اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دارت مكياج ساامبل ممشارجيش بزاف هزات خاتم زواجها ملقات مدير ف عنقها بقا فيها الحال مجابو ليها والو.. صيبات شعرها ويڤي و لبسات بليغتها كتشوف فراسها فللمراية و كدير لمسات الاخيرة فوجها حتا كتسمع الدقان وجدان:(بصوت حنين و بشوية) دخل دخلات لمياء لمياء:تبارك الرحمان جيتي غزااالة ا ختي وجدان(ابتاسمات ليها) : عويناتك لي زوينين ههه لمياء:راه جاو وجدان:مزيان ديري البصاطل فالفراان عفاك ا ختي و درتي دكشي لي قتلك يااك لمياء:ااه حطيت دكشي لي قلتي ليا وجدان:صافي سيري نتي انا نازلة ومات ليها لمياء ب راسها و نزلت للتحت شافت وجدان ف رأسها و خدات نفس عمييق معارفاش هاد الناس كياكونو ههه ولكن متخافوش على وجدان كتخرج راسها بحال الزغبة من العجيين.. هبطات فالدروج و وجهها كيضوي بدوك الماسكات لي دارت دازت ذيريكتومون للكوزينة وجدان:كولشي واجد ياك شوية و طفي على البصاطل متخليهمش ايتحرقو عنداك و لا اش جا ميسكت لينا عگوزتي لمياء:هههه متخاافييش ديراهم على نار مهيييلة وجدان:وا هكك هزات طبيسيل ديال الفاكية تعمدات تخليه هوا اللخر باش مدخلش عندهم بايديها خاويين و توجهات للصالون و ابتسامة بشوشة على وجهها دخلات عندهم و نضرات الكل توجهات لعند وجدان كولشي كيشوفيها و ف رُقي لبسها و الضحيكة لي على وجهها كيقولو عثمان دا و عرف اش داا هههه حطات وجدان الطبيسيل فوق الطابلة لي كانت عامرة ب حليوات دواز اتااي و عاد حليوات اللوز مشكيل و عاد طبسيل اخر غير ديال صابلي مشكل و مفيرقة طوييلة فيها ليماكاغو فالشكال و حلاوي چلاسي مقطعين صغاار و اتاي و القهوة لي بغا دكشي موجد كي طلباتو وجدان بالحرف مشات كتلسم من ليمن كانت جالسة واحد المرا نعطيوها ديك 60 فالعام لابسة عليها قفيطين جوهرة فالبييج و زيف حتا هوا فالبييج ولكن كاسر اللبسة و سراتل الذهب فايدها وجدان:مرحبا بييك فاطمة:ترحب بيك الجنة ا بنيتي انا عمت عثمان الكبييرة وجدان:(ابتسامة بشوشة) ترحب بيك الجنة ا خالتي ههه دازت للبنت لي حداها كانت مرا نعطيوها ديك 35 عاام سلمات عليها وجدان ببشاشة وجدان:مرحبا بيك ا ختي زينب:ترحب بيك الجنة ا حبيبة انا بنت عمت عثمان وجدان: مرحبا مرحبا نورتي هه كملات التسلام على كلشي لي كان من عماتو ل مراوات عمامو مهم كلشي كان بشوش و عجباااتهم بقاو كيتحتو و ايدويو حتا لمحات وجدان عثمان طالع للبيت ناضت وجدان بلاما تعيق تشوف عثمان و تنزلو ههه ضربات طلة على الكوزينة لقات لمياء جبدات الصيطلات و حطاتهم فالطباصل لمياء:ريحتهم كتحمق وجدان:ااه عاطية الريحة.. مهم حطي شلاضة و دكشي فوق الطابلة انا شوية و نجي مشات كتلوز ب ديك الترمة ههه طلعات الدرووج وصلات للبيت و حلاتو لقات عثمان كيلبس ف قاميجتو فالكحل و سروال حتا هوا فالكحل وجدان:(كتشوف فيه ب اعجااب) جيتي شافيها اش لابسة عحباتو جا معاها الحمر و جا معاها البلديي عثمان:(كيشوفيها حتا حشمهها و قرب جيهتها و شدها من خصرها) جيتي زوينة وجدان:(تلونو حنيكاتها) شكراا.. هزات عينيها كتشوف فيه نزل بعينيه ل فمها تشههاه و نزل باسها فيه بوسة حنينة حتا غمضات وجدان عينيها حيد فمو منها و رد ليها شعرها مورا ضهرها خلا عنقها ايبان نزل باسو حتا تبورشات ليه بين ايدوو بقا كيبوس فيه بوسات مفرقيين حتا المعلم لي علا سبة