صبح الصبااح حل عثمان عينيه كيشوف فالشمس لي ضاربة فانحاء البييت هز التيليفون شاف شحال الساعة لقاها الثمنية ديال الصبااح هبط راسو ل جيهة المشة لي مخشية فييه بتاسم حتا عويناتو لي معسليين بالنعاس تسدوو بدا كيخبش ليها فوجهها ايلعب ليها فنيفها ايدوز لعينيها ل فمها مشكلها فنعاس حللت عويناتها الخضريين و شافت فيه مخنزرة عثمان(بصوت مبحوح) : ضربيني حسن.. فايقا مغوبشة اش كين وجدان:(صوت غالب عليه النعاس) وا هادي هيا صباح الخير ف بلادكم عثمان:نوريكك كيفاش دير الصباح فبلاذنا وجدان(عفراتو صباحو لارووب حيت كولو لارووب 😂) هبط براسو لعدنها و شد ليها شفيفاتها بين شفيفاتو و باسها بوسة حنيينة خلات وجدان تغمض عينيها حيد فمو من عليها و دوا : ها صباحي.. وجدان:ممم..(بقات كتشوف ف عينيه حتا دوات) انمشي للخذمة ياك ناض عثمان من حداها ميمكنش زعما تخليه عايش الرومانسية هههه.. ناض دخل للدوش و صرطح الباب من وراه حتا ققزت وجدان وجدان(كضرب ف فمها) : مزين ا وجدان..مزياان.. هوا كيبوس فيك عالصباح و نتيا زبلتيها بالخدمة(صبعت ل راسها) هاك ل دين لمك همتسواي نتي مديال رومانسية بدات تعض فضفرانها و تهز ف رجليها.. وجدان:دبا شنديير اووف ناضت مشات جيهة الدريسينغ كتمشا بحال البطريق البارح ملخها هههه و المشكيلة باقي موراهاش الكوا على اصولو... مشات ل جهة حويجو جبدات ليه قاميجة كحلة و سروال ديال التوب فالاسود صمطة كحلة.. حطاتهم فوق الناموسية كتشوف فيهم و ضحكة على وجهها خرج عثمان من الدوش كيمسح فوجهوو شافيها واققة و كتفرنس حرك راسو بمعنى اش كين هزات وجدان كتافها ب معنى والو (توما مالكم تزيزنتو ههه) خلاتو كيشوف فيها و دخلات للدوش غسلات وجهها ب الغاسول ديالها غسلات سنيناتها و خرجت لقاتو جالس شاد تيليفونو وجدان(باستفهام): معجبكش اشنو جبدتلييك.. ؟ عثمان: تؤ نسيتي البوكسوور خرجات وجدان عينيها فييه.. مشات بلا كلمة ب لا زوج للدريسينغ جبدات ليه واحد فالاسود و خرجت عندو مداتو ليه خداه من عندها و مشات بزربة لدريسينغ تجبد حويجهاا لبسات عليها
Oups ! Cette image n'est pas conforme à nos directives de contenu. Afin de continuer la publication, veuillez la retirer ou télécharger une autre image.
خرجات لقاتو كيدير ف ساعتو طلعاتو من رجليه حتال القاميجة حاليها زوج صديفات الفوقانيين شافيها اش لابسة جاتو مزيانة و مستورة واخا الصدر معيق شوية ولكن مزيانة وجدان:احم..انا انفطر ف لكابين ديالي حيت تعطلت شويا عثمان:اوك هزات ساكها و زادت خارجة من البيت و وقفها ب صوتو.. عثمان:متبقيش تخرجي دوميسيل بقاي ا فلاكابين ديالك نلقاك خارجة ذنوبك على راسك.. وجدان:ااه. .لا لا.. منخرجش على انا نعاود نخرج ويلي.. مكيطيح فالغلطة زوج مرات غير الحمار(حشاكم) عثمان:انا قتلك.. نزلات فالدروج و كدوي وجدان:هااء مال هادا.. اووف.. (كتمشا بزز كل رجل ف جييهة) حردني حردني هئ.. نزلات للتحت تلاقات مع ريماس و رانية ريماس:وجداان..صاڤاا.. وجدان:وي ا زين و نتي.. رانية(لابسة عليها صاية لاسقة فالباج حد الركبة و قاميجة بيضة مخشية فيها و طالون باج):البارح خرجتي من الحفلة اش واقع وجدان:شربت لالكول بالغلط.. ريماس:مم مكين مشكييل رانية:احم وجدان..عثمان خرج وجدان(عقدات حجبانها) : لا باقي علاش رانية:ااه..صافي..(هزات ساكها) يلاه باااي.. جات رحاب هازة كاس دالقهوة سلمات على وجدان رحاب:ههه شتهاا طارت وجدان:علاش مالها ريماس:خصها تكون فالشركة قبل من عثمان.. وجدان نسات تماما بلي رانية خدمات عند عثمان :ممم.. اوكي..يلاه انا غادا.. ريماس:احم..فيين وجدان:لخدمتي ا حبيبة(كتقاد ف خاتم زواجها) ريماس:خلاك تمشي.. وجدان:هه مكانش حابسني اصلا.. راك عارفة سبعيام دالبرقوق سالات اوا خصني نتحزم لخدمتيي.. رحاب كضحك ديما كتعطيهم المتقي خيارو مشات وجدان كتعوج كتحاول تمشي مقادا ههه دخلات ل طموبيلتها ديمارات و مشات.. اول حاجة دارتها مشات شرات تيليفون ههه.. صوباتو ب كولشي ليه و خرجت.. دازت للماكدو خدات فطور:قهوة و كرواسا و مشات.. وصلات للكابين ديالها فرححانة.. حلات الكابين و دخلت كتشوف فيها ب فرحة هاد لكابين دمرت عليها ديال بصح قراات و صهراات..باش تخدم الخدمة لي مواعدا بيها واليديها و تكون ف المقام لي كانو كيتمناوه ليها.. حطات ساكها فوق البيرو و جلست.. واحلة فالخدمة لي مجموعة عليها..
