منتصر درس قدام حوش ملك وخش لمربوعه وشويا وطلعتله ملك
منتصر صبى وهيا قدمت مدت ايدها سلم عليها بالخد
منتصر مبتسم..الف مبروك علينا
ملك ابتسمت..الله يبارك فيك حبيبي
منتصر حك شعره من لاوره..قمعزي باه
ملك قمعزت تلاه وهو قمعز مسك ايدها باسها
منتصر..سامحيني ماقدرتش نجي يوم الفاتحه حبيبي
ملك..ولا يهمك عيوني عادي
منتصر بحت فيها ومدلها باقه الورد..تفضلي
ملك..تهبل حبيبي نجك ليا يا عيوني
منتصر..وشيكولاطه ع قولتك الي تحبيها
ملك ابتسمت وفتحت العلبه كلت طرف..وشيكولاطه الي نحبها اممم محلاها ينعليا
منتصر قرب منها وباسها جنب فمها..اها حلوه تهبل
ملك زمطت ريقها وبحتت فيه..منتصر
منتصر..يا عيون منتصر ياعيونه
ملك..شنو الحركه هذي
منتصر ابتسم..نعاودها
ملك تبحت فيه بكل غباء..شنو هيا
منتصر غمزلها..لا رسمي نعاودها غير مانبيش نتحمس توا
مسك ايدها وطلع الإسواره لبسها لها ورفع ايدها باسها
منتصر يلبس فيها ف الخاتم..هذا ماينسلحش من صبعك..مسك صبعها..والا صبعك هذا نقصه منتصر ال&$& مايبصرش ياحلوه..وغمزلها
ملك مبتسمه لكلامه..تعرف اني نحب أفعالك صاح
منتصر ابتسم..وربي يقدرني ديما يكونن افعالي عجاباتك
ملك..ربي يحرسك من العين
منتصر مسك وجها ويمشي ف صبعه ع خدها..ويحرسك ليا ياعيون قلبي
ملك ابتسمت..و شنو عيوني قلبي هذي جديده
منتصر مسك ايدها وحطها ع قلبه..عيون قلبي يعني قلبي مايشوفش الا فيك
ملك قعدت تنش ع وجها..منتصر خلاص بنخش عدي بسرعه
منتصر يضحك..باه مزال بنحكي ع شقه عجببببتني بكلل بذات جو دار نوم ينعليا
ملك..خلاص خلاص عدي هيا صبي أصحابك يرجو فيك صاح عدي وراس منتصر راه ندوخ حي عليك
منتصر يضحك بصوت عالي
ملك..وراس منتصر راه يخش حد صوتك عالي
منتصر سكت..اسف مش قصدي حبيبي
ملك ابتسمت..ربي يدوم ضحكتك
منتصر صبى وطبس راسها..وضحتك ياحضي الحلو
ملك ابتسمت وطلعت معاه ودعاته بعد طلع منتصر ملك دزتله مسج
كم كان حظّي عظيما حين عثرت عليهہ💙"
*عندنا كنا ف كوجينه انا ومحبه
خش علينا ياسين شامر سما..يابطه نادر قاعد برا يبيك
محبه كشخت..مش بطه انا وباهي
ياسين ضحك..هبله عدي
طلعت محبه وياسين حط سما ع طاوله ويبحت فيا ومبتسم
انا ضحكت وقربت منه*
"طلعت محبه ونادر مقمعز ع طاوله ويحرك ف ولاعته ويبحت ف ارض
محبه صبت قدامه ومربعه ايديها
نادر قرن حواجبه وبحت فيها..مش خاشه ع يهود انتي
محبه شقلبت عيونها..شن تبي
نادر صبى ورفع حاجبه..كنك انتي شنو حركات هذينا
محبه..وراس امك ما تنكد عليا ف عرس خويا ساد نكد الي درته
نادر ضاغط ع سنونه..من الي نكد ع تاني ودار حركات مراهقين
محبه..ومن الي زعل لأخرى وقاله تدحنس انا قلت هكي انا يعني رانه مرايفه عليك لانه حملي هكي جاي عليك نبي نشوفك بس شوف ردك انت
نادر بحت فيها..مش قصدي حاجه وانا جاي بنراضيك اصلاً واذكرت فستانك ف خياط
محبه تبحت ف جيها لأخرى..لا جبته ماتعبش روحك
نادر فنص..كيف جبتيه مع من طلعتي
محبه زمطت ريقها وغمضت عيونها..قصدي ياسين عدا جابه
نادر مسك ايدها بقوه وضاغط ع سنونه..محبببببه كذب لا كذب لاااا سمي وموتي الكذب
محبه تفك ف ايدها..باه اطلقها مانعرفش نحكي هكي انا
نادر على صوته..يعنني طلعتتتي من ورااايا ردي عليا
محبه وخرت ع ساس..مش قصدي هكي يا نادر والله بس