وقف وجدان بدات تحس براسها كطلع معاهها التبوريشة و بدات كدفع فيه بشوية ولكن هيهااات معامن نتيي حيط مكيتزعزعش ههه حس بايدياتها كيدفعو فييه و حيد فمو و هوا مساخييش من عنقهاا وجدان(كدوي ب شوية و صوت حنين) : خصنا نهبطوو.. عثمان ا حشم اضرب العشا و مايجي منو و ايبقا ا مع مرتو فالبييت مكيشبعش منها كتجيه حلووة فشكل ههه بقا ا صگع تكوي فيها تتقنبلها 🙄 نعل راسو و مشا كيمسح فمو من العكر لي تجخمط ليه ف فمو شد ليها فايدها و نزلو للتحت لقاوهم ناضو للطابلة جالسيين لقا عثمان التحية من بعييد معدوش مع كثرة ماح ماح و جلس ف راس الطبلة مجلسها حدااه كيشوف ف الطبلة كي مقادا و البصاطل محطوطين و هاديك الشلاضة الكبييرة فالوصط رحمة(ضاحكة حتا السنة لي طيحا ليها فالجنب بينا ههههه) : يلاه باسم لله لمياا وا لميا زيدي حطي.. جات لمياء هيا و البنات كيحطو فالشلاظة فالطباصل بداو الناس اياكلو و ايتببنو جاتهم فنة عجبتهم اياكلو و ايشكرو عثمان كيشوف ف مرتو صدماتو ههه حادگة ف كولشي كملو من الشلاظة و جاو قطعو البصاطل لي بغا شي حاجة كيعطيوها لييه كلاو حتا شبعو ايكملو هاد الطرف ايزيدو لاخر حمقتهم البصطيلة بنيينة و مقرمشة فاطمة:الله ايعطك الصحة ا بنيتي وجدان:بصحتك ا خالتي جابت لمياء الديسير من بعد مهزو البصاطل قطعاتو ليهم وجدان حيت لمياء معرفت كي دير ليه و وجدان عارفة حيت هيا لي مصيباه و مبغاتوش ايخصر المنضر ديالو فالتقطااع ناضت هزات الموس و بدات تقطع و لمياء كتهز ريماس و رانية كيشوفو فيها صدمتهم صدقت حاذگة هوما بيضة و كيحرقوها ههه كلاو التشيسكايك حتا هوا معندهم ميقولو فييه بنييين و لذيييذ 😋 كملو الماكلة و عمرو كريشتهم جابت ليهم لمياء ايغسلو ايديهم حيت كتار بقاو كيدويو من بعد متحولو للصالون عثمان باغي غيز ايمتا ايطلع باش احوزها فالنص تاني كولشي شبع الا هوا مشبعش منها ههه متفرتكو حتال هاديك 12 د ليل ولاو عينين وجدان كيتلسقوو عثمان سبقها للبييت و هيا بقات للتحت وجدان:اوا ا خالتي كي جاك العشااا (بضحكة فخر) رحمة:(كدوي فوق نيفها) اوا مزيان مزيان ا هوا ورقة البسطيلة قاصحة شوية وجدان:ههه اوا ا خالتي نتي سنانك راايبين خرجات رحاب عينيها ف وجدان و بدات ضحك طيرتها هههه رحمة:تبارك الله ولا قد الصطل قد القب وجدان:لا..حااشة ا خالتي رحمة:اوا منععرف رقية:تي شفتي بنت حادة كبرت ولات عندها الترمة تعشي دواار رحمة:واايه شتيها تلقايها ملسقة داك السالوكين (السيليكون ههه) وجدان: فخاطرها.. وا هيا ناري خليو ا حتا تهضمو هدشي لي عاد كليتو الله ايستر الله ايحضر الباس يا ربي رقية:تي كون ساعفتييني نهاار اللول اوزوجتيها للغزري عدك هزات وجدان راسها فيها معاجبها حال : اوا و انا شنو ديكور ا خالتي رقية(ضحكة صفرة) : اوا ذيك ساعات مكنتيشاي نتيا گااع وجدان:اوا هاني دباا (غميزة) كيجيتك رقية:كي الوريدة وجدان:اوا حضي الوريدة راه فيها الشووك عرفي كي تهزيها باش ميسيلش دمك (ناضت) يلاه تصبحو على خيير ناضت كتعوج ف مسلانها رقية معجبا حاال جاتها قمعتها هههه وراه قمعاتك ا بب ماشي ا جاتك طلعات لبيتها عياانة مهدودة باغا ا تنعس عييات ليوماا دخلات للبيت لقاتو جالس فالبالكو كيكمي مبغاتش تحكر عليه ولكن الكارو ايحيدو طال الزمن و لا قصاار مشات حيدات قفطانها و جمعات شعرها لبسات بيجامة شورط و سلييييب
