اسيرة قدرك

البارت 82

-يمه هسه انتي ليش قافلة خلي يأخذها وجفينه شره مو صغير هو صار بكبر البغل قابل بكيفج تجبري يهد البيت عليكم وعلي وتعرفينه خبل
ما دام رايدها لا توكفين بوجهه وبعدين واذا
مطلكة شكو بيها اذا هو رايدها..

-هي اسمعها تصيح و تحجي عليهم.. ما عرفت اربي وما تسمعون مني وناوين تموتوني ذيج اختك هجت هاي الها كم سنه هناك و اتوسل بيها ترجع مترضه وهذا قافل على بت عمته شلون
عمام هم وانت عود جبيرهم وهيج تحجي..

-هو تنهد.. يمه اني احجي ويا عوفي انتي
ترى يعاند اكثر بقه يحجي وياها شوي وسده..

-انقهرت عليها حجيت بهدوء ويا مهاب.. حبيبي
على كيفكم وياها ترى هي مقهورة على ناز
وانتم هيج تقهرونها بالزايد..

-كليلي شسوي اذا ذيج راحت ويا
ابوي قابل اجرها واجيبها حجيت وياها تكلي عندي بهالسنه مناقشة رسالة الماجستير يعني مستحيل ترجع
وذاك ذا راد شيء عناد يسوي هسه  يأخذها وتخسره امي هم ما تعرف تتصرف وهي
تعرف عناد زيد شنو مفروض تسايسه تقنعه
مو بهيج اسلوب..

-كم يوم مرت وكل يوم كابه بين زيد وعمتي
زيد قافل الا ياخذ بنت عمته وعمتي ما تريدها
وبيتهم صاير بس مشاكل لليل اجه زيد على مهاب يقنعه يروح ويا يخطبوها اتفقوا يأخذون اخو اسر الجبير وابوهم مناك مخابر على اخته كايللها بنتج لابني هو يحبها شاريها والام قابله بزيد وكايله الاخوها البنيه بتكم..

-طبعا هي البنية يتيمة ومطلكة وزيد
صار سنتين من حبها وقفل عليها رغم امة متريدله مطلكه بس هو اصر عليها اتفقوا
على كل شيء حددوا موعد من طلع زيد
مهاب كال اتفقنا ويا خالي وهو كال روحوا
قبلي اني اجي وراكم من اكمل شغلي..

-ثاني يوم  حضرت ملابس وغراض المهاب لان راح يبقون يومين الصبح اجه على زيد
وطلعنا ودوني يم اهلي وطلعوا للبصرة زيد جان فرحان ومتلهف على خطبته مبين هواي يحبها..

-العصر دك عليه مهاب بس حسيت صوته
مو طبيعي حجيت بخوف.. شبيك حبيبي
شو صوتك مو طبيعي صاير شيء؟!..

-هو كال.. غير كله من وره عرضه امي سوينه حادث بالطريق متبطل سوالفها وزين ما
راح بيها زيد اليوم الله ستر..

-عزا مهاب اخاف اتأذيتوا وزيد شبي..

-الحمد لله عدت مو كلش اتاذه بس رضوض بأيده وراسه نفشخ بالجام وسيارتي انضرب الوجه..

-مهاب لا تجذب عليه اخاف بيكم شيء
وما تحجي..

-لا حبيبتي والله ماكو شيء يعني اذا بيه
شيء احجي وياج حجاها واني كتله شلون صار الحادث..