نادر يبحت فيها ومفنص يتنفس بقوه..بس شنو شنووو بس شنوو انتي عارفه الي درتيه هذا شنو عااارفه
محبه منزله راسها
نادر مسك ايدها يخض فيها..انتي هاااي نحكي معاك نحكي معاك بحتي فيا هنا
محبه بصوت يرجف..وطي صوتك يسمعوك هلي
نادر..اها يعني خايفه ماخافتيش مني بعد نعرف ماحسبتيش احسابي مش راجل قدامك ولا شنو ينعن &$&
محبه دموعها ينزلن وساكته
نادر قارن حواجبه ويبحت فيها ويحكي بعصبيه..عارفه انه ملائكه تلعنك عارفتيها ياابله طالعه بدون اذني صار
محبه تبحت فيه وتبكي..والله ماكان قصدي كنت رقيلي بس
منتصر قرب منهم وهو مستغرب العياط..شن في كنكم
محبه خايفه ولاصقه ف ساس ونادر وخر قعد يمسح ع وجه
نادر..شي ما في شي مشكله بسيطه
منتصر قارن حواجبه..كنك تبكي شن في صوتكم مش صوت مشكله بسيط
محبه تبكي..مافيش حاجه خلاص منتصر توا نحلوها بينا
منتصر يبحت فيهم وبحت ف نادر..شن دايره
محبه بحتت فيه..شن عرفك اني انا غلطانه ليش مش هو غلطان
نادر عاض ع فمه..محببببه
منتصر..يارا شن في ازف شن دايره
نادر..والله اختك المحترمه طلعت بدون اذني
منتصر بحت ف محبه وفنص..امتى صارت
نادر معصب ومش فاطن ل كلامه..جاي بنراضي امها نعرف انها طالعه من ورايا طاااللعه من ورررايا عارف شن معناها مش حاسبه امي راجل قاعد ماسك روحي عليها يامنتصر مانبيش نغلط مانبيش نمدها ايدي عليها
محبه تبكي وساكته
طلع ياسين عاقد حواجبه..كنكم شن في كنك انتي تبكي
محبه مشت تجري مسكت ف ياسين..و الله ماكان قصدي ياسين قاعد يعيط ويهزب قريب يضربني
منتصر..محبه صكري فمك اسكتي وخشي جوا
نادر بحت فيها..نقولك حاجه دابين تصرفي من راسك وتطلعي بدون شوري خليك عند هلك بالك اتادبي.
وجاء بيطلع
ياسين..اوي شن في كنه هذا
محبه تبكي وماسكه ف ياسين..ياسين فهمه والله ماكان قصدي انا
ياسين تنهد..خشي جوا يامحبه
محبه..بس
ياسين..خشي قتلك
محبه قعدت تمسح ف دموعها وخشت
ياسين..شن صاير كنكم
نادر يمسح ع وجه ويستغفر..خلاص مافيش شي ينتهي العرس ونحلوها ان شاء الله
منتصر..محبه غلطانه معليش امسحها ف وجي عندك حق
نادر..خلاص توا تنحل مادورش
ياسين..شن صاير بس
نادر قعد يحكيله
ياسين..ماكنتش نعرف انه من وراك معليش يانادر اه
نادر..لا ولا يهمك ساهل ساهل تنحل
ياسين..مش موقف معاها انا عارفها غلطت ف حقك بس نفسيتها راعيها شويا محبه حساسه
نادر..لا تمام عارف تبو حاجه توا
منتصر..سلامتك يا طير
طلع نادر ومنتصر بحت ف ياسين
منتصر..نخش نكسرها توا ولا شن ندير
ياسين..خليه شوري الموضوع متدخلش انت بس
منتصر..انقنه تصرفها قلق بكل
ياسين..عارفه قلق بس شنو نصبي مع راجل نقوله اضربها ولا شنو
منتصر..تي بروحه مش ناوي ع خير اصلا بس بيني وبينك خليها تستاهل شنو هذا مش دلع هذي قله ادب
ياسين يولع ف دخان..راك تحكي قدامها تزعل رد بالك بينهم مادخلنش
منتصر..ان شاء الله خير
ياسين بحت فيا وغمزله..فرحان
منتصر ابتسم..بنطير
ياسين خبطه ع كتفه..ربي يهنيك يا طير
منتصر..ويهنيك مع ننوشه
ياسين بحت بجنب..باه خف دلع يارا
منتصر يضحك..ينعليا وخلاص
ياسين يدخن ويضحك شويا وخش للحوش
ياسين من كوجينه..محبه
محبه جاته..نعم
ياسين شير بعيونه ع جنان..تعالي ورايا
الحلقة السابعة والعشرون
Zacznij od początku
