كانت تهابه دوناً عن الجميع فهو الأكبر والأكثر قساوة بين أقاربها .. ولكن من كان يدري أنه سـيكون طوق النجاة الذي سـينتشلها من بؤرة هلاكها
الجزء الاول من سلسلة نبضات بين الو
روايـة رومانسي أجتماعي ..
بقلمي: شيمـاء عصمت ..
شعـيب (نبضات بين الوجدان) 🦋الفصل الواحد والعشرين بقلمي شيماء عصمت🦋
صلوا على خير البرية ♥️♥️♥️
اللهم احفظ الجزائر وأهلها..... دعواتكم لأهل الجزائر 🇩🇿 🇩🇿
فاللهم بردا وسلاما على الجزائر وأهلها♥️
××××××××××××
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
××××××××××××
وصلت لقسم الشرطة منذ أكثر من عشر دقائق وها هي تجلس قُبَالَته يرمقها بنظرات متفحصة أقلقتها وكأنه على وشك الفتك بها ولا تعلم السبب!
باغتها شعـيب بسؤال قطع الصمت المحيط بِهما: جاية ليه يا نـورا؟ إيه الشيء الضروري اللي يخليكِ تجيلي في وقت زي دة وفي مكان زي اللي إحنا فيه؟ فيه إيه بالظبط؟
تفرّسته بنظراتها قبل أن تقول بثبات: جيالك في الخير .. أنا جاية ومعايا اللي هيطلعك من هنا زي الشعرة من العجين
عقد حاجبيه قائلاً بسخرية: إيه معاكِ العصاية السحرية؟
اتسعت إبتسامتها قبل أن تضحك برقة مصطنعة: بعيداً عن خفة دمك بس معايا إتفاق لو وافقت عليه بكرة الصبح هتخرج من سرايا النيابة وتوصل لبيتك بالسلامة
هتف شعـيب دون تعبير: وياترى إيه العرض المميز دة؟ على حد علمي أنا معملتش حاجة أتحبس عشانها دة سوء تفاهم مش أكتر
أجابته بمكر التمع بعينيها وهي تقترب منه بجرأة: سوء التفاهم في ثانية ممكن يبقى أمر واقع لو عمـاد نفذ اللي في دماغه
إستقام واقفاً يدير لها ظهره: بلاش لف ودوران يا نـورا و قولي اللي عندك
وقفت خلفه مباشرة وأمالت وجهها نحوه تهتف داخل أذنه بصوت ناعم كالأفعى: طلق لتيـن ، طلاق بيّن مالهوش رجوع
إلتفت لها بسرعة البرق وقد نفرت عروقه بطريقة مقلقة وكأنه على وشك الإنفجار قبل أن يهدر بوحشية: الكلام ده عند أمك .. لتيـن مين اللي أطلقها؟ أنتِ اتهبلتي على المسى؟
ارتدت عدة خطوات للخلف وأسرعت تقول بإرتباك: أنا مجبتش الكلام ده من عندي أنا يدوبك مرسال ولولا خوفي عليك يا ابن عمي أنا مكنتش تدخلت في الموضوع ده من الأول صدقني أنا خايفة عليك
