"ကိုယ်က ကျန့်ရဲ့ ကိုယ့်ကျင့်တရားကို ယုံတယ်လေ"
သူနဲ့ ဝမ်ရိပေါ်တွေ့ခဲ့ကြောင်း ပြောပြသော်လည်း လီရှန်းက မည်သို့မျှ မတုန်လှုပ်။ ဖျော့တော့သော မျက်ဝန်းများနှင့်သာ သူ့ကို ငေးကြည့်ရင်း နားထောင်ပေးတယ်။
"နောက်ပြီး သူက အလုပ်လျှောက်မယ့်ကြော်ငြာပါတဲ့ ဂျာနယ်တစ်ခုကို ငါ့ကိုပေးခဲ့တယ်၊ ငါ လက်ခံလိုက်တယ် အကို"
"အင်း"
"အခု အဲ့ဒီဂျာနယ်မှာပါတဲ့ ကြော်ငြာထဲက ကုမ္ပဏီမှာ ငါအလုပ်လျှောက်သင့်လား"
လီရှန်းက သူ့ကို ငေးကြည့်နေရင်း သက်ပြင်းချတယ်။
"ကျန့်အတွက် အလုပ်တစ်ခုခုရဖို့က အရမ်းအရေးကြီးနေတာပဲ၊ ကျန့် လျှောက်သင့်ပါတယ်"
"အကိုက ခွင့်ပြုလိုက်တာလား"
"ကျန့်က လျှောက်ချင်တယ်မဟုတ်လား"
"အင်း...ငါ အလုပ်အတည်တကျရမှဖြစ်မှာလေ"
"ဒါဆိုရင် ကျန့် လျှောက်လိုက်ပေါ့"
လီရှန်းက သူ့ကို မည်သို့မျှပင် မကန့်ကွက်ပါ။ အေးဆေးစွာ ခွင့်ပေးခဲ့တယ်။
"ငါ ဝန်ခံစရာရှိသေးတယ် အကို"
"ပြောလေ"
"ငါ သူ့ကိုတွေ့ရင် ရင်ထဲမှာ တစ်မျိုးကြီးဖြစ်သွားတယ်"
"ဘယ်လိုခံစားချက်လဲ၊ ကျန့် သေချာသိလား"
"ဟင့်အင်း....ငါ သေချာမသိဘူး၊ ဒါပေမဲ့ ငါ သူနဲ့ တွေ့တဲ့အချိန်မှာတော့ ရင်ခုန်နေတယ်"
လီရှန်းက သူ့ကို ငေးငေးလေးသာ ကြည့်လိုက်တယ်။ လီရှန်းရဲ့ အကြည့်တွေက သူ့ကို စိုးရိမ်သည့် အရိပ်အယောင်လည်း ပါနေခဲ့တယ်။ သို့သော်လည်း လီရှန်းဘက်က မည်သည့်စကားတစ်ခွန်းမျှ ထွက်မလာခဲ့ဘူး။
"အကို ငါ့ကို မစိုးရိမ်ဘူးလား"
"မစိုးရိမ်ပါဘူး၊ ကိုယ်က ကျန့်ကို ယုံတယ်လေ"
"ကိုယ်ကလွဲပြီး ကိုယ့်ဒူးတောင် မယုံရဘူးဆို"
"ကိုယ်က ကိုယ့်ကိုယ်ကိုထက် ကျန့်ကို ပိုယုံတယ်"
ŞİMDİ OKUDUĞUN
ချစ်ခွန်းဖွဲ့သီ ချစ်သူ့ဆီ (COMPLETED)
Hayran Kurgu- BJYX Myanmar FanFiction 💚❤ - Not Zhanyi ⚠⚠⚠ - Wang Yibo_Seme - Xiao Zhan_Uke [Unicode and Zawgyi]
Part-3
En başından başla
