

اسد: بستهة من خدهة

سارة: اسددد 🙁

اسد: اشبيج عادي

سارة: لاموعادي بعد لتعيدهة

اسد: رجعت بستهة بالخد الثاني
ها عدتهة شراح تسوين

سارة: 😕🙁

اسد: هههه اكلج صدوك

سارة: كوم اطلع برة اسد لتكول كولشي اطلع يلة

اسد: هههه لاواللة هاي مو غرفتج هاي غرفتة امي مااااطلع
وبعدين تذكرين البارحة من كتلج عندي شرط وكلتي خلي اكل وبعدين اسوي الشرط

سارة: اييي صح بس ماانفذة انتة شروطك كلهة مدري شلونهة

اسد: مو هو بكيفج يلة شرطييي تبوسيني

سارة: رسن بستة من خدة بس اتمنيت ابوسة بعد 😂😂😂على العطر والله يجننن

يلة هاهية بستك كوم رووح

اسد: اني مكلت من خدي اني اريد منا واشرت على شفتي

سارة: 😕🙁🙁هااااا

اسد: اي يلة وها مو بسة خفيفة قوية وكون اطول

سارة: اسد كوم روح

اسد: اروح بس اخذ البوسة

سارة: لاااا بستك وخلاص. يلة روح

اسد: كتلج ماروح لتخللليني اخذهة بالغصبب

سارة: اووووف دتقرب علية انفتح الباب رسن وخرت وعدلت كعدتي طلعت رسل

اسد: يتببببببببببببببع

التصويت

بقلم
الكاتبه أية عبد الرحمن