"အဆင်ပြေရဲ့လားဆိုတာ....အလုပ်ကိုပြောတာလား....ကျွန်တော့်အခြေအနေကိုပြောတာလား..."
"နှစ်ခုလုံး...."
ဒီမိုနှင့်မျက်နှာချင်းဆိုင်နေရာမှ ပြတင်းပေါက်ဆီမျက်နှာလှည့်သွားသည် ။ ကုတင်အားလက်နှစ်ဖက်နှင့် နောက်ပြန်ထောက်ကာ ခြေထောက်နှစ်ဖက်အား လွှဲကစားနေသည့်ဇွဲမာန်ပိုင်ကို ဒီမိုငေးကြည့်နေမိသည်။
"အလုပ်ဆိုရင်တော့....အဆင်မပြေလို့မှမရတာဗျာ....လူဆိုရင်တော့ မပြေဘူးဗျာ...."
ဒီမို့စကားအဆုံး ဂရုဏာဆန်သည့် ဇွဲမာန်ပိုင်၏မျက်ဝန်းများ ဒီမို့ထံကျရောက်လာသည် ။
"ဒီမှာ လုပ်နေတာဘယ်လောက်ကြာပီလဲ...."
"သဘက်ခါ သုံးလပြည့်ပြီ...."
ခေါင်းတညိမ့်ညိမ့်လုပ်ကာ ဇွဲမာန်ပိုင်၏မျက်လုံးများသည် တစ စလွင့်နေသည့် ကန့်လန့်ကာဆီရောက်သွားပြန်သည် ။
"ကိုသာ.....မင်းကိုစောစောရှာတွေ့ခဲ့ရင်းကောင်းမှာ"
"မဟုတ်ဘူးကိုဇွဲ....ခင်ဗျားသာ ဒီနေရာကိုမလာခဲ့ရင်...ဒါမှမဟုတ်....ကျွန်တော်သာဒီမှာမလုပ်ခဲ့ရင် ကျွန်တော့်တို့တွေ့ရမှာမဟုတ်ဘူး... တွေ့သင့်တဲ့လူနဲ့ တွေ့ချိန်တန်မှ တွေ့ရတာဓမ္မတာပဲလေ...."
ဒီမို၏စကားအဆုံး ဇွဲမာန်ပိုင်၏နှုတ်ခမ်းများ အနည်းငယ်တွန့်ကွေးသွားပေမယ့် မျက်ခုံးတန်းများအား တွန့်ချိုးထားသေးသည်။
"အွန်းပါလေ....."
"ခင်ဗျာ...VIPအခန်းဌားပြီး...ဒီကိုလာနေတော့....ငွေကုန်တာပေါ့...ရိုးရိုးအခန်းလဲရ ရဲ့သားနဲ့.... "
"ဟား....VIPအခန်းဌားမှ...မင်းနဲ့တွေ့ခွင့်ရမှာပေါ့ဒီမို"
ရယ်သံနှောသည့်စကားအဆုံး ဒီမို့ရင်တွေခုန်လာသည် ။ အလိုလိုနေရင်းကို တဒိတ်ဒိတ်ခုန်နေခြင်းမျိုး ။ ဒီမိုအနောက်ကို အနည်းငယ်ဆုတ်လိုက်သည် ။
"ခင်ဗျားပိုက်ဆံတွေအလကားရနေတာလားဗျာ....."
ဒီမို့စကားကြောင့် ဇွဲမာန်ပိုင်ရယ်ပြန်သည် ။ ဖြူဖွေးတောက်ပြောင်သည့် ပုလဲတန်းလေးများညီညာစွာပေါ်လာသည်အထိ ။
YOU ARE READING
ပန်းရိုင်း (Completed)
Romanceပန်းရိုင်းတစ်ပွင့်အား ခူးယူပန်ဆင်မည့်လူလဲမရှိပါချေ။ အမြတ်တနိုးနမ်းရှိုက်မည့်လူလဲ မရှိပါချေ။ နင်းချေဖျက်ဆီးမည့်လူသာရှိပါ၏။ ကျွန်ုပ်သည်လဲ ထိုပန်းရိုင်းနှင့်သဏ္ဍန်တူ၏။
Part- 4
Start from the beginning
