شعـيب (نبضات بين الوجدان) 🦋الفصل الثالث والعشرين بقلمي شيماء عصمت🦋
صلوا على خير البرية ♥️♥️♥️
{بعتذر جدًا على التأخير ولكن الشبكة بشعه جدًا بشكل خلاني أبكي من كتر محاولاتي لنشر الفصل ولكن كل مره مش بيتنشر أتمنى المره دي يفلح ويتنشر بعتذر لو فيه اي اخطاء أملائية الفصل لسه متراجعش دا غير ان عيني تعباني دعواتكم ليا فضلًا وطبعاً كلة كوم وصباع رجلي اللي كان هينكسر من خمس دقايق كوم تاني بس ربنا لطف بيا وجات سليمة بحبكم وشكرا على تمنياتكم ليا بالسلامة شكرًا من أعماق قلبي ودمتم عيلتي التانيه ❤❤❤❤❤ غلاف الحلقة مش هنشره لان مفيش نت تقريبًا واتمنى الفصل يتنشر لاني تعبت }
تفاعلوا فضلًا وليس أمرًا ❤
لقد انقلبت حياته رأساً على عقب بعد تلك المكالمة الهاتفية التي تلقاها في صباح اليوم .. فبعد محاولات كثيرة للبحث عن صاحب الدراجة الهوائية ذلك الشاب الذي ترك له مظروف به صور مفبركة تخص زوجته "لتيـن" إستطاع أحد رجالة العثور عليه .. وها هو في طريقه لأحد المخازن التابعة له
بعد وصول شعـيب وترحيب رجاله به دلف داخل المخزن بملامح واجمة قاسية وعينين مرعبتين لمن يراهما ، حدّق بـفتى الدرّاجة البخارية المُقيد بإحدى المقاعد الرثّة بملامح مرتعبة وعينين جاحظتين
إقترب شعـيب منه بخطوات فولاذية
وجلس بثقة على مقعد مخصص له رامقاً الأخير بنظرات جعلت العرق يتصبب منه وينسحب لون الحياة من وجهه ، هتف الشاب بعد مرور عدة دقائق قائلًا بإرتجاف: أنتَ .. أنتَ مين؟ وجايبني هنا ليه؟هدر شعـيب بصوت مرعب يذيب العظام من قسوته: أنا نهايتك
انتفض الشاب برعب فصاح شعـيب بقسوة: مين اللي باعتك يالاه؟! ونصيحة مني بلاش لف ودوران وإلا صدّقني هندمك على الساعة اللي جيت فيها الدنيا
أخفض الشاب رأسه بإرتجاف وابتلع ريقه بصعوبة قائلاً: معرفش حاجة ، أنا أصلاً معرفش أنتَ مين يا باشا
إستقام شعـيب بسرعة ليسقط مقعده بعنف مسبباً صوتاً مزعجاً قبل أن يقترب منه يجذبه من فروة رأسه بعنف قائلاً بحدّة وسط صرخات الشاب المتألمة: لف ودوران أنا مش عايز جاوبني أحسنلك ، أنت مش خارج من هنا إلا لمّا أعرف كل حاجة أنت فاهم؟
_خلاص يا باشا هقول .. هقول
ابتسم شعـيب بإنتصار قائلاً: سامعك
_من كام سنة في واحدة ست معرفهاش طلبت مني أعمل كام صورة لحضرتك يا باشا ومعاك واحدة في أوضاع لامؤاخدة يعني
وصمت بخوف فهدر شعـيب بحدة أفزعته: إخلص
أكمل بإرتجاف: عرضت عليا فلوس كتير عشان الموضوع يفضل في الخفى وفعلاً عملتلها الصور زي ما طلبت بالظبط ومن بعدها وهي فص ملح وداب ، لكن من كام شهر ظهرت من تاني وطلبت مني نفس الطلب ولنفس الست ولكن لراجل غير سعادتك وأنا نفذت المطلوب و وديت الصور للمكان اللي هي طلبته مني
أنت تقرأ
شعيب"الجزء الاول من سلسلة نبضات بين الوجدان"
Romanceكانت تهابه دوناً عن الجميع فهو الأكبر والأكثر قساوة بين أقاربها .. ولكن من كان يدري أنه سـيكون طوق النجاة الذي سـينتشلها من بؤرة هلاكها الجزء الاول من سلسلة نبضات بين الو روايـة رومانسي أجتماعي .. بقلمي: شيمـاء عصمت ..